12Acts 12

1Во оно же время возложи Ирод царь руце озлобити некия иже от церкве,Select Acts 12:1

2уби же Иакова, брата Иоаннова, мечем:Select Acts 12:2

3и видев, яко годе есть Иудеем, приложи яти и Петра: бяху же дние опресночнии:Select Acts 12:3

4егоже и емь всади в темницу, предав четырем четверицам воинов стрещи его, хотя по Пасце извести его к людем.Select Acts 12:4

5И убо Петра стрежаху в темнице: молитва же бе прилежна бываемая от церкве к Богу о нем.Select Acts 12:5

6Егда же хотяше его извести Ирод, в нощи той бе Петр спя между двема воинома, связан (железнома) ужема двема, стражие же пред дверьми стрежаху темницы.Select Acts 12:6

7И се, Ангел Господень предста, и свет возсия в храмине: толкнув же в ребра Петра, воздвиже его, глаголя: востани вскоре. И спадоша ему ужя (железная) с руку.Select Acts 12:7

8Рече же Ангел к нему: препояшися и вступи в плесницы твоя. Сотвори же тако. И глагола ему: облецыся в ризу твою и последствуй ми.Select Acts 12:8

9И изшед вслед его идяше и не ведаше, яко истина есть бывшее от Ангела, мняше же видение зрети.Select Acts 12:9

10Прошедша же первую стражу и вторую, приидоста ко вратом железным, вводящым во град, яже о себе отверзошася има: и изшедша преидоста стогну едину, и абие отступи Ангел от него.Select Acts 12:10

11И Петр быв в себе, рече: ныне вем воистинну, яко посла Бог Ангела Своего и изят мя из руки Иродовы и от всего чаяния людий Иудейских.Select Acts 12:11

12Смотрив же прииде в дом Марии матере Иоанна, нарицаемаго Марка, идеже бяху мнози собрани и молящеся.Select Acts 12:12

13Толкнувшу же Петру во врата двора, приступи слышати отроковица, именем Роди,Select Acts 12:13

14и познавши глас Петров, от радости не отверзе врат, притекши же сказа Петра стояща пред враты.Select Acts 12:14

15Они же к ней реша: беснуешися ли? Она же крепляшеся тако быти. Они же глаголаху: Ангел его есть.Select Acts 12:15

16Петр же пребываше толкий: отверзше же видеша его и ужасошася.Select Acts 12:16

17Помаав же им рукою молчати, сказа им, како Господь его изведе из темницы: рече же: возвестите Иакову и братиям сия. И изшед иде во ино место.Select Acts 12:17

18Бывшу же дню, бе молва не мала в воинех, что убо Петру бысть:Select Acts 12:18

19Ирод же, поискав его и не обрет и истязав стражы, повеле отвести их: и изшед от Иудеи в Кесарию, живяше.Select Acts 12:19

20Бе же Ирод гневаяся на Тиряны и Сидоняны: иже единодушно приидоша к нему, и умоливше Власта постельника царева, прошаху мира, понеже страны их от царства его питахуся.Select Acts 12:20

21В нареченный же день Ирод, оболкся во одежду царску и сед на судище пред народом, глаголаше к ним,Select Acts 12:21

22народ же возглашаше: глас Божий, а не человечь.Select Acts 12:22

23Внезапу же порази его Ангел Господень, зане не даде славы Богу: и быв червьми изяден, издше.Select Acts 12:23

24Слово же Божие растяше и множашеся.Select Acts 12:24

25Варнава же и Савл возвратистася из Иерусалима во Антиохию, исполнивша службу, поемша с собою и Иоанна, нарицаемаго Марка.Select Acts 12:25