15Acts 15

1И нецыи сшедше от Иудеи, учаху братию, яко аще не обрежетеся по обычаю Моисеову, не можете спастися.Select Acts 15:1

2Бывшей же распри и стязанию не малу Павлу и Варнаве к ним, учиниша взыти Павлу и Варнаве и неким другим от них ко Апостолом и старцем во Иерусалим о вопрошении сем.Select Acts 15:2

3Они же убо, предпослани бывше от церкве, прохождаху Финикию и Самарию, поведающе обращение языков, и творяху радость велию всей братии.Select Acts 15:3

4Пришедше же во Иерусалим, прияти быша от церкве и Апостол и старец, сказаша же, елика сотвори Бог с ними и яко отверзе языком дверь веры.Select Acts 15:4

5Восташа же нецыи от ереси фарисейския веровавшии, глаголюще, яко подобает обрезати их, завещавати же блюсти закон Моисеов.Select Acts 15:5

6Собрашася же Апостоли и старцы ведети о словеси сем.Select Acts 15:6

7Многу же взысканию бывшу, востав Петр рече к ним: мужие братие, вы весте, яко от дний первых Бог в нас избра усты моими услышати языком слово Благовестия и веровати:Select Acts 15:7

8и Сердцеведец Бог свидетелствова им, дав им Духа Святаго, якоже и нам,Select Acts 15:8

9и ничтоже разсуди между нами же и онеми, верою очищь сердца их:Select Acts 15:9

10ныне убо что искушаете Бога, (хотяще) возложити иго на выи учеником, егоже ни отцы наши, ни мы возмогохом понести?Select Acts 15:10

11Но благодатию Господа Иисуса Христа веруем спастися, якоже и они.Select Acts 15:11

12Умолча же все множество и послушаху Варнавы и Павла поведающею, елика сотвори Бог знамения и чудеса во языцех има.Select Acts 15:12

13По умолчании же ею, отвеща Иаков глаголя: мужие братие, послушайте мене:Select Acts 15:13

14Симеон поведа, яко прежде Бог посети прияти от язык люди о имени Своем:Select Acts 15:14

15и сему согласуют словеса пророк, якоже пишет:Select Acts 15:15

16по сих обращуся и созижду кров Давидов падший, и раскопаная его созижду и исправлю его,Select Acts 15:16

17яко да взыщут прочии человецы Господа, и вси языцы, в нихже наречеся имя Мое, глаголет Господь, творяй сия вся.Select Acts 15:17

18Разумна от века суть Богови вся дела Его.Select Acts 15:18

19Сего ради аз сужду не стужати от язык обращающымся к Богу,Select Acts 15:19

20но заповедати им огребатися от треб идолских и от блуда и удавленины и от крове, и елика неугодна себе суть, иным не творити.Select Acts 15:20

21Моисей бо от родов древних по всем градом проповедающыя его имать, в сонмищих по вся субботы чтомый.Select Acts 15:21

22Тогда изволися Апостолом и старцем со всею церковию, избравше мужа от них, послати во Антиохию с Павлом и Варнавою, Иуду нарицаемаго Варсаву, и Силу, мужа нарочита в братии,Select Acts 15:22

23написавше рукама их сия: Апостоли и старцы и братия, сущым во Антиохии и Сирии и Киликии братиям, иже от язык, (о Господе) радоватися.Select Acts 15:23

24Понеже слышахом, яко нецыи от нас изшедше возмутиша вас словесы, развращающе душы вашя, глаголюще обрезатися и блюсти закон, имже мы не завещахом:Select Acts 15:24

25изволися нам собравшымся единодушно, избранныя мужы послати к вам, с возлюбленныма нашима Варнавою и Павлом,Select Acts 15:25

26человекома предавшема душы своя о имени Господа нашего Иисуса Христа:Select Acts 15:26

27послахом убо Иуду и Силу, и тех словом сказующих таяжде:Select Acts 15:27

28изволися бо Святому Духу и нам, ничтоже множае возложити вам тяготы, разве нуждных сих:Select Acts 15:28

29огребатися от идоложертвенных и крове, и удавленины и блуда: и елика не хощете вам быти, другим не творите: от нихже соблюдающе себе, добре сотворите. Здравствуйте.Select Acts 15:29

30Они же убо послани бывше приидоша во Антиохию, и собравше народ, вдаша послание.Select Acts 15:30

31Прочетше же, возрадовашася о утешении.Select Acts 15:31

32Иуда же и Сила, и та пророка суща, словом мнозем утешиста братию и утвердиста.Select Acts 15:32

33Пребывша же тамо время, отпущена быста с миром от братий ко Апостолом.Select Acts 15:33

34Изволися же Силе пребыти тамо, Иуда же возвратися во Иерусалим.Select Acts 15:34

35Павел же и Варнава живяста во Антиохии, учаща и благовествующа слово Господне, и со инеми многими.Select Acts 15:35

36По неких же днех рече Павел к Варнаве: возвращшеся подобает посетити братию нашу во всех градех, в нихже проповедахом слово Господне, како пребывают.Select Acts 15:36

37Варнава же восхоте пояти с собою Иоанна нарицаемаго Марка:Select Acts 15:37

38Павел же глаголаше отступльшаго от наю от Памфилии и не шедшаго с нама на дело, на неже послани быхом, не пояти сего с собою.Select Acts 15:38

39Бысть убо распря, яко отлучитися има от себе: Варнава убо поемь Марка отплы в Кипр:Select Acts 15:39

40Павел же избрав Силу изыде предан благодати Божией от братий,Select Acts 15:40

41прохождаше же Сирию и Киликию, утверждая церкви.Select Acts 15:41