16Acts 16

1Прииде же в Дервию и Листру. И се, ученик некий бе ту, именем Тимофей, сын жены некия Иудеаныни верны, отца же Еллина:Select Acts 16:1

2иже свидетелствован бе от сущих в Листрех и Иконии братии.Select Acts 16:2

3Сего восхоте Павел с собою изыти: и приемь обреза его, Иудей ради сущих на местех онех: ведяху бо вси отца его, яко Еллин бяше.Select Acts 16:3

4И якоже прохождаху грады, предаяше им хранити уставы сужденныя от Апостол и старец, иже во Иерусалиме.Select Acts 16:4

5Церкви же утверждахуся верою и прибываху в число по вся дни.Select Acts 16:5

6Прошедше же Фригию и Галатийскую страну, возбранени (быша) от Святаго Духа глаголати слово во Асии.Select Acts 16:6

7Пришедше же в Мисию, покушахуся в Вифинию поити: и не остави их Дух.Select Acts 16:7

8Прешедше же Мисию, снидоша в Троаду.Select Acts 16:8

9И видение в нощи явися Павлу: муж некий бе Македонянин стоя, моля его и глаголя: пришед в Македонию, помози нам.Select Acts 16:9

10И якоже видение виде, абие взыскахом изыти в Македонию, разумевше, яко призва ны Господь благовестити им.Select Acts 16:10

11Отвезшеся же от Троады, приидохом в Самофрак, воутрие же в Неаполь,Select Acts 16:11

12оттуду же в Филиппы, иже есть первый град части Македонии, колониа. Бехом же в том граде пребывающе дни некия.Select Acts 16:12

13В день же субботный изыдохом вон из града при реце, идеже мняшеся молитвенница быти, и седше глаголахом к собравшымся женам.Select Acts 16:13

14И некая жена, именем Лидиа, порфиропродалница от града Фиатирскаго, чтущи Бога, послушаше: ейже Господь отверзе сердце внимати глаголемым от Павла.Select Acts 16:14

15Якоже крестися та и дом ея, моляше ны глаголющи: аще усмотристе мя верну Господеви быти, вшедше в дом мой, пребудите. И принуди нас.Select Acts 16:15

16Бысть же идущым нам на молитву, отроковица некая имущая дух пытлив срете нас, яже стяжание много даяше господем своим волхвующи.Select Acts 16:16

17Та последовавши Павлу и нам, взываше глаголющи: сии человецы раби Бога Вышняго суть, иже возвещают нам путь спасения.Select Acts 16:17

18Се же творяше на многи дни. Стужив же си Павел и обращься, духови рече: запрещаю ти именем Иисуса Христа, изыди из нея. И изыде в том часе.Select Acts 16:18

19Видевше же господие ея, яко изыде надежда стяжания их, поемше Павла и Силу, влекоша на торг ко князем,Select Acts 16:19

20и приведше их к воеводам, реша: сии человецы возмущают град наш, Иудее суще,Select Acts 16:20

21и завещавают обычаи, яже не достоит нам приимати ни творити, Римляном сущым.Select Acts 16:21

22И снидеся народ на них, и воеводы растерзавше има ризы, веляху палицами бити их:Select Acts 16:22

23многи же давше има раны, всадиша в темницу, завещавше темничному стражу твердо стрещи их:Select Acts 16:23

24иже таково завещание приемь, всади их во внутреннюю темницу и ноги их заби в кладе.Select Acts 16:24

25В полунощи же Павел и Сила молящася пояста Бога: послушаху же их юзницы.Select Acts 16:25

26Внезапу же трус бысть велий, яко поколебатися основанию темничному: отверзошася же абие двери вся, и всем юзы ослабеша.Select Acts 16:26

27Возбуждься же темничный страж и видев отверсты двери темницы, извлек нож, хотяше себе убити, мня избегшя юзники.Select Acts 16:27

28Возгласи же гласом велиим Павел глаголя: ничтоже сотвори себе зла, вси бо есмы зде.Select Acts 16:28

29Просив же свещи вскочи, и трепетен быв, припаде к Павлу и Силе,Select Acts 16:29

30и извед их вон, рече: господие, что ми подобает творити, да спасуся?Select Acts 16:30

31Она же рекоста: веруй в Господа Иисуса Христа, и спасешися ты и весь дом твой.Select Acts 16:31

32И глаголаста ему слово Господне, и всем, иже в дому его.Select Acts 16:32

33И поемь я в тойже час нощи, измы от ран и крестися сам и свои ему вси абие:Select Acts 16:33

34введ же я в дом свой, постави трапезу и возрадовася со всем домом своим, веровав Богу.Select Acts 16:34

35Дню же бывшу, послаша воеводы паличники, глаголюще: отпусти человека она.Select Acts 16:35

36Сказа же темничный страж словеса сия Павлу, яко послаша воеводы, да отпущена будета: ныне убо изшедша, идита с миром.Select Acts 16:36

37Павел же рече к ним: бивше наю пред людьми, неосужденна человека Римлянина суща, всадиша в темницу, и ныне отай изводят наю? Ни бо: но да пришедше сами изведут наю.Select Acts 16:37

38Сказаша же паличницы воеводам глаголы сия: и убояшася слышавше, яко Римлянина еста.Select Acts 16:38

39И пришедше умолиша их и изведше моляху изыти из града.Select Acts 16:39

40Изшедша же из темницы приидоста к Лидии, и видевша братию, утешиста их и изыдоста.Select Acts 16:40