17Acts 17

1Прешедша же Амфиполь и Аполлонию, внидоста в Солунь, идеже бе сонмище Иудейское.Select Acts 17:1

2По обычаю же своему Павел вниде к ним и по субботы три стязашеся с ними от Писаний,Select Acts 17:2

3сказуя и предлагая им, яко Христу подобаше пострадати и воскреснути от мертвых, и яко Сей Иисус, Егоже аз проповедую вам, есть Христос.Select Acts 17:3

4И нецыи от них вероваша и приложишася к Павлу и Силе, от честивых Еллин множество много и от жен благородных не мало.Select Acts 17:4

5Возревновавше же непокоршиися Иудее и приемше крамолники некия мужы злыя, и собравше народ, молвяху по граду: нашедше же на дом Иассонов, искаху их извести к народу.Select Acts 17:5

6Не обретше же их, влечаху Иассона и некия от братий ко градоначалником, вопиюще, яко, иже развратиша вселенную, сии и зде приидоша,Select Acts 17:6

7ихже прият Иассон: и сии вси противно велением кесаревым творят, царя глаголюще иного быти, Иисуса.Select Acts 17:7

8Смятоша же народ и градоначалники слышащыя сия:Select Acts 17:8

9вземше же доволное от Иассона и от прочих, отпустиша их.Select Acts 17:9

10Братия же абие в нощи отслаша Павла и Силу в Берию: иже пришедша, идоста в собор Иудейский.Select Acts 17:10

11Сии же бяху благороднейши живущих в Солуни, иже прияша слово со всем усердием, по вся дни разсуждающе Писания, аще суть сия тако.Select Acts 17:11

12Мнози убо от них вероваша, и от Еллинских жен благообразных и мужей не мало.Select Acts 17:12

13И яко уведаша иже от Солуня Иудее, яко и в Берии проповедася от Павла слово Божие, приидоша и тамо движуще и смущающе народы.Select Acts 17:13

14Абие же тогда братия отпустиша Павла ити на поморие: остаста же Сила и Тимофей тамо.Select Acts 17:14

15Провождающии же Павла ведоша его даже до Афин, и приемше заповедь к Силе и Тимофею, да яко скорее приидут к нему, изыдоша.Select Acts 17:15

16Во Афинех же ждущу их Павлу, раздражашеся дух его в нем зрящем идол полн сущь град.Select Acts 17:16

17Стязашеся же убо на сонмищи со Иудеи и с честивыми, и на торжищи по вся дни с приключающимися.Select Acts 17:17

18Нецыи же от епикур и от стоик философ стязахуся с ним: и нецыи глаголаху: что убо хощет суесловивый сей глаголати? Инии же: чуждих богов мнится проповедник быти: яко Иисуса и воскресение благовествоваше им.Select Acts 17:18

19Поемше же его, ведоша на ареопаг, глаголюще: можем ли разумети, что новое сие глаголемое тобою учение?Select Acts 17:19

20Странна бо некая влагаеши во ушеса наша: хощем убо разумети, что хотят сия быти?Select Acts 17:20

21Афинее же вси и приходящии страннии ни во чтоже ино упражняхуся, разве глаголати что или слышати новое.Select Acts 17:21

22Став же Павел посреде ареопага, рече: мужие Афинейстии, по всему зрю вы аки благочестивыя:Select Acts 17:22

23проходя бо и соглядая чествования ваша, обретох и капище, на немже бе написано: неведомому Богу. Егоже убо не ведуще (благолепне) чтете, Сего аз проповедую вам.Select Acts 17:23

24Бог сотворивый мир и вся, яже в нем, Сей небесе и земли Господь сый, не в рукотворенных храмех живет,Select Acts 17:24

25ни от рук человеческих угождения приемлет, требуя что, Сам дая всем живот и дыхание и вся:Select Acts 17:25

26сотворил же есть от единыя крове весь язык человечь, жити по всему лицу земному, уставив предучиненая времена и пределы селения их,Select Acts 17:26

27взыскати Господа, да поне осяжут Его и обрящут, яко не далече от единаго коегождо нас суща:Select Acts 17:27

28о Нем бо живем и движемся и есмы, якоже и нецыи от ваших книжник рекоша: Сего бо и род есмы.Select Acts 17:28

29Род убо суще Божий, не должни есмы непщевати подобно быти Божество злату, или сребру, или каменю художне начертану, и смышлению человечу:Select Acts 17:29

30лета убо неведения презирая Бог, ныне повелевает человеком всем всюду покаятися:Select Acts 17:30

31зане уставил есть день, в оньже хощет судити вселенней в правде, о Мужи, Егоже предустави, веру подая всем, воскресив Его от мертвых.Select Acts 17:31

32Слышавше же воскресение мертвых, овии убо ругахуся, овии же реша: да слышим тя паки о семе.Select Acts 17:32

33И тако Павел изыде от среды их.Select Acts 17:33

34Нецыи же мужие прилепившеся ему, вероваша: в нихже бе и Дионисий Ареопагитский, и жена именем Дамарь, и друзии с ними.Select Acts 17:34