21Acts 21

1И якоже бысть отвезтися нам, отторгшымся от них, прямо шедше приидохом в Кон, в другий же день в Родос и оттуду в Патару:Select Acts 21:1

2и обретше корабль преходящь в Финикию, возшедше отвезохомся.Select Acts 21:2

3Возникший же нам Кипр оставльше ошуюю, плыхом в Сирию и пристахом в Тире, тамо бо бяше кораблю изложити бремя:Select Acts 21:3

4и обретше ученики, пребыхом ту дний седмь: иже Павлови глаголаху Духом не восходити во Иерусалим.Select Acts 21:4

5Егда же бысть нам скончати дни, изшедше идохом, провождающым нас всем с женами и детьми даже до вне града: и преклоньше колена при брезе помолихомся.Select Acts 21:5

6И целовавше друг друга внидохом в корабль, они же возвратишася во своя си.Select Acts 21:6

7Мы же, плавание наченше от Тира, пристахом во Птолемаиде, и целовавше братию, пребыхом день един у них.Select Acts 21:7

8Во утрие же изшедше Павел и иже с ним, приидохом в Кесарию, и вшедше в дом Филиппа благовестника, суща от седми (диакон), пребыхом у него.Select Acts 21:8

9Сего же бяху дщери девицы четыри прорицающыя.Select Acts 21:9

10Пребывающым же нам тамо дни многи, сниде некто от Иудеи пророк, именем Агав,Select Acts 21:10

11и пришед к нам и взем пояс Павлов, связав же свои руце и нозе, рече: тако глаголет Дух Святый: мужа, егоже есть пояс сей, тако свяжут (его) во Иерусалиме Иудее и предадят в руце языков.Select Acts 21:11

12И якоже слышахом сия, моляхом мы же и наместнии, не восходити ему во Иерусалим.Select Acts 21:12

13Отвеща же Павел и рече: что творите, плачуще и сокрушающе ми сердце? Аз бо не точию связан быти (хощу), но и умрети во Иерусалиме готов есмь за имя Господа Иисуса.Select Acts 21:13

14Не повинующуся же ему, умолчахом, рекше: воля Господня да будет.Select Acts 21:14

15По днех же сих уготовльшеся взыдохом во Иерусалим:Select Acts 21:15

16приидоша же с нами и нецыи ученицы от Кесарии, ведуще с собою, у негоже бы обитати нам, Мнасона некоего Кипрянина, древняго ученика.Select Acts 21:16

17Бывшым же нам во Иерусалиме, любезно прияша нас братия.Select Acts 21:17

18На утрие же вниде Павел с нами ко Иакову, вси же приидоша старцы.Select Acts 21:18

19И целовав их, сказаше по единому коеждо, еже сотвори Бог во языцех служением его.Select Acts 21:19

20Они же слышавше славляху Бога и рекоша ему: видиши ли, брате, колико тем есть Иудей веровавших? И вси ревнителие закону суть:Select Acts 21:20

21увестишася же о тебе, яко отступлению учиши от закона Моисеова живущыя во языцех вся Иудеи, глаголя не обрезовати им чад своих, ниже во обычаех отеческих ходити.Select Acts 21:21

22Что убо есть? Всяко подобает народу снитися: услышат бо, яко пришел еси.Select Acts 21:22

23Сие убо сотвори, еже ти глаголем: суть у нас мужие четыри обещавше себе Богу:Select Acts 21:23

24сия поим очистися с ними и иждиви на них, да острижут си главы: и разумеют вси, яко возвещенная им о тебе ничтоже суть, но пребываеши и сам закон храня.Select Acts 21:24

25А о веровавших языцех мы послахом, судивше ничтоже таковое соблюдати им, токмо хранити себе от идоложертвенных и крове, и удавленины и блуда.Select Acts 21:25

26Тогда Павел поемь мужы оны, на утрие с ними очищься вниде во святилище, возвещая исполнение дний очищения, дондеже принесено бысть за единаго коегождо их приношение.Select Acts 21:26

27И якоже хотяху седмь дний скончатися, иже от Асии Иудее, видевше его во святилищи, навадиша весь народ и возложиша нань руце,Select Acts 21:27

28вопиюще: мужие Израилстии, помозите: сей есть человек, иже на люди и закон и на место сие всех всюду учит: еще же и Еллины введе в церковь и оскверни святое место сие.Select Acts 21:28

29Бяху бо видели Трофима Ефесянина во граде с ним, егоже мняху, яко в церковь ввел есть Павел.Select Acts 21:29

30Подвижеся же град весь, и бысть стечение людем: и емше Павла, влечаху его вон из церкве, и абие затворишася двери.Select Acts 21:30

31Ищущым же им убити его, взыде весть к тысящнику спиры, яко весь возмутися Иерусалим:Select Acts 21:31

32он же абие поим воины и сотники, притече на ня: они же видевше тысящника и воины, престаша бити Павла.Select Acts 21:32

33Приступль же тысящник ят его и повеле связати его веригома железнома двема, и вопрошаше: кто убо есть и что есть сотворил.Select Acts 21:33

34Друзии же ино нечто вопияху в народе: не могий же разумети известное молвы ради, повеле отвести его в полк.Select Acts 21:34

35Егда же бысть на степенех, прилучися воздвижену быти ему от воин нужды ради народа,Select Acts 21:35

36последоваше бо множество людий зовущих: возьми его.Select Acts 21:36

37Хотя же внити в полк Павел глагола тысящнику: аще леть ми есть глаголати что тебе? Он же рече: гречески умееши ли?Select Acts 21:37

38Не ты ли еси Египтянин, прежде сих дний превещавый и изведый в пустыню четыри тысящы мужей сикарей?Select Acts 21:38

39Рече же Павел: аз человек убо есмь Иудеанин, Тарсянин, славнаго града в Киликии житель: молю же тя, повели ми глаголати к людем.Select Acts 21:39

40Повелевшу же ему, Павел стоя на степенех помаав рукою к людем: многу же безмолвию бывшу, возгласи еврейским языком, глаголя:Select Acts 21:40