24Acts 24

1По пятих же днех сниде архиерей Ананиа со старцы и с ритором некиим Тертиллом, иже сказаша игемону о Павле.Select Acts 24:1

2Призвану же бывшу ему, начат клеветати Тертилл, глаголя:Select Acts 24:2

3мног мир улучающе тобою, и исправления бываемая языку сему твоим промышлением, всяким же образом и везде приемлем, державный Филиксе, со всяким благодарением:Select Acts 24:3

4но да не множае стужаю тебе, молю тя послушати нас вкратце твоею кротостию:Select Acts 24:4

5обретохом бо мужа сего губителя и движуща противление всем иудеем живущым по вселенней и предстателя (суща) Назорейстей ереси,Select Acts 24:5

6иже и церковь покусися осквернити, егоже и яхом и по закону нашему хотехом судити ему:Select Acts 24:6

7пришед же Лисиа тысящник, многою силою от рук наших исхити его и к тебе посла,Select Acts 24:7

8повелев (и нам) поемлющым нань ити к тебе: от негоже возможеши сам разсудив о всех сих познати, о нихже мы поемлем нань.Select Acts 24:8

9Сложишася же и Иудее, глаголюще сим тако быти.Select Acts 24:9

10Отвеща же Павел, поманувшу ему игемону глаголати: от многих лет суща тя судию праведна языку сему сведый, благодушнее яже о мне отвещаю,Select Acts 24:10

11могущу ти разумети, яко не множае ми есть дний дванадесятих, отнележе взыдох поклонитися во Иерусалим:Select Acts 24:11

12и ни в церкви обретоша мя к кому глаголюща или разврат творяща народу, ни в сонмищих, ни во граде,Select Acts 24:12

13ниже довести могут, елика тебе ныне на мя глаголют:Select Acts 24:13

14исповедую же тебе сие, яко в пути, егоже сии глаголют ересь, тако служу отеческому Богу, веруя всем сущым в законе и пророцех писаным,Select Acts 24:14

15упование имый на Бога, яко воскресение хощет быти мертвым, праведником же и грешником, егоже и сами сии чают:Select Acts 24:15

16о сем же и аз подвизаюся, непорочну совесть имети всегда пред Богом же и человеки:Select Acts 24:16

17по летех же многих приидох сотворити милостыни во язык мой и приношения:Select Acts 24:17

18в нихже обретоша мя очищенна в церкви, ни с народом, ниже с молвою,Select Acts 24:18

19нецыи от Асии Иудее, имже подобаше пред тя приити и глаголати, аще имут что на мя:Select Acts 24:19

20или сами тии да глаголют, аще кую обретоша во мне неправду, ставшу ми в сонмищи,Select Acts 24:20

21разве единаго сего гласа, имже возопих стоя в них, яко о воскресении мертвых аз суд приемлю днесь от вас.Select Acts 24:21

22Слышав же сия Филикс отвеща им, известнее уведев яже о пути сем, глаголя: егда Лисиа тысящник приидет, разсужду яже о вас.Select Acts 24:22

23Повеле же сотнику стрещи Павла, и имети ослабу, и ни единому же возбраняти от своих ему служити или приходити к нему.Select Acts 24:23

24По днех же некиих пришед Филикс со Друсиллиею женою своею сущею Иудеанынею, призва Павла, да слышит от него веру, яже во Христа Иисуса.Select Acts 24:24

25Глаголющу же ему о правде и о воздержании и о суде хотящем быти, пристрашен быв Филикс отвеща: ныне убо иди, время же получив призову тя.Select Acts 24:25

26Вкупе же и надеяся, яко мзда дастся ему от Павла, яко да отпустит его: темже и часто призывая его, беседоваше с ним.Select Acts 24:26

27Двема же летома скончавшемася прият изменение Филикс Поркиа Фиста: хотя же угодное сотворити Иудеем Филикс, остави Павла связана.Select Acts 24:27