25Acts 25

1Фист же убо приимь власть, по триех днех взыде во Иерусалим от Кесарии.Select Acts 25:1

2Сказаша же ему архиерее и первии от Иудей на Павла и моляху его,Select Acts 25:2

3просяще благодати нань, яко да послет его во Иерусалим, ков творяще, яко да убиют его на пути.Select Acts 25:3

4Фист же повеле Павла стрещи в Кесарии, сам тамо хотя вскоре изыти:Select Acts 25:4

5иже убо сильнии в вас, рече, со мною шедше, аще есть кая неправда в мужи сем, да глаголют нань.Select Acts 25:5

6Пребыв же у них не множае десяти дний, сниде в Кесарию: на утрие сед на судищи, повеле Павла привести.Select Acts 25:6

7Приведену же бывшу ему, окрест сташа иже от Иерусалима сшедшии Иудее, многи и тяжки вины приносяще на Павла, ихже не можаху изявити:Select Acts 25:7

8отвещавающу ему, яко ни на закон Иудейский, ни на церковь, ни на кесаря что согреших.Select Acts 25:8

9Фист же хотя угодное Иудеем сотворити, отвещав Павлови рече: хощеши ли, во Иерусалим возшед, тамо о сих суд прияти от мене?Select Acts 25:9

10Рече же Павел: на судищи кесареве стоя есмь, идеже ми достоит суд прияти: Иудей ни чимже обидех, якоже и ты добре веси:Select Acts 25:10

11аще бо неправдую или достойно смерти сотворих что, не отмещуся умрети: аще ли же ничтоже есть во мне, еже сии на мя клевещут, никтоже мя может тем выдати: кесаря нарицаю.Select Acts 25:11

12Тогда Фист состязався с советники, отвеща: кесаря ли нарекл еси? К кесарю пойдеши.Select Acts 25:12

13Днем же минувшым неким, Агриппа царь и Верникиа снидоста в Кесарию целовати Фиста.Select Acts 25:13

14И якоже многи дни пребыста ту, Фист сказа царю яже о Павле, глаголя: муж некий есть оставлен от Филикса узник,Select Acts 25:14

15о немже, бывшу ми во Иерусалиме, явиша архиерее и старцы Иудейстии, просяще нань суда.Select Acts 25:15

16К нимже отвещах, яко несть обычай Римляном выдати человека коего на погибель, прежде даже оклеветаемый не имать пред лицем клевещущих его и место ответа приимет о своем согрешении.Select Acts 25:16

17Сшедшымся же им зде, закоснение ни едино сотворь, на утрие сед на судищи, повелех привести мужа.Select Acts 25:17

18Окрест же его ставше клеветницы, ни едину вину, яже аз непщевах, нанесоша:Select Acts 25:18

19стязания же некая о своей различней вере имяху к нему и о некоем Иисусе умершем, Егоже глаголаше Павел жива быти.Select Acts 25:19

20Недоумеяся же аз о взыскании сих, глаголах, аще хощет ити во Иерусалим и тамо суд прияти о сих.Select Acts 25:20

21Павлу же нарекшу блюдену быти ему до разсуждения Августа, повелех блюсти его, дондеже послю его к кесарю.Select Acts 25:21

22Агриппа же к Фисту рече: хотел бых и сам человека сего слышати. Он же рече: утре услышиши его.Select Acts 25:22

23На утрие же пришедшу Агриппе и Верникии со многою гордостию и вшедшым в судебную палату с тысящники и с нарочитыми мужи града, и повелевшу Фисту, приведен бысть Павел.Select Acts 25:23

24И рече Фист: Агриппо царю и вси сущии с нами мужие, видите сего, о немже все множество Иудей стужаху ми во Иерусалиме же и зде, вопиюще, яко не подобает жити ему ктому:Select Acts 25:24

25аз же разумев ничтоже достойно смерти сотворша его, и самому же сему нарекшу Севаста, судих послати его:Select Acts 25:25

26о немже известное что писати господину не имам: темже и приведох его пред вас, наипаче же пред тя, Агриппо царю, яко да разсуждению бывшу имам что писати:Select Acts 25:26

27безсловесно бо мнится ми, посылающу юзника, а вины, яже нань, не сказати.Select Acts 25:27