26Acts 26

1Агриппа же к Павлу рече: повелевается ти о себе самому глаголати. Тогда Павел простер руку отвещаваше:Select Acts 26:1

2о всех, о нихже оклеветаемь есмь от Иудей, царю Агриппо, непщую себе блаженна быти, яко пред тобою отвещати днесь имам,Select Acts 26:2

3паче же ведца тя суща сведый всех Иудейских обычаев и взысканий. Темже молюся ти долготерпеливно послушати мене.Select Acts 26:3

4Житие убо мое еже от юности, исперва бывшее во языце моем во Иерусалиме, ведят вси Иудее,Select Acts 26:4

5ведяще мя исперва, аще хотят свидетелствовати, яко по известней ереси нашея веры жих фарисей.Select Acts 26:5

6И ныне о уповании обетования, бывшаго от Бога ко отцем нашым, стою судимь,Select Acts 26:6

7в неже обанадесяте колена наша безпрестани день и нощь служаще надеются доити: о немже уповании оклеветаемь есмь, царю Агриппо, от Иудей.Select Acts 26:7

8Что? Неверно ли судится вами, яко Бог мертвыя возставляет?Select Acts 26:8

9Аз убо мнех, яко подобает ми многа сопротивна противу имене Иисуса Назореа сотворити:Select Acts 26:9

10еже и сотворих во Иерусалиме, и многи от святых аз в темницах затворях, власть от архиерей приемь: убиваемым же им прилагах совет:Select Acts 26:10

11и на всех сонмищих множицею мучя их, принуждах хулити: преизлиха же враждуя на них, гонях даже и до внешних градов.Select Acts 26:11

12В нихже идый в Дамаск со властию и повелением, еже от архиерей,Select Acts 26:12

13в полудни на пути видех, царю, с небесе паче сияния солнечнаго осиявший мя свет и со мною идущих.Select Acts 26:13

14Всем же падшым нам на землю, слышах глас глаголющь ко мне и вещающь еврейским языком: Савле, Савле, что Мя гониши? Жестоко ти есть противу рожна прати.Select Acts 26:14

15Аз же рех: кто еси, Господи? Он же рече: Аз есмь Иисус, Егоже ты гониши:Select Acts 26:15

16но востани и стани на ногу твоею: на се бо явихся ти, сотворити тя слугу и свидетеля, яже видел еси и яже явлю тебе,Select Acts 26:16

17изимая тя от людий Иудейских и от язык, к нимже Аз тя послю,Select Acts 26:17

18отверсти очи их, да обратятся от тмы в свет и от области сатанины к Богу, еже прияти им оставление грехов и достояние во святых верою, яже в Мя.Select Acts 26:18

19Темже, царю Агриппо, не бых противен небесному видению,Select Acts 26:19

20но сущым в Дамасце прежде и во Иерусалиме, и во всяцей стране Иудейстей и языком проповедую покаятися и обратитися к Богу, достойна покаянию дела творяще.Select Acts 26:20

21Сих ради мя Иудее емше во святилищи хотяху растерзати.Select Acts 26:21

22Помощь убо улучив яже от Бога, даже до дне сего стою, свидетелствуя малу же и велику, ничтоже вещая, разве яже пророцы рекоша хотящая быти и Моисей,Select Acts 26:22

23яко Христос имеяше пострадати, яко первый от воскресения мертвых свет хотяше проповедати людем (Иудейским) и языком.Select Acts 26:23

24Сия же ему отвещавающу, Фист велиим гласом рече: беснуешися ли, Павле? Многия тя книги в неистовство прелагают.Select Acts 26:24

25Он же: не беснуюся, рече, державный Фисте, но истины и целомудрия глаголы вещаю:Select Acts 26:25

26весть бо о сих царь, к немуже и с дерзновением глаголю: утаитися бо ему от сих не верую ничесомуже, несть бо во угле сотворено сие:Select Acts 26:26

27веруеши ли, царю Агриппо, пророком? Вем, яко веруеши.Select Acts 26:27

28Агриппа же к Павлу рече: вмале мя препираеши Христианина быти.Select Acts 26:28

29Павел же рече: молил убо бых Бога, и вмале и во мнозе, не токмо тебе, но и всех слышащих мя днесь, быти им тацем, яков и аз есмь, кроме уз сих.Select Acts 26:29

30И сия рекшу ему, воста царь и игемон, и Верникиа и седящии с ними,Select Acts 26:30

31и отшедше беседоваху друг ко другу, глаголюще, яко ничтоже смерти достойно или уз творит человек сей.Select Acts 26:31

32Агриппа же Фисту рече: отпущен быти можаше человек сей, аще не бы кесаря нарицал. И тако суди игемон послати его к кесарю.Select Acts 26:32