3Acts 3

1Вкупе же Петр и Иоанн восхождаста во святилище на молитву в час девятый.Select Acts 3:1

2И некий муж, хром от чрева матере своея сый, носимь бываше, егоже полагаху по вся дни пред дверьми церковными, рекомыми Красными, просити милостыни от входящих в церковь:Select Acts 3:2

3иже видев Петра и Иоанна хотящыя внити в церковь, прошаше милостыни.Select Acts 3:3

4Воззрев же Петр нань со Иоанном, рече: воззри на ны.Select Acts 3:4

5Он же прилежаше има, мня нечто от нею прияти.Select Acts 3:5

6Рече же Петр: сребра и злата несть у мене, но еже имам, сие ти даю: во имя Иисуса Христа Назореа востани и ходи.Select Acts 3:6

7И емь его за десную руку воздвиже: абие же утвердистеся его плесне и глезне,Select Acts 3:7

8и вскочив ста и хождаше, и вниде с нима в церковь, ходя и скачя и хваля Бога.Select Acts 3:8

9И видеша его вси людие ходяща и хваляща Бога,Select Acts 3:9

10знаху же его, яко сей бяше, иже милостыни ради седяше при Красных дверех церковных: и исполнишася чуда и ужаса о приключившемся ему.Select Acts 3:10

11Держащужеся исцелевшему хромому Петра и Иоанна, притекоша к нима вси людие в притвор, нарицаемый Соломонов, ужасни.Select Acts 3:11

12Видев же Петр отвещаваше к людем: мужие Израилтяне, что чудитеся о сем, или на ны что взираете, яко своею ли силою или благочестием сотворихом его ходити?Select Acts 3:12

13Бог Авраамов и Исааков и Иаковль, Бог отец наших, прослави Отрока Своего Иисуса, Егоже вы предасте, и отвергостеся Его пред лицем Пилатовым, суждьшу Оному пустити:Select Acts 3:13

14вы же Святаго и Праведнаго отвергостеся, и испросисте мужа убийцу дати вам,Select Acts 3:14

15Началника же жизни убисте: Егоже Бог воскреси от мертвых, емуже мы свидетелие есмы.Select Acts 3:15

16И о вере имене Его, сего, егоже видите и знаете, утверди имя Его: и вера, яже Его ради, даде ему всю целость сию пред всеми вами.Select Acts 3:16

17И ныне, братие, вем, яко по неведению сие сотвористе, якоже и князи ваши:Select Acts 3:17

18Бог же, яже предвозвести усты всех пророк Своих пострадати Христу, исполни тако.Select Acts 3:18

19Покайтеся убо и обратитеся, да очиститеся от грех ваших,Select Acts 3:19

20яко да приидут времена прохладна от лица Господня, и послет пронареченнаго вам Христа Иисуса,Select Acts 3:20

21Егоже подобает небеси убо прияти даже до лет устроения всех, яже глагола Бог усты всех святых Своих пророк от века.Select Acts 3:21

22Моисей убо ко отцем рече: яко Пророка вам воздвигнет Господь Бог ваш от братии вашея, яко мене: Того послушайте по всему, елика аще речет к вам:Select Acts 3:22

23будет же, всяка душа, яже аще не послушает Пророка онаго, потребится от людий.Select Acts 3:23

24И вси же пророцы от Самуила и иже по сих, елицы глаголаша, такожде предвозвестиша дни сия.Select Acts 3:24

25Вы есте сынове пророк и завета, егоже завеща Бог ко отцем вашым, глаголя ко Аврааму: и о семени твоем возблагословятся вся отечествия земная.Select Acts 3:25

26Вам первее Бог, воздвигий Отрока Своего Иисуса, посла Его благословяща вас, во еже отвратитися вам комуждо от злоб ваших.Select Acts 3:26