8Acts 8

1Савл же бе соизволяя убийству его. Бысть же в той день гонение велие на церковь Иерусалимскую: вси же разсеяшася по странам Иудейским и Самарийским, кроме Апостол:Select Acts 8:1

2погребоша же Стефана мужие благоговейнии и сотвориша плачь велий над ним.Select Acts 8:2

3Савл же озлобляше церковь, в домы входя, и влачя мужы и жены, предаяше в темницу.Select Acts 8:3

4Разсеявшиися же прохождаху, благовествующе слово.Select Acts 8:4

5Филипп же сошед во град Самарийский, проповедаше им Христа:Select Acts 8:5

6внимаху же народи глаголемым от Филиппа единодушно, слышаще и видяще знамения, яже творяше:Select Acts 8:6

7дуси бо нечистии от многих имущих я, вопиюще гласом велиим, исхождаху, мнози же разслабленнии и хромии исцелишася:Select Acts 8:7

8и бысть радость велия во граде том.Select Acts 8:8

9Муж же некий, именем Симон, прежде бе во граде волхвуя и удивляя язык Самарийский, глаголя некоего быти себе велика,Select Acts 8:9

10емуже внимаху вси от мала даже до велика, глаголюще: сей есть сила Божия великая.Select Acts 8:10

11Внимаху же ему, зане доволно время волхвовании удивляше их.Select Acts 8:11

12Егда же вероваша Филиппу благовествующу яже о Царствии Божии и о имени Иисус Христове, крещахуся мужие же и жены.Select Acts 8:12

13Симон же и сам верова и крещься бе пребывая у Филиппа: видя же силы и знамения велия бываема, ужасен дивляшеся.Select Acts 8:13

14Слышавше же иже во Иерусалиме Апостоли, яко прият Самариа слово Божие, послаша к ним Петра и Иоанна,Select Acts 8:14

15иже сошедше помолишася о них, яко да приимут Духа Святаго:Select Acts 8:15

16еще бо ни на единаго их бе пришел, точию крещени бяху во имя Господа Иисуса:Select Acts 8:16

17тогда возложиша руце на ня, и прияша Духа Святаго.Select Acts 8:17

18Видев же Симон, яко возложением рук Апостолских дается Дух Святый, принесе им сребро,Select Acts 8:18

19глаголя: дадите и мне власть сию, да, на негоже аще положу руце, приимет Духа Святаго.Select Acts 8:19

20Петр же рече к нему: сребро твое с тобою да будет в погибель, яко дар Божий непщевал еси сребром стяжати:Select Acts 8:20

21несть ти части ни жребия в словеси сем, ибо сердце твое несть право пред Богом:Select Acts 8:21

22покайся убо о злобе твоей сей и молися Богу, аще убо отпустится ти помышление сердца твоего:Select Acts 8:22

23в желчи бо горести и союзе неправды зрю тя суща.Select Acts 8:23

24Отвещав же Симон рече: помолитеся вы о мне ко Господу, яко да ничтоже сих найдет на мя, яже рекосте.Select Acts 8:24

25Они же убо, засвидетелствовавше и глаголавше слово Господне, возвратишася во Иерусалим и многим весем Самарийским благовестиша.Select Acts 8:25

26Ангел же Господень рече к Филиппу, глаголя: востани и иди на полудне, на путь сходящий от Иерусалима в Газу: и той есть пуст.Select Acts 8:26

27И востав пойде: и се, муж Мурин, евнух силен Кандакии царицы Муринския, иже бе над всеми сокровищи ея, иже прииде поклонитися во Иерусалим:Select Acts 8:27

28бе же возвращаяся, и седя на колеснице своей, чтяше пророка Исаию.Select Acts 8:28

29Рече же Дух к Филиппу: приступи и прилепися колеснице сей.Select Acts 8:29

30Притек же Филипп услыша его чтуща пророка Исаию и рече: убо разумееши ли, яже чтеши?Select Acts 8:30

31Он же рече: како убо могу (разумети), аще не кто наставит мя? Умоли же Филиппа, да возшед сядет с ним.Select Acts 8:31

32Слово же Писания, еже чтяше, бе сие: яко овча на заколение ведеся, и яко агнец прямо стригущему его безгласен, тако не отверзает уст Своих:Select Acts 8:32

33во смирении Его суд Его взятся, род же Его кто исповесть? Яко вземлется от земли живот Его.Select Acts 8:33

34Отвещав же каженик к Филиппу, рече: молю тя, о ком пророк глаголет сие? О себе ли, или о инем некоем?Select Acts 8:34

35Отверз же Филипп уста своя и начен от Писания сего, благовести ему Иисуса.Select Acts 8:35

36Якоже идяху путем, приидоша на некую воду, и рече каженик: се, вода: что возбраняет ми креститися?Select Acts 8:36

37Рече же ему Филипп: аще веруеши от всего сердца твоего, мощно ти есть. Отвещав же рече: верую Сына Божия быти Иисуса Христа.Select Acts 8:37

38И повеле стати колеснице: и снидоста оба на воду, Филипп же и каженик: и крести его.Select Acts 8:38

39Егда же изыдоста от воды, Дух Святый нападе на каженика: Ангел же Господень восхити Филиппа, и не виде его ктому каженик, идяше бо в путь свой радуяся.Select Acts 8:39

40Филипп же обретеся во Азоте и проходя благовествоваше градом всем, дондеже приити ему в Кесарию.Select Acts 8:40