11 Samuel 1

1И бысть человек от Армафем Сифы, от горы Ефремли, и имя ему Елкана сын Иеремииль, сына Илиина, сына Фокеля в Насиве от Армафема от горы Ефремли:Select 1 Samuel 1:1

2и сему две жены (быша): имя единей Анна и имя вторей Феннана: и бяху Феннане дети, Анне же не бяше отрочате.Select 1 Samuel 1:2

3И восхождаше человек от дне до дне из града своего Армафема покланятися и жрети Господу Богу Саваофу в Силом. И тамо бе Илий и два сына его Офни и Финеес, жерцы Господни.Select 1 Samuel 1:3

4И бысть день, и пожре Елкана и даде Феннане жене своей и сыном ея и дщерем ея части:Select 1 Samuel 1:4

5Анне же даде часть едину, яко не бе ей чада, обаче Анну любляше Елкана паче Феннаны. И Господь затвори ложесна ея:Select 1 Samuel 1:5

6занеже не даде ей Господь чада по скорби ея и по сетованию оскорбления ея, и сетоваше сего ради, яко затвори Господь утробу ея не дати ей чада.Select 1 Samuel 1:6

7Тако творяше от года до года, внегда приходити ей в дом Господень: (укоряше ея тако,) и сетоваше, и плакаше, и не ядяше.Select 1 Samuel 1:7

8И рече ей Елкана муж ея: Анна. И рече ему: се, аз, господи. И рече ей: что ти есть, яко плачешися? И почто не яси? И почто биеши сердце твое? Несмь ли аз тебе добрее паче десяти чад?Select 1 Samuel 1:8

9И воставши Анна по ядении их в Силоме, и ста пред Господем. Илий же жрец седяше на престоле, при празе двери храма Господня.Select 1 Samuel 1:9

10И та умиленна душею, и помолися Господу и плачущи проплака,Select 1 Samuel 1:10

11и обеща обет Господу, глаголющи: Адонаи Господи Елои Саваоф, аще призирая призриши на смирение рабы Твоея и помянеши мя, и даси рабе Твоей семя мужеско, то дам е пред Тобою в дар до дне смерти его: и вина и пиянственнаго не испиет, и железо не взыдет на главу его.Select 1 Samuel 1:11

12И бысть егда умножи молящися пред Господем, Илий же жрец смотряше на уста ея.Select 1 Samuel 1:12

13И та глаголаше в сердцы своем, токмо устне ея двизастеся, а глас ея не слышашеся: и мняше ю Илий пияну сущу.Select 1 Samuel 1:13

14И рече ей Илий: доколе пияна будеши? Отими вино твое и иди от места Господня.Select 1 Samuel 1:14

15И отвеща Анна и рече: ни, господи: жена в жесток день аз есмь, вина и пиянства не пих, но изливаю пред Господем душу мою:Select 1 Samuel 1:15

16не даждь рабы твоея во дщерь погибели, яко от множества глумления моего и от множества сетования моего истаях даже доселе.Select 1 Samuel 1:16

17И отвеща Илий и рече к ней: иди с миром, Бог Израилев да даст ти все прошение твое, еже просила еси от Него.Select 1 Samuel 1:17

18И рече Анна: обрете раба твоя благодать пред очима твоима. И иде жена в путь свой, и вниде во обитель свою, и яде с мужем своим и пи, и лице ея не испаде ктому.Select 1 Samuel 1:18

19И утреневаша заутра, и поклонишася Господу, и идоша путем своим. И вниде Елкана в дом свой во Армафем и позна Елкана жену свою Анну: и помяне ю Господь, и зачат.Select 1 Samuel 1:19

20И бысть во время дний, и роди Анна сына и нарече имя ему Самуил: и рече: яко от Господа Бога Саваофа испросих его.Select 1 Samuel 1:20

21И взыде человек Елкана и весь дом его в Силом пожрети жертву дний и обеты своя и вся десятины земли своея.Select 1 Samuel 1:21

22Анна же не взыде с ним, яко рече мужеви своему: дондеже взыдет отроча, и аще отдою е, тогда явится лицу Господню и пребудет тамо до века.Select 1 Samuel 1:22

23И рече ей Елкана муж ея: твори благое пред очима твоима, седи дондеже отдоиши е: но да утвердит Господь (слово твое), изшедшее из уст твоих. И седе жена, и млеком питаше сына своего, дондеже отдои его.Select 1 Samuel 1:23

24И взыде с ним в Силом, егда отдои его, с телцем трилетным и с хлебы и со ефи муки пшеничны и мехом вина: и внидоша в дом Господень в Силом, и отроча с ними.Select 1 Samuel 1:24

25И приведоша е пред Господа: и закла отец его жертву, юже творяше от дний на дни Господеви: и приведоша отроча, и закла телца. И приведе Анна мати отроча ко ИлиюSelect 1 Samuel 1:25

26и рече: во мне, господи, да живет душа твоя, господине мой, аз жена стоявшая пред тобою, о сем помолитися Господу:Select 1 Samuel 1:26

27о отрочати сем молихся, и даде ми Господь прошение мое, еже просих у Него:Select 1 Samuel 1:27

28и аз отдаю е Господеви во вся дни живота его на служение Господеви. И поклонися тамо Господеви.Select 1 Samuel 1:28