301 Samuel 30

1И бысть приходящу Давиду и мужем его к Секелагу в день третий, и Амалик нападе на южную страну и на Секелаг, и порази Секелаг и сожже его огнем:Select 1 Samuel 30:1

2жен же и всех сущих в нем от мала до велика не умертвиша мужа ни жены, но плениша, и отидоша в путь свой.Select 1 Samuel 30:2

3И прииде Давид и мужие его во град, и се, сожжен бяше огнем, жены же их и сынове их и дщери их пленени быша.Select 1 Samuel 30:3

4И воздвиже Давид и мужие его глас свой и плакашася дондеже не бе в них силы ктому плакатися.Select 1 Samuel 30:4

5И жены обе Давидовы пленени быша, Ахинаам Иезраилитыня, и Авигеа бывшая жена Навала Кармилскаго.Select 1 Samuel 30:5

6И оскорбе Давид зело, яко совещашася людие камением побити его, яко скорбна бяше душа всех людий коегождо о сынех своих и о дщерех своих. И укрепися Давид о Господе Бозе своем,Select 1 Samuel 30:6

7и рече Давид ко Авиафару иерею сыну Авимелехову: принеси ефуд. И принесе Авиафар ефуд к Давиду.Select 1 Samuel 30:7

8И вопроси Давид Господа, глаголя: пожену ли вслед полчища сего? И постигну ли их? И рече Господь: гони, яко постизая постигнеши их и избавляя избавиши.Select 1 Samuel 30:8

9И иде Давид сам и шесть сот мужей с ним, и приидоша даже до потока Восорска, прочии же осташася:Select 1 Samuel 30:9

10и гна с четырми сты мужей, двести же мужей осташася, иже седоша об он пол потока Восорска.Select 1 Samuel 30:10

11И обретоша мужа Египтянина на селе, и яша его, и приведоша его к Давиду, и даша ему хлеба, и яде, и напоиша его водою:Select 1 Samuel 30:11

12и даша ему часть смоквей, и яде, и укрепися дух его в нем, яко не яде хлеба и не пи воды три дни и три нощы.Select 1 Samuel 30:12

13И рече ему Давид: откуду еси, и чий еси ты? И рече отрок Египтянин: аз есмь раб мужа Амаликитянина, и остави мя господин мой, яко изнемогох днесь уже третий день:Select 1 Samuel 30:13

14и мы ходихом на юг до Хелефи и на Иудейския страны и на Гелвуй, и Секелагу пожгохом огнем.Select 1 Samuel 30:14

15И рече ему Давид: доведеши ли мя до полчища сего? И рече: кленися ми Богом, яко не убиеши мя и не предаси мя в руце господину моему, и доведу тя до полчища сего.Select 1 Samuel 30:15

16(И клятся ему Давид:) и приведе его онамо, и се, тии разсеяни быша по лицу всея земли, ядуще и пиюще и празднующе о всех корыстех великих, яже взяша от земли иноплеменничи и от земли Иудины.Select 1 Samuel 30:16

17И прииде на них Давид, и изби их от утра даже до вечера и наутрие: и не спасеся от них муж, разве четыреста отрок, иже вседоша на велблюды и убежаша.Select 1 Samuel 30:17

18И отя Давид вся елика взяша Амаликиты, и обе жены своя отя,Select 1 Samuel 30:18

19и не погибе им от мала даже до велика, и от корыстей, и даже до сынов и дщерей и даже до всех, яже взяша, и вся возврати Давид:Select 1 Samuel 30:19

20и взя Давид вся стада и паствины, и погна пред пленом: и плен оный нарицашеся сей плен Давидов.Select 1 Samuel 30:20

21И прииде Давид к двема стом мужем оставшымся ити вслед Давида, ихже посади на потоце Восорсте, и изыдоша на сретение Давиду и на сретение людем иже с ним: и прииде Давид до людий, и вопросиша его о мирных.Select 1 Samuel 30:21

22И отвещаша вси мужие пагубнии и лукавнии от мужей ратных ходивших с Давидом и реша: яко не гониша с нами, не дадим им от плена, егоже взяхом, но токмо кийждо жену свою и чада своя да возмут и возвратятся.Select 1 Samuel 30:22

23И рече Давид: не сотворите, братия моя, тако, повнегда предаде Господь нам и сохрани нас, и предаде Господь полчище сие нашедшее на ны в руки нашя:Select 1 Samuel 30:23

24и кто послушает ваших словес сих? Яко не менши нас суть: понеже по части исходящаго на брань, тако будет часть седящаго при сосудех, по томужде разделятся.Select 1 Samuel 30:24

25И бысть от дне того и выше, и бысть в повеление и на оправдание Израилю даже до дне сего.Select 1 Samuel 30:25

26И прииде Давид в Секелаг, и посла старейшинам от корыстей Иудиных и искренним своим, глаголя: се, вам благословение от корыстей врагов Господних,Select 1 Samuel 30:26

27сущым в Вефсуре и в Раме южней и в Гефоре,Select 1 Samuel 30:27

28и во Ароире и во Аммаде, и во Сафе и во Есфифе и в Гефе,Select 1 Samuel 30:28

29и в Кинане и в Сафеце, и в Фимафе и в Кармиле, и сущым во градех Иеремиила и во градех Кенезия,Select 1 Samuel 30:29

30и сущым во Иеримуфе и во Вирсавеи и в Номве,Select 1 Samuel 30:30

31и сущым в Хевроне, и во вся места, яже пройде Давид тамо сам и мужие его.Select 1 Samuel 30:31