311 Samuel 31

1И иноплеменницы воеваху на Израиля, и бежаша мужие Израилевы от лица иноплеменнича, и падаху язвеннии на горе Гелвуе.Select 1 Samuel 31:1

2И снидошася иноплеменницы с Саулом и с сынми его, и убиша иноплеменницы Ионафана и Аминадава и Мелхисуа, сыны Сауловы.Select 1 Samuel 31:2

3И отяготе брань на Саула, и обретоша его копейницы мужие стрелцы, и уязвен бысть (Саул) во утробу.Select 1 Samuel 31:3

4И рече Саул к носящему оружие его: изсуни мечь твой и прободи мя им, да не приидут необрезаннии сии и избодут мя, и поругаются мне. И не хотяше носяй оружие его, яко убояся зело. И взя Саул мечь свой и паде на него.Select 1 Samuel 31:4

5И виде носяй оружие его, яко умре Саул, и паде и той на мечь свой и умре с ним.Select 1 Samuel 31:5

6И умре Саул и трие сынове его, и носяй оружие его, и вси мужие его в день той купно.Select 1 Samuel 31:6

7И видеша мужие Израилстии, иже об он пол юдоли и иже об он пол Иордана, яко бежаша мужие Израилстии, и яко умре Саул и сынове его, и оставиша грады своя и бежаша: и приидоша иноплеменницы и вселишася в них.Select 1 Samuel 31:7

8И бысть на утрие, и приидоша иноплеменницы обнажити мертвых, и обретоша Саула и три сыны его падшыя на горе Гелвуе,Select 1 Samuel 31:8

9и обратиша его, и сняша оружие его, и отсекоша главу его, и послаша в землю иноплеменничу окрест возвещающе идолом их и людем их:Select 1 Samuel 31:9

10и положиша оружие его у Астарта, тело же его воткнуша на стене Вефсамли.Select 1 Samuel 31:10

11И услышаша живущии во Иависе Галаадитийстем, яже сотвориша иноплеменницы Саулу,Select 1 Samuel 31:11

12и восташа вси мужие сильнии, и идоша всю нощь, и взяша тело Саулово и тело Ионафана сына его с стены Вефсамски, и принесоша я во Иавис, и сожгоша я тамо:Select 1 Samuel 31:12

13и взяша кости их, и погребоша я в дубраве яже во Иависе, и постишася седмь дний.Select 1 Samuel 31:13