162 Samuel 16

1И Давид прейде мало что от роса, и се, Сива отрок Мемфивосфеов в сретение ему: и супруг ослят оседланых, и на них двести хлебов, и сто гроздий, и сто фиников, и мех вина.Select 2 Samuel 16:1

2И рече царь к Сиве: что сия тебе? И рече Сива: ослята на яждение дому цареву, а хлебы и финики на снедение отроком, и вино пити ослабевшым в пустыни.Select 2 Samuel 16:2

3И рече царь: и где сын господина твоего? И рече Сива ко царю: се, седит во Иерусалиме, яко рече: днесь возвратят ми весь дом Израилев царство отца моего.Select 2 Samuel 16:3

4И рече царь к Сиве: се, тебе вся елика суть Мемфивосфеова. И рече Сива поклонився: да обрящу благодать пред очима твоима, господи мой царю.Select 2 Samuel 16:4

5И прииде Давид царь до Вафирима, и се, оттуду муж исхождаше от рода дому Сауля, имя же ему Семей сын Гирань: изыде же исходя и проклинаяSelect 2 Samuel 16:5

6и камением метая на Давида и на вся отроки царя Давида: и вси людие и вси сильнии одесную и ошуюю царя бяху.Select 2 Samuel 16:6

7И тако рече Семей проклиная его: изыди, изыди, мужу кровей и мужу беззаконный:Select 2 Samuel 16:7

8возврати на тя Господь вся крови дому Сауля, понеже воцарился еси вместо его: и даде Господь царство в руце Авессалома сына твоего: и се, ты в злобе твоей, яко муж кровей ты.Select 2 Samuel 16:8

9И рече Авесса сын Саруин ко царю: почто проклинает пес умерший сей господина моего царя? Ныне пойду, и отиму главу его.Select 2 Samuel 16:9

10И рече царь ко Авессе: что мне и вам, сынове Саруины? Оставите его, и тако да проклинает, яко Господь рече ему проклинати Давида: и кто речет: почто сотворил еси тако?Select 2 Samuel 16:10

11И рече Давид ко Авессе и ко всем отроком своим: се, сын мой изшедый из чрева моего ищет души моея, а кольми паче сын Иеминиев: оставите его проклинати мя, яко рече ему Господь:Select 2 Samuel 16:11

12негли призрит Господь на смирение мое, и возвратит ми благая вместо клятвы Его во днешний день.Select 2 Samuel 16:12

13И идяше Давид и вси мужие его путем: а Семей идяше со страны горы близ его идый и проклиная, и камением меща со страны его, и перстию сыпая.Select 2 Samuel 16:13

14И прииде царь и вси людие иже с ним утруждени, и препочиша ту.Select 2 Samuel 16:14

15Авессалом же и вси мужие Израилевы внидоша во Иерусалим, и Ахитофел с ним.Select 2 Samuel 16:15

16И бысть егда прииде Хусий первый друг Давидов ко Авессалому: и рече Хусий ко Авессалому: да живет царь.Select 2 Samuel 16:16

17И рече Авессалом к Хусию: сия ли милость твоя со другом твоим? Почто не отшел еси со другом твоим?Select 2 Samuel 16:17

18И рече Хусий ко Авессалому: ни, но вслед (иду), егоже избра Господь и людие сии и вси мужие Израилевы, того есмь, и с тем буду:Select 2 Samuel 16:18

19и второе, кому аз поработаю? Не пред сыном ли его? Якоже работах пред отцем твоим, тако буду и пред тобою.Select 2 Samuel 16:19

20И рече Авессалом ко Ахитофелу: дадите себе совет, что сотворим?Select 2 Samuel 16:20

21И рече Ахитофел ко Авессалому: вниди к подложницам отца твоего, яже остави стрещи дом свой, и услышат вси Израилтяне, яко посрамил еси отца твоего, и возмогут руки всех сущих с тобою.Select 2 Samuel 16:21

22И поставиша Авессалому шатер на палате, и вниде Авессалом к подложницам отца своего пред очима всех Израилтян.Select 2 Samuel 16:22

23И совет Ахитофелев, егоже совещаваше во дни первыя, имже образом вопросил бы кто Бога о словеси, тако всяк совет Ахитофелев, и иже Давиду, и иже Авессалому.Select 2 Samuel 16:23