3Zechariah 3

1И показа ми Господь Иисуса, иереа великаго, стояща пред лицем Ангела Господня, и диавол стояше одесную его, еже противитися ему.Select Zechariah 3:1

2И рече Господь ко диаволу: да запретит Господь тебе, диаволе, и да запретит Господь тебе, избравый Иерусалима: не се ли, сие яко главня исторжена из огня?Select Zechariah 3:2

3Иисус же бе оболчен в ризы гнусны и стояше пред лицем Ангела.Select Zechariah 3:3

4И отвеща и рече к стоящым пред лицем его глаголя: отимите ризы гнусныя от него. И рече к нему: се, отях от тебе беззакония твоя и грехи твоя очищу, и облецыте его в подирSelect Zechariah 3:4

5и возложите кидар чист на главу его. И возложиша кидар чист на главу его и облекоша его в ризы. И Ангел Господень стояше,Select Zechariah 3:5

6и засвидетелствоваше Ангел Господень ко Иисусу глаголя:Select Zechariah 3:6

7сице глаголет Господь Вседержитель: аще в путех Моих пойдеши и повеления Моя сохраниши, и ты разсудиши храм Мой: и аще сохраниши двор Мой, и дам ти сообращающыяся посреде стоящих сих.Select Zechariah 3:7

8Послушай убо, Иисусе, иерею великий, ты и искреннии твои седящии пред лицем твоим, зане мужие дивозрителие суть: зане, се, Аз ввожду раба Моего Востока:Select Zechariah 3:8

9зане камень, егоже дах пред лицем Иисусовым, на камени единем седмь очес суть: се, Аз изрыю ров, глаголет Господь Вседержитель, и осяжу всю обиду земли оныя в день един.Select Zechariah 3:9

10В день оный, глаголет Господь Вседержитель, созовете кийждо искренняго своего под виноград и под смоковницу.Select Zechariah 3:10