7Zechariah 7

1И бысть в четвертое лето, при Дарии цари, бысть слово Господне ко Захарии в четвертый месяца девятаго, иже есть Хаселев.Select Zechariah 7:1

2И посла в Вефиль Сарасар и Арвесеер царь и мужие его молити Господа,Select Zechariah 7:2

3глаголя ко священником, иже во храме Господа (Бога) Вседержителя, и пророком, глаголя: аще вниде зде в пятый месяц святыня, (плачя или постяся,) якоже сотворих уже многа лета.Select Zechariah 7:3

4И бысть слово Господа Вседержителя ко мне глаголя:Select Zechariah 7:4

5рцы ко всем людем земли и ко священником глаголя: аще постистеся или плачевопльствисте в пятинах или седминах (месяца), и се, седмьдесят лет, постом ли постистеся Ми?Select Zechariah 7:5

6И аще ясте или пиете, не вы ли ясте и пиете?Select Zechariah 7:6

7Не сия ли суть словеса, яже глагола Господь руками пророков прежних, егда бе Иерусалим населен и гобзующь, и гради его окрест, и нагорная и подольная населена бяху?Select Zechariah 7:7

8И бысть слово Господне ко Захарии глаголя:Select Zechariah 7:8

9сице глаголет Господь Вседержитель: суд праведен судите и милость и щедроты творите кийждо ко брату своему,Select Zechariah 7:9

10а вдовицы и сира, и пришелца и убога не насильствуйте, и злобы кийждо брата своего да не помнит в сердцах своих.Select Zechariah 7:10

11И не покоришася, еже внимати, и даша плещы презирающыя, и ушеса своя отяготиша, еже не слышати,Select Zechariah 7:11

12и сердце свое учиниша непокориво, не послушати закона Моего и словес, яже посла Господь Вседержитель Духом Своим рукою пророков прежних: и бысть гнев великий от Господа Вседержителя.Select Zechariah 7:12

13И будет, якоже рече, и не услышаша Его: сице возопиют, и не имам услышати, глаголет Господь Вседержитель:Select Zechariah 7:13

14и отвергу я во вся языки, иже не разумеша, и земля запустеет последи их от проходящаго и от возвращающагося: и учиниша избранную землю в запустение.Select Zechariah 7:14