1Deuteronomy 1

1Сия словеса, яже глагола Моисей всему Израилю об ону страну Иордана, в пустыни на запады, близ Чермнаго моря, между Фараном и Тофолом, и Ловоном и Авлоном и златыми рудами:Select Deuteronomy 1:1

2единонадесяти дний от Хорива путь чрез гору Сиир даже до Кадис-Варни.Select Deuteronomy 1:2

3И бысть в четыредесятое лето, в первыйнадесять месяц, в первый день месяца глагола Моисей ко всем сыном Израилевым, по всему елико заповеда ему Господь к ним,Select Deuteronomy 1:3

4по убиении Сиона царя Аморрейска, жившаго во Есевоне, и Ога царя Васанска, жившаго во Астарофе и во Едраине,Select Deuteronomy 1:4

5об ону страну Иордана в земли Моавли, нача Моисей изясняти закон сей, глаголя:Select Deuteronomy 1:5

6Господь Бог наш глагола нам в Хориве, глаголя: да довлеет вам жити в горе сей:Select Deuteronomy 1:6

7обратитеся и воздвигнитеся вы, и внидите в гору Аморрейску, и ко всем населником Аравы, в гору и поле, и к югу и в приморскую землю Ханааню, и во Антиливан, даже до реки великия, реки Евфрата:Select Deuteronomy 1:7

8видите, предах пред вами землю, вшедше наследите землю, еюже клятся Господь отцем вашым, Аврааму и Исааку и Иакову, дати ю им и семени их по них.Select Deuteronomy 1:8

9И рекох к вам во время оно глаголя: не возмогу един водити вас:Select Deuteronomy 1:9

10Господь Бог ваш умножил вы есть, и се, есте днесь яко звезды небесныя множеством:Select Deuteronomy 1:10

11Господь Бог отец ваших да приложит вам, яко да будете тысящами сугубо, и да благословит вас, яко же глагола вам:Select Deuteronomy 1:11

12како возмогу един носити труды вашя и тяжести вашя и пререкания ваша?Select Deuteronomy 1:12

13Изберите себе мужы мудры и уметелны и смысленны в племенех ваших, и поставлю их над вами старейшины вам.Select Deuteronomy 1:13

14И отвещасте ми и рекосте: добро слово, еже глаголал еси сотворити.Select Deuteronomy 1:14

15И взях от вас мужы мудры и уметелны и смысленны, и поставих их владети над вами тысященачалники и стоначалники, и пятьдесятоначалники и десятоначалники, и писмовводители судиям вашым.Select Deuteronomy 1:15

16И заповедах судиям вашым во время оно, глаголя: разслушайте посреде братий ваших, и судите праведно посреде мужа и посреде брата его и посреде пришелца его:Select Deuteronomy 1:16

17да не познаете лица в суде, малому и великому судиши, и не устыдишися лица человеча, яко суд Божий есть: и речь, яже аще жестока будет у вас, донесете ю ко мне, и услышу ю.Select Deuteronomy 1:17

18И заповедах вам во время оно вся словеса, яже сотворите.Select Deuteronomy 1:18

19И воздвигшеся от Хорива, проидохом всю пустыню великую и страшную ону, юже видесте, путь горы Аморрейски, якоже заповеда нам Господь Бог наш: и приидохом до Кадис-Варни.Select Deuteronomy 1:19

20И рекох вам: приидосте до горы Аморрейски, юже Господь Бог наш дает вам:Select Deuteronomy 1:20

21видите, предаде Господь Бог ваш пред лицем вашим землю: вшедше наследите, якоже глагола Господь Бог отец ваших вам: небойтеся, ни ужасайтеся.Select Deuteronomy 1:21

22И приидосте ко мне вси и рекосте: да послем мужы пред нами, и да соглядают нам землю, и да поведят нам ответ, путь, имже дойдем ея, и грады, в няже внидем.Select Deuteronomy 1:22

23И угодно бысть слово предо мною, и поях от вас дванадесять мужей, мужа единаго от коегождо племене.Select Deuteronomy 1:23

24И обратившеся взыдоша на гору, и приидоша до дебри Грезновныя, и соглядаша ю:Select Deuteronomy 1:24

25и взяша в руце свои от плода земли и принесоша к нам, и глаголаху: блага земля, юже Господь Бог наш дает нам.Select Deuteronomy 1:25

26И не восхотесте взыти, но преслушасте глаголгол Господа Бога вашего:Select Deuteronomy 1:26

27и возроптасте в кущах своих и рекосте: ненависти ради изведе ны Господь из земли Египетския предати нас в руки Аморрейския, потребити нас:Select Deuteronomy 1:27

28камо мы взыдем? Братия же вашя отвратиша сердца ваша, глаголюще: язык велик и мног и крепчае нас, и грады велицы и ограждени даже до небесе, но и сыны Исполинов видехом тамо.Select Deuteronomy 1:28

29И глаголах к вам: не ужасайтеся, ниже убойтеся от них:Select Deuteronomy 1:29

30Господь Бог ваш предходяй пред лицем вашим, Той повоюет их с вами, по всему елико сотвори вам в земли Египетстей пред очима вашима,Select Deuteronomy 1:30

31и в пустыни сей, юже видесте: яко воспита тебе Господь Бог твой, якоже некий человек питает сына своего, по всему пути в оньже ходисте, дондеже приидосте на место сие.Select Deuteronomy 1:31

32И в словеси сем не веровасте Господеви Богу вашему,Select Deuteronomy 1:32

33иже предходит пред вами в путь избрати вам место, путеводя вас огнем нощию, показуя вам путь, имже ити по нем, и облаком во дни.Select Deuteronomy 1:33

34И услыша Господь (Бог) глас словес ваших, и разгневався клятся, глаголя:Select Deuteronomy 1:34

35аще узрит кто от мужей сих землю благую сию, еюже Аз кляхся отцем их,Select Deuteronomy 1:35

36разве Халев сын Иефонниин, сей узрит ю, и сему дам землю, на нюже взыде, и сыном его, понеже прилежит Господеви.Select Deuteronomy 1:36

37И на мя разгневася Господь вас ради, глаголя: ниже ты внидеши тамо:Select Deuteronomy 1:37

38Иисус сын Навин, иже стоит пред тобою, сей внидет тамо: сего укрепи, яко сей даст ю в наследие Израилю:Select Deuteronomy 1:38

39и отрочата ваша, о нихже глаголасте, яко в пленении имут быти, и всяко отроча младо, еже не весть днесь добра или зла, сии внидут тамо, и сим дам ю, и сии наследят ю:Select Deuteronomy 1:39

40и вы обратившеся ополчистеся в пустыню, путем к Чермному морю.Select Deuteronomy 1:40

41И отвещасте и рекосте мне: согрешихом пред Господем Богом нашим: мы шедше повоюем, по всему елико заповеда Господь Бог наш нам. И вземше кийждо орудия ратная своя и собравшеся взыдосте на гору.Select Deuteronomy 1:41

42И рече Господь ко мне: рцы им: не восходите, ниже ратуйте, несмь бо с вами, и да не будете сотрени пред враги вашими.Select Deuteronomy 1:42

43И глаголах к вам, и не послушасте мене: и преступисте слово Господне, и понудившеся взыдосте на гору.Select Deuteronomy 1:43

44И изыде Аморрей живущий на горе той противу вам, и прогна вас, аки бы пчелы творили, и уязвляху вас от Сиира даже до Ермы.Select Deuteronomy 1:44

45(И возвратистеся,) и седше плакасте пред Господем, и не послуша Господь гласа вашего, ниже внят вам:Select Deuteronomy 1:45

46и седесте в Кадисе дни многи, елики дни тогда седесте.Select Deuteronomy 1:46