16Deuteronomy 16

1Храни месяц новых (плодов), и да сотвориши Пасху Господеви Богу твоему, яко в месяце новых изшел еси из Египта нощию.Select Deuteronomy 16:1

2И да пожреши Пасху Господеви Богу твоему, овцы и говяда на месте, еже изберет Господь Бог твой призывати имя Его тамо.Select Deuteronomy 16:2

3Да не снеси в ню кваснаго: седмь дний да яси в ню опресноки, хлеб озлобления, яко со тщанием изыдосте из Египта, да поминаете день исхода вашего от земли Египетския вся дни жития вашего:Select Deuteronomy 16:3

4да не явится тебе квасно во всех пределех твоих седмь дний, и да не преноществует от мяс, яже пожреши в вечер в первый день, до утрия.Select Deuteronomy 16:4

5Не возможеши жрети Пасхи ни в единем от градов твоих, яже Господь Бог твой дает тебе:Select Deuteronomy 16:5

6но токмо на месте, еже изберет Господь Бог твой призывати имя Его ту, тамо пожреши Пасху в вечер при захождении солнца, во время в неже изшел еси из земли Египетския:Select Deuteronomy 16:6

7и свариши, и испечеши, и снеси на месте, идеже изберет Господь Бог твой: и возвратишися заутра, и пойдеши в дом твой.Select Deuteronomy 16:7

8Шесть дний да яси опресноки, в седмый же день исходный праздник Господеви Богу твоему: да не сотвориши в нем всякаго дела, кроме яже суть души.Select Deuteronomy 16:8

9Седмь седмиц всецелых да сочтеши себе: в начало же твоего серпа на жатву начни исчисляти седмь седмиц,Select Deuteronomy 16:9

10и да сотвориши праздник седмиц Господеви Богу твоему, якоже рука твоя может, елика даст тебе, якоже благослови тя Господь Бог твой.Select Deuteronomy 16:10

11И возвеселишися пред Господем Богом твоим ты и сын твой и дщерь твоя, и раб твой и раба твоя, и левит иже во градех твоих, и пришлец, и сирота и вдова, яже в вас, на месте, идеже изберет Господь Бог твой призывати имя Его тамо:Select Deuteronomy 16:11

12и помянеши, яко раб был еси (ты) в земли Египетстей, и сохраниши и сотвориши заповеди сия.Select Deuteronomy 16:12

13Праздник кущей да сотвориши себе седмь дний, егда собереши от нивы твоея и от точила твоего:Select Deuteronomy 16:13

14и да возвеселишися в празднице твоем ты и сын твой и дщи твоя, раб твой и раба твоя, и левит и пришлец, и сирота и вдова, яже во градех твоих:Select Deuteronomy 16:14

15седмь дний да празднуеши Господеви Богу твоему на месте, еже изберет Господь Бог твой призывати имя Его тамо: аще же благословит тя Господь Бог твой во всех плодех твоих и во всяком деле рук твоих, и будеши веселяся.Select Deuteronomy 16:15

16В три времена лета да явится всяк мужеск пол пред Господем Богом твоим, на месте, еже изберет Господь Бог твой: в праздник опресноков, и в праздник седмиц, и в праздник кущей: да не явишися пред Господем Богом твоим тощь:Select Deuteronomy 16:16

17кийждо по силе рук своих, по благословению Господа Бога твоего, еже даде тебе.Select Deuteronomy 16:17

18Судии и книгочии поставиши себе во всех градех твоих, яже Господь Бог твой дает тебе по племенам, и да судят людем суд праведный:Select Deuteronomy 16:18

19да не уклонят суда, ниже познают лице, ниже да возмут даров: дары бо ослепляют очи мудрых и отмещут словеса праведных.Select Deuteronomy 16:19

20Праведне праведное гоните, да поживете, и вшедше наследите землю, юже Господь Бог твой дает вам.Select Deuteronomy 16:20

21Да не насадиши себе дубравы: всякаго древа близ олтаря Господа Бога твоего да не сотвориши себе,Select Deuteronomy 16:21

22да не поставиши себе капища, еже возненавиде Господь Бог твой.Select Deuteronomy 16:22