2Deuteronomy 2

1И возвратившеся воздвигохомся в пустыню, путем моря Чермнаго, якоже глагола Господь ко мне: и обходихом гору Сиир дни многи.Select Deuteronomy 2:1

2И рече Господь ко мне:Select Deuteronomy 2:2

3довлеет вам обхождати гору сию: возвратитеся убо к северу:Select Deuteronomy 2:3

4и людем заповеждь, глаголя: вы пройдите сквозе пределы братии вашея, сынов Исавовых, живущих в Сиире, и убоятся вас и ужаснутся зело:Select Deuteronomy 2:4

5не сотворите с ними рати: не дах бо вам от земли их ниже стопы ноги, яко во жребий дах сыном Исавовым гору Сиир:Select Deuteronomy 2:5

6сребром пищу купите себе у них и ядите, и воду в меру возмите от них на цене и пийте:Select Deuteronomy 2:6

7ибо Господь Бог твой благослови тебе во всяком деле руку твоею: разумей, како прошел еси пустыню великую и страшную сию: се, четыредесять лет Господь Бог твой с тобою, и не востребовал еси словесе.Select Deuteronomy 2:7

8И минухом братию свою сыны Исавли, живущыя в Сиире, у пути Аравскаго от Елона и от Гесион-Гавера, и возвратившеся преидохом путь в пустыню Моавлю.Select Deuteronomy 2:8

9И рече Господь ко мне: не совраждуйтеся Моавитом и не сотворите с ними рати: не дах бо вам от земли их во жребий, сыном бо Лотовым дах Ароир наследити.Select Deuteronomy 2:9

10Оммины прежде седяху на ней, народ велик и мног и крепок якоже Енакими:Select Deuteronomy 2:10

11Рафаины глаголются и сии, якоже и Енакими: и Моавити прозывают я Оммины.Select Deuteronomy 2:11

12И в Сиире седяше Хорреи прежде, но сынове Исавовы потребиша я и искорениша я от лица своего: и вселишася вместо их, имже образом сотвори Израиль земли наследия своего, юже даде Господь им.Select Deuteronomy 2:12

13Ныне убо вы востаните и воздвигнитеся, и пройдите дебрь Заретову.Select Deuteronomy 2:13

14И дни, в няже отидохом от Кадис-Варни дондеже преидохом дебрь Заретову, тридесять и осмь лет, дондеже паде весь род мужей воинских от полка, якоже клятся им Господь Бог.Select Deuteronomy 2:14

15И рука Божия бяше на них, погубити я от полка, дондеже падоша.Select Deuteronomy 2:15

16И бысть внегда падоша вси мужи воинстии умирающе от среды людий,Select Deuteronomy 2:16

17и рече Господь ко мне, глаголя:Select Deuteronomy 2:17

18ты прейдеши днесь пределы Моавлими Ароир:Select Deuteronomy 2:18

19и пришедше близ сынов Амманих, не совраждуйтеся им и не сотворите с ними рати: не дам бо тебе от земли сынов Амманих во жребий, яко сыном Лотовым дах ю во жребий.Select Deuteronomy 2:19

20Земля Рафаинска возименуются: Рафаини бо на ней прежде живяху: Амманитяне же прозывают их Зоммин:Select Deuteronomy 2:20

21язык велик и мног и крепок, якоже и Енакими: и погуби я Господь от лица их, и прияша наследие и вселишася вместо их даже до сего дне:Select Deuteronomy 2:21

22якоже сотвориша сыном Исавовым живущым в Сиире, имже образом потребиша Хорреа от лица своего и наследиша их, и вселишася вместо их даже до сего дне:Select Deuteronomy 2:22

23и Евее живущии во Асирофе даже до Газы, и Каппадоки изшедшии из Каппадокии потребиша я, и вселишася вместо их.Select Deuteronomy 2:23

24Ныне убо востаните и воздвигнитеся, и прейдите вы дебрь Арноню: се, предах в руце твои Сиона царя Есевоня Аморрейска и землю его: начни наследовати, сотвори с ним рать днешний день:Select Deuteronomy 2:24

25начинай даяти трепет твой и страх твой пред лицем всех языков сущих под небесем, иже слышавше имя твое возмятутся, и болезнь приимут от лица твоего.Select Deuteronomy 2:25

26И послах послы от пустыни Кедамоф к Сиону царю Есевоню словесы мирными, глаголя:Select Deuteronomy 2:26

27да пройду сквозе землю твою: по пути пройду, не совращуся ни на десно, ни на лево:Select Deuteronomy 2:27

28пищу на цене даси ми, и ям: и воду на цене даси ми, и пию: точию ногама моима да прейду:Select Deuteronomy 2:28

29якоже сотвориша ми сынове Исавли живущии в Сиире и Моавити живущии во Ароире, дондеже прейду Иордан на землю, юже Господь Бог наш дает нам.Select Deuteronomy 2:29

30И не восхоте Сион цар Есевонь, да пройдем сквозе его, яко ожесточи Господь Бог наш дух его и укрепи сердце его, да предастся в руце твои якоже во днешний день.Select Deuteronomy 2:30

31И рече Господь ко мне: се, начах предаяти пред лицем твоим Сиона царе Есевоня Аморрейска и землю его, и начинай наследити землю его.Select Deuteronomy 2:31

32И изыде Сион царь Есевонь противу нам сам и вси людие его на брань во Иассу:Select Deuteronomy 2:32

33и предаде его Господь Бог наш пред лицем нашим в руце наши: и убихом его, и сыны его и вся люди его:Select Deuteronomy 2:33

34и одержихом вся грады его во оно время, и разорихом всяк град, ктому и жены их и дети их не оставихом живы:Select Deuteronomy 2:34

35токмо скот пленихом себе, и корысти градов взяхом.Select Deuteronomy 2:35

36Из Ароира, иже есть при устии водотечи Ариони, и град иже есть в дебри, и даже до горы Галаадовы, не бысть град уцелевый от нас: вся предаде Господь Бог наш в руце наши:Select Deuteronomy 2:36

37токмо в земли сынов Амманих не приступахом ко всем прилежащым к водотечи Иавокове и ко градом иже в горах, якоже повеле нам Господь Бог наш.Select Deuteronomy 2:37