20Deuteronomy 20

1Аще же изыдеши на брань на враги твоя, и узриши кони и всадники и люди множайшыя тебе, да не убоишися их: яко Господь Бог твой с тобою, изведый тя из земли Египетския.Select Deuteronomy 20:1

2И будет егда приближишися к рати, и приступив жрец да возглаголет к людем и речет к ним:Select Deuteronomy 20:2

3послушай, Израилю, вы исходите днесь на рать ко врагом вашым: да не ослабеет сердце ваше, ни убойтеся, ниже устрашитеся и не уклонитеся от лица их:Select Deuteronomy 20:3

4яко Господь Бог ваш идый пред вами споборствует вам на враги вашя и спасет вас.Select Deuteronomy 20:4

5И да рекут книгочия к людем, глаголюще: кий человек создавый храмину нову, и не обнови ея? Да идет, и да возвратится в дом свой, да не умрет на рати, и человек ин обновит ю:Select Deuteronomy 20:5

6и кии человек, иже насади виноград, и не веселися от него? Да идет, и возвратится в дом свой, да не умрет на рати, и человек ин возвеселится от него:Select Deuteronomy 20:6

7и кий человек, иже обручи себе жену, и не понял ю? Да идет, и возвратится в дом свой, да не умрет на рати, и ин человек поймет ю.Select Deuteronomy 20:7

8И да приложат книгочия глаголати к людем, и да рекут: кий человек страшлив и слаб сердцем? Да идет, и возвратится в дом свой, да не устрашит сердца брата своего, аки сердце свое.Select Deuteronomy 20:8

9И будет егда умолкнут книгочия глаголюще к людем, и поставят воеводы воинства вожды людий.Select Deuteronomy 20:9

10Аще же приидеши ко граду воевати нань, и воззовеши я с миром:Select Deuteronomy 20:10

11аще убо мирное отвещают ти, и отверзут тебе (град), вси людие обретшиися во граде да будут тебе дань дающе и послушающии тебе:Select Deuteronomy 20:11

12аще же не покорятся тебе, и сотворят с тобою рать, да обсядеши его,Select Deuteronomy 20:12

13дондеже предаст я Господь Бог твой в руце твои: да избиеши всяк мужеск пол в нем убийством меча,Select Deuteronomy 20:13

14кроме жен и имения, и вся скоты, и вся елика суть во граде, и все стяжание да плениши себе, и да снеси весь плен врагов твоих, яже Господь Бог твой дает тебе.Select Deuteronomy 20:14

15Тако да сотвориши всем градом, иже суть далече от тебе зело, иже не суть от градов языков сих, ихже Господь Бог дает тебе наследити землю их:Select Deuteronomy 20:15

16от них да не оставите жива всякаго дыхания:Select Deuteronomy 20:16

17но и проклятием проклените их, Хеттеа и Аморреа, и Хананеа и Ферезеа, и Евеа и Иевусеа и Гергесеа, якоже заповеда тебе Господь Бог твой:Select Deuteronomy 20:17

18да не научат вас творити всякия мерзости своя, елики твориша богом своим, и согрешите пред Господем Богом вашим.Select Deuteronomy 20:18

19Аще же обсядеши град един дни многи воевати его в приятие себе, да не истребиши садовия его, возложив железо нань, но токмо да яси плод от них, самого же да не посечеши: еда древо, еже в дубраве, человек есть, иже внити от лица твоего в забрала?Select Deuteronomy 20:19

20Но древо, еже веси, яко не ястся плод его, сие потребиши и посечеши, и сотвориши лествицы на град, иже творит на тя рать, дондеже предастся.Select Deuteronomy 20:20