21Deuteronomy 21

1Аще же обрящется убиеный на земли, юже Господь Бог дает тебе наследити, лежащь на поли, и не ведят убившаго и:Select Deuteronomy 21:1

2да изыдут старцы и судии твои и да измерят до градов, иже окрест убиенаго:Select Deuteronomy 21:2

3и будет град приближаяйся убиеному, и да возмут старейшины града того юницу от говяд, еюже не делано, и яже ярма не понесе:Select Deuteronomy 21:3

4и да изведут старейшины града того юницу в дебрь суху, яже не оранна, ниже насеяна, и да пресекут жилы юницы в дебри:Select Deuteronomy 21:4

5и да приступят жерцы Левити: яко сих избра Господь Бог твой предстояти Ему и благословляти во имя Его: и во устех их да будет всякое прекословие и всякая язва:Select Deuteronomy 21:5

6и вси старейшины града того, приближающиися убиеному, да омыют руце над главою юницы, ейже пресечены суть жилы в дебри,Select Deuteronomy 21:6

7и отвещавше да рекут: руце наши не пролияша крове сея, и очи наши не видеша:Select Deuteronomy 21:7

8милостив буди людем Твоим Израилю, ихже извел еси, Господи, из земли Египетския, да не будет кровь неповинна на людех Твоих Израили: и очистится им кровь:Select Deuteronomy 21:8

9ты же отимеши кровь неповинну от среды себе, аще сотвориши доброе и угодное пред Господем Богом твоим.Select Deuteronomy 21:9

10Аще же изыдеши на брань противу врагом твоим, и предаст я Господь Бог твой в руце твои, и плениши плен от них,Select Deuteronomy 21:10

11и узриши в плене добру обличием, и возлюбиши ю, и поймеши ю себе в жену,Select Deuteronomy 21:11

12и введеши ю внутрь в дом твой, и да обриеши главу ея, и да обрежеши ногти ея,Select Deuteronomy 21:12

13и да совлечеши ризы пленныя ея с нея: и да сядет в дому твоем, и да плачется отца своего и матере своея месяц дний: и но сем внидеши к ней, и совокупишися с нею, и будет тебе жена.Select Deuteronomy 21:13

14И будет аще не восхощеши ея, да отпустиши ю свободну, продажею же да не продаси ея на цене: да не отринеши ея, понеже смирил еси ю.Select Deuteronomy 21:14

15Аще же будут мужу две жены, едина от них люба, и другая не люба, и породят ему любая и нелюбая, и будет сын перворожденный от нелюбимыя:Select Deuteronomy 21:15

16и будет в оньже день разделит сыном своим имение свое, не возможет первенцем быти сын любимыя, презрев сына нелюбимыя первенца:Select Deuteronomy 21:16

17но сына нелюбимыя за первенца да признает, и даст ему сугубо от всего, еже обрящется ему, яко сей есть начало чад его, и сему достоит первенство.Select Deuteronomy 21:17

18Аще же кому будет сын непокорив и грубитель, не послушаяй гласа отца своего и гласа матере своея, и накажут его, и не послушает их,Select Deuteronomy 21:18

19да возмут его отец его и мати его, и да изведут его пред старейшины града своего и пред врата места своего,Select Deuteronomy 21:19

20и да рекут к мужем града своего: сын наш сей непокорив есть и грубитель и не слушает речи нашея, сластолюбствуя пиянствует:Select Deuteronomy 21:20

21и да побиют его мужие града того камением, и да умрет: и измите злое от себе самих, да и прочии слышавше убоятся.Select Deuteronomy 21:21

22Аще же будет на ком грех, суд смертный, и да умрет, и повесите его на древе,Select Deuteronomy 21:22

23да не пренощует тело его на древе, но во гробе погребите его в тойже день: яко проклят есть от Бога всяк висяй на древе: и да не оскверните земли, юже Господь Бог твой дает тебе во жребий.Select Deuteronomy 21:23