25Deuteronomy 25

1Аще же будет пря между человеки, и приидут на суд, и да судят, и оправдят праваго, и осудят нечестиваго:Select Deuteronomy 25:1

2и будет, аще достоин есть ран нечестивый, да поставиши его пред судиями, и да биют его пред ними по нечестию его:Select Deuteronomy 25:2

3и числом четыредесять ран да наложат ему, и да не приложат к сему: аще же приложат паче ран сих бити его множае, срам будет брату твоему пред тобою.Select Deuteronomy 25:3

4Да не обротиши вола молотяща.Select Deuteronomy 25:4

5Аше же живут братия вкупе, и умрет един от них, семене же не будет ему, да не будет жена умершаго иному мужу несродну: брат мужа ея да внидет к ней и поймет ю себе в жену, и да поживет с нею:Select Deuteronomy 25:5

6и будет очроча, еже аще родится, да поставится во имя умершаго, и не погибнет имя его от Израиля.Select Deuteronomy 25:6

7Аще же не восхощет человек пояти жены брата своего, да приидет жена ко вратом пред старейшины и речет: не хощет брат мужа моего возставити имя брата своего во Израили, не восхоте брат мужа моего:Select Deuteronomy 25:7

8и да призовут его старейшины града того и рекут ему, и став речет: не хощу пояти ю:Select Deuteronomy 25:8

9и приступивши жена брата его к нему пред старейшины, и изует сапог его един от ноги его, и да плюнет на лице его, и отвещавши речет: сице да сотворят человеку, иже не созиждет дому брата своего во Израили:Select Deuteronomy 25:9

10и прозовется имя его во Израили дом изутаго из сапога.Select Deuteronomy 25:10

11Аще же биются человека два вкупе, человек с братом своим, и приступит жена единаго от них отяти мужа своего от руки биющаго и, и простерши руку свою, имет за ятра его,Select Deuteronomy 25:11

12да отсечеши руку ея: да не пощадит око твое ея.Select Deuteronomy 25:12

13Да не будет во влагалищи твоем мерило и мерило, великое и малое,Select Deuteronomy 25:13

14да не будет в дому твоем мера и мера, велика и мала:Select Deuteronomy 25:14

15мерило истинно и праведно да будет тебе, и мера истинна и праведна да будет тебе, да многи дни будеши на земли, юже Господь Бог твой дает тебе в жребий,Select Deuteronomy 25:15

16яко мерзость Господеви Богу твоему всяк творяй сия, всяк творяй неправду.Select Deuteronomy 25:16

17Помяни, елика тебе сотвори Амалик на пути, исходящу тебе из Египта:Select Deuteronomy 25:17

18како сопротивоста тебе на пути и посече задний полк твой утружден за тобою: ты же алчен был еси и утружден: и не убояся Бога:Select Deuteronomy 25:18

19и будет егда упокоит тя Господь Бог твой от всех враг твоих, иже окрест тебе на земли, юже Господь Бог твой дает тебе в жребий, еже наследити ю, да погубиши имя Амаликово от земли, яже под небесем, и да не забудеши.Select Deuteronomy 25:19