29Deuteronomy 29

1Сия словеса завета, яже завеща Господь Моисею уставити сыном Израилевым в земли Моавли, кроме завета, егоже завеща им в Хориве.Select Deuteronomy 29:1

2И призва Моисей вся сыны Израилевы и рече к ним: вы видесте вся, елика сотвори Господь в земли Египетстей пред вами фараону и всем слугам его и всей земли его,Select Deuteronomy 29:2

3искушения великая, яже видеста очи твои, знамения и чудеса великая оная, руку крепкую и мышцу высокую:Select Deuteronomy 29:3

4и не даде Господь Бог вам сердца разумети и очес видети и ушес слышати, даже до дне сего:Select Deuteronomy 29:4

5и водил вас четыредесять лет по пустыни: не обетшаша ризы вашя, и сапози ваши не сотрошася на ногах ваших:Select Deuteronomy 29:5

6хлеба не ядосте, вина и сикера не писте, да познаете, яко Сей Господь Бог ваш:Select Deuteronomy 29:6

7и приидосте до сего места: и изыде Сион царь Есевонский и Ог царь Васанский во сретение нам на брань,Select Deuteronomy 29:7

8и поразихом их на брани, и прияхом землю их: и дах ю во жребий Рувиму и Гаду и полуплемени Манассиину.Select Deuteronomy 29:8

9И сохраните творити вся словеса завета сего творити я, да разумеете вся, елика сотворите.Select Deuteronomy 29:9

10Вы стасте вси днесь пред Господем Богом вашим, племеноначалницы ваши и старейшины ваши, и судии ваши и писмовводители ваши, всяк муж Израилтеск,Select Deuteronomy 29:10

11и жены вашя и чада ваша, пришлец иже посреде полка вашего, от древосечца вашего даже до водоносца вашего,Select Deuteronomy 29:11

12еже прейти в завет Господа Бога вашего и в клятвы Его, елика завещает Господь Бог твой к тебе днесь:Select Deuteronomy 29:12

13да поставит тя Себе в люди, и Той будет тебе Бог, якоже тебе рече и якоже клятся отцем твоим, Аврааму и Исааку и Иакову.Select Deuteronomy 29:13

14И не вам единем аз завет сей и клятву сию завещаваю,Select Deuteronomy 29:14

15но и зде сущым с вами днесь, пред Господем Богом вашим, и не сущым с вами зде днесь.Select Deuteronomy 29:15

16Яко вы весте, како жихом в земли Египетстей и како проидохом посреде языков, ихже преидосте,Select Deuteronomy 29:16

17и видесте мерзости их и кумиры их, древо и камение, сребро и злато, яже суть у них.Select Deuteronomy 29:17

18Еда кто есть в вас муж или жена, или отечество или племя, егоже сердце уклонися от Господа Бога вашего, ити еже служити богом языков оных? Еда кий есть в вас корень горе прорастающь в желчи и горести?Select Deuteronomy 29:18

19И будет аще услышит словеса клятвы сея и похвалится в сердцы своем, глаголя: преподобно мне да будет, яко в прельщении сердца моего пойду, да не погубит грешник безгрешнаго (с собою):Select Deuteronomy 29:19

20не восхощет Бог милостив быти ему, но тогда разгорится гнев Господень и ревность Его на человека того: и прилепятся ему вся клятвы завета сего, писанныя в книзе закона сего: и потребит Господь имя его от поднебесныя,Select Deuteronomy 29:20

21и отлучит его Господь на злая от всех сынов Израилевых, по всем клятвам завета написаннаго в книзе закона сего.Select Deuteronomy 29:21

22И речет род ин, сынове ваши, иже востанут по вас, и чуждый иже приидет от земли далекия, и узрят язвы земли оныя и недуги ея, яже посла Господь на ню,Select Deuteronomy 29:22

23жупел и соль сожженную: вся земля ея не насеется, ни прозябнет, ниже возникнет на ней всяк злак: якоже опровержеся Содом и Гоморр, Адама и Севоим, яже опроверже Господь в ярости и гневе Своем.Select Deuteronomy 29:23

24И рекут вси языцы: почто сотвори Господь сице земли сей? Кая ярость гнева великая сия?Select Deuteronomy 29:24

25И рекут: яко оставиша завет Господа Бога отец своих, егоже завеща отцем их, егда изведе их от земли Египетския,Select Deuteronomy 29:25

26и шедше послужиша богом иным, и поклонишася им, ихже не ведяху, и не даде им ничтоже ни един:Select Deuteronomy 29:26

27и разгневася яростию Господь на землю ту, еже навести на ню по всем клятвам завета, писанным в книгах закона сего:Select Deuteronomy 29:27

28и изят их Господь от земли их яростию и гневом, и прогневанием великим зело, и изверже их в землю ину якоже ныне.Select Deuteronomy 29:28

29Тайная Господеви Богу нашему, нам же явленная и чадом нашым во веки, творити вся словеса закона сего.Select Deuteronomy 29:29