32Deuteronomy 32

1Вонми, небо, и возглаголю, и да слышит земля глаголы уст моих,Select Deuteronomy 32:1

2да чается яко дождь вещание мое, и да снидут яко роса глаголи мои, яко туча на троскот и яко иней на сено:Select Deuteronomy 32:2

3яко имя Господне призвах, дадите величие Богу нашему.Select Deuteronomy 32:3

4Бог, истинна дела Его, и вси путие Его суд: Бог верен, и несть неправды в Нем: праведен и преподобен Господь.Select Deuteronomy 32:4

5Согрешиша, не Того чада порочная: роде строптивый и развращенный,Select Deuteronomy 32:5

6сия ли Господеви воздаете, сии людие буии и не мудри? Не Сам ли сей Отец твой стяжа тя, и сотвори тя, и созда тя?Select Deuteronomy 32:6

7Помяните дни вечныя, разумейте лета рода родов: вопроси отца твоего, и возвестит тебе, старцы твоя, и рекут тебе.Select Deuteronomy 32:7

8Егда разделяюще Вышний языки, яко разсея сыны Адамовы, постави пределы языков по числу ангел Божиих,Select Deuteronomy 32:8

9и бысть часть Господня, людие Его Иаков, уже наследия Его Израиль:Select Deuteronomy 32:9

10удовли его в пустыни, в жажди зноя в безводне: обыде его и наказа его, и сохрани его яко зеницу ока:Select Deuteronomy 32:10

11яко орел покры гнездо свое, и на птенцы своя возжеле: простер криле свои и прият их, и подят их на раму своею.Select Deuteronomy 32:11

12Господь един вождаше их, и не бе с ними бог чуждь:Select Deuteronomy 32:12

13возведе я на силу земли, насыти их жит селных: ссаша мед из камене и елей от тверда камене,Select Deuteronomy 32:13

14масло кравие и млеко овчее с туком агнчим и овним сынов юнчих и козлих, с туком пшеничным, и кровь гроздову пияху вино.Select Deuteronomy 32:14

15И яде Иаков и насытися, и отвержеся возлюбленный: уты, утолсте, разшире: и остави Бога сотворшаго его, и отступи от Бога спаса своего.Select Deuteronomy 32:15

16Прогневаша Мя о чуждих, и в мерзостех своих преогорчиша Мя.Select Deuteronomy 32:16

17Пожроша бесовом, а не Богу, богом, ихже не ведеша: нови и секрати приидоша, ихже не ведеша отцы их.Select Deuteronomy 32:17

18Бога рождшаго тя оставил еси и забыл еси Бога питающаго тя.Select Deuteronomy 32:18

19И виде Господь, и возревнова, и раздражися за гнев сынов их и дщерей,Select Deuteronomy 32:19

20и рече: отвращу лице Мое от них и покажу, что будет им напоследок, яко род развращен есть, сынове, имже несть веры в них:Select Deuteronomy 32:20

21тии раздражиша Мя не от бозе, прогневаша Мя во идолех своих: и Аз раздражу их не о языце, от языце же неразумливе прогневаю их:Select Deuteronomy 32:21

22яко огнь возгорится от ярости Моея, разжжется до ада преисподняго, снест землю и жита ея, попалит основания гор:Select Deuteronomy 32:22

23соберу на них злая, и стрелы Моя скончаю в них:Select Deuteronomy 32:23

24тающе гладом и снедию птиц, и горб неисцелен: зубы зверий послю в на, с яростию пресмыкающихся по земли:Select Deuteronomy 32:24

25отвне обезчадит их мечь, и от храмов их страх: юноша с девою, ссущее с совершенным старцем.Select Deuteronomy 32:25

26Рех: разсею их, уставлю же от человек память их:Select Deuteronomy 32:26

27токмо за гнев врагов, да не долголетствуют, и да не налягут супостати, да не рекут: рука наша высока, и не Господь сотвори сия вся:Select Deuteronomy 32:27

28яко язык погубивый совет есть, и несть в них художества, не смыслиша разумети:Select Deuteronomy 32:28

29сия вся да приимут во грядущее лето.Select Deuteronomy 32:29

30Како поженет един тысящы, и два двигнета тмы, аще не Бог отдаде их, и Господь предаде их?Select Deuteronomy 32:30

31Не суть бо бози их, яко Бог наш: врази же наши неразумливи.Select Deuteronomy 32:31

32От виноградов бо Содомских виноград их, и розга их от Гоморры: грозд их грозд желчи, грозд горести их:Select Deuteronomy 32:32

33ярость змиев вино их, и ярость аспидов неисцельна.Select Deuteronomy 32:33

34Не сия ли вся собрашася у Мене и запечатлешася в сокровищах Моих?Select Deuteronomy 32:34

35В день отмщения воздам, во время егда соблазнится нога их: яко близ день погибели их, и предстоят готовая вам:Select Deuteronomy 32:35

36яко судити имать Господь людем Своим, и о рабех Своих умолен будет: виде бо их разслабленны и истаявшя во время и изнемогшя.Select Deuteronomy 32:36

37И рече Господь: где суть бози их, на нихже уповаша,Select Deuteronomy 32:37

38ихже тук жертв их ядясте, и пиясте вино треб их? Да воскреснут и помогут вам, и будут вам покровители.Select Deuteronomy 32:38

39Видите, видите, яко Аз есмь, и несть Бог разве Мене: Аз убию и жити сотворю: поражу и Аз исцелю, и несть иже измет от руку Моею:Select Deuteronomy 32:39

40яко воздвигну на небо руку Мою, и кленуся десницею Моею, и реку: живу Аз во веки:Select Deuteronomy 32:40

41яко поострю якоже молнию мечь Мой, и приимет суд рука Моя, и воздам месть врагом и ненавидящым Мя воздам:Select Deuteronomy 32:41

42упою стрелы Моя от крове, и мечь Мой снест мяса от крове язвеных и пленения, от глав князей языческих.Select Deuteronomy 32:42

43Возвеселитеся, небеса, купно с Ним, и да поклонятся Ему вси Ангели Божии: возвеселитеся, языцы, с людьми Его, и да укрепятся ему вси сынове Божии: яко кровь сынов Своих отмщает и отмстит, и воздаст месть врагом и ненавидящым Его воздаст: и очестит Господь землю людий Своих.Select Deuteronomy 32:43

44И написа Моисей песнь сию в той день, и научи ей сыны Израилевы: и вниде Моисей к людем и глагола вся словеса закона сего во ушы людем, сам и Иисус Навин.Select Deuteronomy 32:44

45И сконча Моисей глаголя словеса сия вся всему Израилю,Select Deuteronomy 32:45

46и рече к ним: внемлите сердцем вашим вся словеса сия, яже аз засвидетелствую вам днесь, яже да заповесте сыном вашым, хранити и творити вся словеса закона сего,Select Deuteronomy 32:46

47яко не тщетно слово сие вам, зане сия жизнь ваша, и ради слова сего долги дни будете на земли, на нюже вы преходите Иордан тамо наследити ю.Select Deuteronomy 32:47

48И рече Господь к Моисею в день сей, глаголя:Select Deuteronomy 32:48

49взыди на гору Аварим, сия гора Навав, яже есть в земли Моавли прямо Иерихону, и виждь землю Ханааню, юже аз даю сыном Израилевым во обдержание:Select Deuteronomy 32:49

50и скончайся тамо на горе, на нюже восходиши, и приложися к людем твоим, якоже умре Аарон брат твой на горе Ор и приложися к людем своим:Select Deuteronomy 32:50

51понеже не покористеся словеси Моему в сынех Израилевых у воды Пререкания Кадис в пустыни Син, понеже не освятисте Мене в сынех Израилевых:Select Deuteronomy 32:51

52яко прямо узриши землю, и тамо не внидеши, юже даю сыном Израилевым.Select Deuteronomy 32:52