4Deuteronomy 4

1И ныне, Израилю, послушай оправданий и судов, елика аз учу вас днесь делати, да поживете и умножитеся, и вшедше наследите землю, юже Господь Бог отец ваших дает вам в наследие:Select Deuteronomy 4:1

2да не приложите к словеси, еже аз заповедаю вам, ниже да отимете от него: сохраните заповеди Господа Бога нашего, елика аз заповедаю вам днесь.Select Deuteronomy 4:2

3Очи ваши видеша вся, елика сотвори Господь Бог наш Веельфегору: яко всяк человек иже иде вслед Веельфегора, потреби его Господь Бог наш от вас:Select Deuteronomy 4:3

4вы же, прилежащии Господеви Богу вашему, живете вси до днесь:Select Deuteronomy 4:4

5видите, показах вам оправдания и суды, якоже заповеда мне Господь Бог мой сотворити сице на земли, в нюже вы идете тамо, наследити ю:Select Deuteronomy 4:5

6и сохраните, и сотворите, яко сия премудрость ваша и смышление пред всеми языки, елицы аще услышат вся оправдания сия и рекут: се, людие премудрии и уметелны: язык великий сей.Select Deuteronomy 4:6

7Кий бо язык тако велий, емуже есть бог, приближаяйся ему, яко Господь Бог наш во всех, в нихже аще призовем Его?Select Deuteronomy 4:7

8И кий язык велик, емуже суть оправдания и суды правы по всему закону сему, егоже аз даю пред вами днесь?Select Deuteronomy 4:8

9Вонми себе и снабди душу твою зело, и не забуди всех словес, яже видеста очи твои, и да не отступят от сердца твоего вся дни живота твоего: и да наставиши сыны твоя и сыны сынов твоих,Select Deuteronomy 4:9

10в день в оньже стоясте пред Господем Богом вашим в Хориве в день собрания, егда рече Господь ко мне: собери ко Мне люди, и да слышат словеса Моя, да научатся боятися Мене вся дни, в няже сии живут на земли, и сыны своя да научат.Select Deuteronomy 4:10

11И приидосте, и стасте под горою: и гора горяше огнем даже до небесе, тма, мрак, и вихр.Select Deuteronomy 4:11

12И глагола Господь к вам на горе из среды огня: глас словес Его вы слышасте, и образа не видесте, токмо глас:Select Deuteronomy 4:12

13и возвести вам завет Свой, егоже заповеда вам творити, десять словес, и написа я на двоих скрижалех каменных:Select Deuteronomy 4:13

14и мне заповеда Господь во время оно, научити вас оправданием и судам, творити вам я на земли, в нюже вы входите тамо наследити ю.Select Deuteronomy 4:14

15И снабдите душы своя зело, яко не видесте всякаго подобия в день, в оньже глагола Господь к вам в горе Хориве из среды огня:Select Deuteronomy 4:15

16не беззаконнуйте, и не сотворите себе самим подобия ваянна, всякаго образа подобия мужеска пола или женска:Select Deuteronomy 4:16

17и подобия всякаго скота, иже есть на земли, подобия всякия птицы пернатыя, под небесем парящия:Select Deuteronomy 4:17

18подобия всякаго гада, иже плежет по земли: подобия всякия рыбы, елики суть в водах под землею:Select Deuteronomy 4:18

19да не когда воззрев на небо и видев солнце и луну и звезды, и всю красоту небесную, прельстився поклонишися им и послужиши им, яже раздели Господь Бог твой всем языком, иже под небесем.Select Deuteronomy 4:19

20Вас же взя Господь Бог и изведе вас от пещи железны из Египта, да будете Ему людие в жребий, якоже в днешний день.Select Deuteronomy 4:20

21И Господь Бог разгневася на мя о словесех ваших, и клятся, да не прейду Иордана сего и да не вниду в землю, юже Господь Бог твой дает тебе в наследие:Select Deuteronomy 4:21

22аз бо умру в сей земли, и не прейду Иордана сего, вы же прейдете и наследите землю благую сию.Select Deuteronomy 4:22

23Вонмите вы, да не когда забудете завета Господа Бога вашего, егоже завеща к вам, и да не сотворите сами себе изваянна подобия всех, яже заповеда тебе Господь Бог твой,Select Deuteronomy 4:23

24яко Господь Бог твой огнь потребляяй есть, Бог ревнитель.Select Deuteronomy 4:24

25Аще же родиши сыны и сыны сынов твоих, и умедлите на земли, и возбеззаконнуете, и сотворите изваянно подобие всякаго, и сотворите злое пред Господем Богом, вашим, еже раздражити Его,Select Deuteronomy 4:25

26засвидетелствую вам днесь небесем и землею, яко пагубою погибнете от земли, на нюже вы преходите чрез Иордан тамо наследити ю: не пребудете много дний на ней, но потреблением потребитеся:Select Deuteronomy 4:26

27и разсыплет вы Господь во всех языцех, и останетеся мали числом во языцех, в няже введет вы Господь тамо,Select Deuteronomy 4:27

28и послужите тамо богом иным, делом рук человеческих, древу и камению, иже не узрят и не услышат, ни ядят, ни обоняют:Select Deuteronomy 4:28

29и взыщете тамо Господа Бога вашего, и обрящете Его, егда взыщете Его от всего вашего сердца и от всея души вашея в скорби вашей.Select Deuteronomy 4:29

30И постигнут тя вся сия словеса в последняя дни, и обратишися к Господеви Богу твоему, и услышиши глас Его,Select Deuteronomy 4:30

31яко Бог щедр и милосерд Господь Бог твой, не оставит тебе, ниже потребит тебе, не забудет завета отец твоих, имже клятся им.Select Deuteronomy 4:31

32Вопросите дний первых, бывших прежде вас, от дне в оньже сотвори Бог человека на земли, и от края небесе даже до края небесе, аще бысть по словеси великому сему, аще слышано бысть сицево:Select Deuteronomy 4:32

33аще (кий) язык слыша глас Бога живаго глаголюща от среды огня, имже образом слышал еси ты, и жив был еси:Select Deuteronomy 4:33

34аще искуси бог вшед взяти себе язык от среды языка искушением, и знамении и чудесы, и бранию и рукою сильною, и мышцею высокою и видении великими, по всему елико сотвори Господь Бог наш во Египте пред тобою зрящим,Select Deuteronomy 4:34

35яко да разумееши ты, яко Господь Бог твой сей Бог есть, и несть разве Его.Select Deuteronomy 4:35

36От небесе слышан сотвори тебе глас Свой, еже научити тя, и на земли показа тебе огнь Свой великий, и глаголголы Его слышал еси из среды огня:Select Deuteronomy 4:36

37занеже возлюби отцы твоя, избра семя их по них вас, и изведе тя Сам силою Своею великою из ЕгиптаSelect Deuteronomy 4:37

38потребити языки великия и крепчайшыя тебе пред лицем твоим, ввести тя, дати тебе землю их в наследие, якоже имаши днесь.Select Deuteronomy 4:38

39И увеси днесь, и обратишися умом, яко Господь Бог твой Сей Бог на небеси горе и на земли долу, и несть разве Его,Select Deuteronomy 4:39

40и да сохраниши заповеди Его и оправдания Его, елика аз заповедаю тебе днесь, да благо тебе будет и сыном твоим по тебе, яко да будете долголетни на земли, юже Господь Бог твой дает тебе вся дни.Select Deuteronomy 4:40

41Тогда отдели Моисей три грады об ону страну Иордана на восток солнца,Select Deuteronomy 4:41

42еже убегати тамо убийце, иже аще убиет ближняго не ведый, и сей не ненавидя его прежде вчера и третияго дне, и да вбегнет во един град от сих и жив будет:Select Deuteronomy 4:42

43Восор в пустыни в земли селней Рувиму, и Раммоф в Галааде Гадду, и Гавлон в Васане Манассии.Select Deuteronomy 4:43

44Сей закон, егоже предложи Моисей пред сыны Израилтескими:Select Deuteronomy 4:44

45сия свидения и оправдания и суды, елика глагола Моисей сыном Израилевым в пустыни, изшедшым им из земли Египетския,Select Deuteronomy 4:45

46об он пол Иордана, в дебри, близ дому Фогорова, в земли Сиона царя Аморрейска, иже живяше во Есевоне, егоже изби Моисей и сынове Израилевы, изшедшым им из земли Египетския.Select Deuteronomy 4:46

47И наследиша землю его и землю Ога царя Васанска, дву царей Аморрейских, иже бяху об он пол Иордана на восток солнца,Select Deuteronomy 4:47

48от Ароира, иже есть во устии водотечи Арнони и у горы Сиона, яже есть Аермон,Select Deuteronomy 4:48

49всю араву об ону страну Иордана, на восток солнца под асидофом Тесаным.Select Deuteronomy 4:49