5Deuteronomy 5

1И призва Моисей всего Израиля и рече к ним: слыши, Израилю, оправдания и суды, елика аз глаголю во ушы ваши во днешний день, и научитеся их, и сохраните творити я.Select Deuteronomy 5:1

2Господь Бог ваш завеща вам завет в Хориве:Select Deuteronomy 5:2

3не отцем вашым завеща Господь завет сей, но токмо вам: вы же зде вси живи днесь.Select Deuteronomy 5:3

4Лицем к лицу глагола Господь к вам на горе из среды огня,Select Deuteronomy 5:4

5и аз стоях между Господем и вами во время оно возвестити вам глаголголы Господня, яко убоястеся от лица огня и не взыдосте на гору, глаголя:Select Deuteronomy 5:5

6Аз есмь Господь Бог твой, изведый тя из земли Египетския, от дому работы:Select Deuteronomy 5:6

7да не будут тебе бози инии пред лицем Моим.Select Deuteronomy 5:7

8Да не сотвориши себе кумира, ни всякаго подобия, елика на небеси горе, и елика на земли низу, и елика в водах под землею,Select Deuteronomy 5:8

9да не поклонишися им, ниже послужиши им: яко Аз есмь Господь Бог твой, Бог ревнив, отдаяй грехи отцев на чада до третияго и четвертаго рода ненавидящым Мене,Select Deuteronomy 5:9

10и творяй милость в тысящах любящым Мене и хранящым повеления Моя.Select Deuteronomy 5:10

11Да не приимеши имене Господа Бога твоего всуе: не очистит бо Господь Бог твой приемлющаго имя Его всуе.Select Deuteronomy 5:11

12Снабди день субботный святити его, якоже заповеда тебе Господь Бог твой:Select Deuteronomy 5:12

13шесть дний делай, и да сотвориши вся дела твоя,Select Deuteronomy 5:13

14в день же седмый суббота Господу Богу твоему: да не сотвориши в онь всякаго дела, ты и сын твой и дщерь твоя, раб твой и раба твоя, вол твой и осел твой и всяк скот твой, и пришлец обитаяй у тебе, да почиет раб твой и раба твоя, и осел твой, якоже и ты:Select Deuteronomy 5:14

15и да помянеши, яко (и ты) раб был еси в земли Египетстей и изведе тя Господь Бог твой оттуду рукою крепкою и мышцею высокою: сего ради повеле тебе Господь Бог твой, еже хранити день субботный и святити его.Select Deuteronomy 5:15

16Чти отца твоего и матерь твою, якоже заповеда тебе Господь Бог твой, да благо ти будет и да долголетен будеши на земли, юже Господь Бог твой дает тебе.Select Deuteronomy 5:16

17Не убий.Select Deuteronomy 5:17

18Не прелюбодействуй.Select Deuteronomy 5:18

19Не укради.Select Deuteronomy 5:19

20Не послушествуй на ближняго твоего свидетелства ложна.Select Deuteronomy 5:20

21Не пожелай жены ближняго твоего, не пожелай дому ближняго твоего, ни села его, ни раба его, ни рабыни его, ни вола его, ни осляте его, ни всякаго скота его, ниже всех, елика ближняго твоего суть.Select Deuteronomy 5:21

22Сия словеса глагола Господь ко всему сонму вашему на горе из среды огня: тма, мрак, буря, глас велик, и не приложи: и написа я на двоих скрижалех каменных, и даде мне.Select Deuteronomy 5:22

23И бысть яко услышасте глас из среды огня, и гора горяше огнем, и приидосте ко мне вси началницы племен ваших и старейшины ваши,Select Deuteronomy 5:23

24и ресте: се, показа нам Господь Бог наш славу Свою, и глас Его слышахом из среды огня: во днешний день видехом, яко возглаголет Бог человеку, и жив будет:Select Deuteronomy 5:24

25и ныне да не измрем, яко потребит нас огнь великий сей, аще приложим мы слышати глас Господа Бога нашего ктому, и умрем:Select Deuteronomy 5:25

26кая бо плоть, яже слыша глас Бога жива, глаголюща из среды огня, якоже мы, и жива будет?Select Deuteronomy 5:26

27Приступи ты, и послушай вся, елика к тебе речет Господь Бог наш, и ты речеши к нам вся, елика речет Господь Бог наш к тебе, и услышим, и сотворим.Select Deuteronomy 5:27

28И услыша Господь глас словес ваших, глаголющым вам ко мне, и рече Господь ко мне: слышах глас словес людий сих, елика глаголаша к тебе: право вся, елика глаголаша:Select Deuteronomy 5:28

29кто даст еже быти тако сердцу их в них, яко боятися Мене и хранити заповеди Моя во вся дни, да благо будет им и сыном их во веки?Select Deuteronomy 5:29

30Гряди, рцы им: возвратитеся в в домы своя:Select Deuteronomy 5:30

31ты же зде стани со Мною, и возглаголю к тебе вся заповеди и оправдания и суды, еликим научиши их: и да сотворят сице в земли, юже Аз даю им в жребий:Select Deuteronomy 5:31

32и сохраните творити, якоже заповеда тебе Господь Бог твой: не совратитеся ни на десно, ни на лево,Select Deuteronomy 5:32

33по всему пути, егоже заповеда тебе Господь Бог твой ходити в нем, да тя упокоит, и благо тебе будет: и многи дни будете на земли, юже наследите.Select Deuteronomy 5:33