6Deuteronomy 6

1И сия заповеди и оправдания и суды, елика заповеда Господь Бог ваш научити вас творити тако на земли, в нюже вы входите тамо, наследити ю:Select Deuteronomy 6:1

2да боитеся Господа Бога вашего, хранити вся оправдания Его и заповеди Его, яже аз заповедаю тебе днесь, ты и сынове твои, и сыны сынов твоих, во вся дни живота твоего, да многи дни пребудете.Select Deuteronomy 6:2

3И послушай, Израилю, и снабди творити, да благо ти будет, и да умножитеся зело, якоже глагола Господь Бог отец ваших, дати тебе землю кипящую млеком и медом. И сия оправдания и суды, елика заповеда Господь (Бог) сыном Израилевым в пустыни, изшедшым им из земли Египетския.Select Deuteronomy 6:3

4Слыши, Израилю: Господь Бог наш Господь един есть.Select Deuteronomy 6:4

5И возлюбиши Господа Бога твоего от всего сердца твоего и от всея души твоея и от всея силы твоея.Select Deuteronomy 6:5

6И да будут словеса сия, яже Аз заповедаю тебе днесь, в сердцы твоем и в души твоей,Select Deuteronomy 6:6

7и да накажеши ими сыны твоя, и да возглаголеши о них седяй в дому и идый путем, и лежа и востая:Select Deuteronomy 6:7

8и навяжеши я в знамение на руку твою, и да будут непоколеблема пред очима твоима:Select Deuteronomy 6:8

9и да напишете я на празех храмине ваших и врат ваших.Select Deuteronomy 6:9

10И будет егда введет тя Господь Бог твой в землю, еюже клятся отцем твоим, Аврааму и Исааку и Иакову, дати тебе грады велики и добры, ихже не создал еси,Select Deuteronomy 6:10

11домы полны всяких благ, ихже не наполнил еси, потоки ископаны, ихже не ископал еси, винограды и маслины, ихже не насадил еси: и ядый и насытився,Select Deuteronomy 6:11

12вонми себе, да не разширится сердце твое, да не забудеши Господа Бога твоего, изведшаго тебе из земли Египетския, от дому работы.Select Deuteronomy 6:12

13Господа Бога твоего да убоишися, и тому единому послужиши, и к Нему прилепишися, и именем Его кленешися.Select Deuteronomy 6:13

14Да не ходите вслед богов иных, богов языческих, иже окрест вас:Select Deuteronomy 6:14

15яко Бог ревнив Господь Бог твой посреде тебе: да не разгневався яростию Господь Бог твой на тя, потребит тя от лица земли.Select Deuteronomy 6:15

16Да не искусиши Господа Бога твоего, якоже искушасте во Искушении.Select Deuteronomy 6:16

17Храня да сохраниши заповеди Господа Бога твоего, свидения Его и оправдания Его, елика заповеда тебе:Select Deuteronomy 6:17

18и да сотвориши угодное и благое пред Господем Богом твоим, да благо будет тебе, и внидеши и наследиши землю благую, еюже клятся Господь отцем вашым,Select Deuteronomy 6:18

19отгнати вся враги твоя от лица твоего, якоже глагола Господь.Select Deuteronomy 6:19

20И будет егда вопросит тя сын твой утре, глаголя: что суть свидения и оправдания и суды, елика заповеда Господь Бог наш нам?Select Deuteronomy 6:20

21И речеши сыну твоему: раби бехом фараону в земли Египетстей, и изведе нас Господь Бог оттуду рукою крепкою и мышцею высокою:Select Deuteronomy 6:21

22и даде Господь (Бог) знамения и чудеса велика и зла во Египте на фараона и на дом его и на силу его пред нами,Select Deuteronomy 6:22

23и нас изведе Господь Бог наш оттуду, да введет нас дати нам землю сию, еюже клятся Господь Бог наш отцем нашым, дати ю нам:Select Deuteronomy 6:23

24и заповеда нам Господь творити вся оправдания сия, боятися Господа Бога нашего, да благо будет нам во вся дни, да живем, якоже и днесь,Select Deuteronomy 6:24

25и милосердие будет нам, аще сохраним творити вся заповеди закона сего пред Господем Богом нашим, якоже заповеда нам.Select Deuteronomy 6:25