7Deuteronomy 7

1И будет егда введет тя Господь Бог твой в землю, в нюже входиши тамо наследити ю, и изженет языки великия и многия от лица твоего, Хеттеа и Гергесеа, и Аморреа и Хананеа, и Ферезеа и Евеа и Иевусеа, седмь языков великих и многих, и крепчае вас:Select Deuteronomy 7:1

2и предаст их Господь Бог твой в руце твои, и избиеши я, пагубою погубиши я, да не завещаеши к ним завета, ниже да помилуеши их,Select Deuteronomy 7:2

3ниже сватовства сотвориши с ними: дщери своея не даси сыну его, и дщере его да не поймеши сыну твоему:Select Deuteronomy 7:3

4отвратит бо сына твоего от Мене, и послужит богом инем: и разгневается Господь гневом на вы, и потребит тя вскоре.Select Deuteronomy 7:4

5Но сице да сотворите им: требища их разсыплете, и столпы их да сокрушите, и дубравы их да посечете, и ваяния богов их да сожжете огнем:Select Deuteronomy 7:5

6яко люди святи есте Господеви Богу вашему: и вас избра Господь Бог ваш, да будете Ему люди избранни паче всех языков, елицы на лицы земли.Select Deuteronomy 7:6

7Не яко мнози есте паче всех язык, предприя вас Господь и избра вас Господь, вы бо есте меншии от всех языков:Select Deuteronomy 7:7

8но яко возлюби Господь вас, и храня клятву, еюже клятся отцем вашым, изведе Господь вас рукою крепкою и мышцею высокою, и избави тя от дому работы, от руки фараона царя Египетска,Select Deuteronomy 7:8

9и да увеси, яко Господь Бог твой Сей Бог: Бог верный, храняй завет Свой и милость любящым Его и хранящым заповеди Его в тысящы родов:Select Deuteronomy 7:9

10и воздаяй ненавидящым Его в лице потребити я, и не умедлит ненавидящым, в лице воздаст им.Select Deuteronomy 7:10

11И да сохраниши заповеди и оправдания и суды сия, елика аз заповедаю тебе творити днесь.Select Deuteronomy 7:11

12И будет егда послушаете вся оправдания сия, и сохраните и сотворите я, сохранит и Господь Бог твой тебе завет и милость, якоже клятся отцем вашым,Select Deuteronomy 7:12

13и возлюбит тя, и благословит тя и умножит тя, и благословит плод чрева твоего и плод земли твоея, пшеницу твою и вино твое и елей твой, и стада волов твоих и паствы овец твоих на земли, юже клятся Господь отцем твоим дати тебе:Select Deuteronomy 7:13

14и благословен будеши паче всех язык и не будет в вас безчадный, ниже неплоды, и в скотех твоих:Select Deuteronomy 7:14

15и отимет Господь Бог твой от тебе всяко разслабление и всяку язю Египетскую злую, яже видел еси и елика веси: не возложит на тя, но возложит я на вся ненавидящыя тебе:Select Deuteronomy 7:15

16и ясти будеши вся корысти языков, яже Господь Бог твой дает тебе: да не пощадит их око твое, и да не послужиши богом их, яко претыкание тебе есть сие.Select Deuteronomy 7:16

17Аще же речеши во уме твоем: яко язык сей множае паче мене, како возмогу аз потребити я?Select Deuteronomy 7:17

18Не убоишися их: памятию да помянеши, елика сотвори Господь Бог твой фараону и всем Египтяном,Select Deuteronomy 7:18

19искушения великая, яже видеста очи твои, знамения она и чудеса великая, руку крепкую и мышцу высокую, якоже изведе тя Господь Бог твой: тако сотворит Господь Бог ваш всем языком, ихже ты боишися от лица их:Select Deuteronomy 7:19

20и шершни послет Господь Бог твой на них, дондеже потребятся оставшиися и сокрывшиися от тебе:Select Deuteronomy 7:20

21не повредишися от лица их: яко Господь Бог твой в тебе, Бог великий и крепкий:Select Deuteronomy 7:21

22и погубит Господь Бог твой языки сия от лица твоего, помалу малу: не возможеши погубити их вскоре, да не будет земля пуста, и умножатся зверие дивии на тя:Select Deuteronomy 7:22

23и предаст их Господь Бог твой в руце твои, и погубиши их погублением великим, дондеже искорените их:Select Deuteronomy 7:23

24и предаст цари их в руце твои, и погубите имя их от места онаго: ниже един постоит пред лицем твоим, дондеже погубиши их.Select Deuteronomy 7:24

25Ваяния богов их да сожжете огнем, да не похощеши злата и сребра взяти себе от них, да не когда согрешиши того ради, яко мерзость есть Господеви Богу твоему:Select Deuteronomy 7:25

26и да не внесеши мерзости в свой дом, и проклят будеши якоже сия: ненавидением да возненавидиши, и омерзением да омерзиши, яко проклятие есть.Select Deuteronomy 7:26