8Deuteronomy 8

1Вся заповеди, яже аз заповедаю вам днесь, снабдите творити, да живете, и умножитеся, и внидете, и наследите землю благую, еюже клятся Господь Бог отцем вашым.Select Deuteronomy 8:1

2И да помянеши весь путь, имже проведе тебе Господь Бог твой, сие четыредесятое лето в пустыни, да искусит тя и озлобит тя, и уразумеются яже в сердцы твоем, аще сохраниши заповеди Его или ни.Select Deuteronomy 8:2

3И озлоби тя, и гладом замори тя, и напита тя манною, еяже ты не уведел еси, ни отцы твои: да возвестит тебе, яко не от хлебе единем жив будет человек, но о всяком словеси исходящем из уст Божиих жив будет человек.Select Deuteronomy 8:3

4Ризы твоя не обетшаша на тебе: нозе твои не язвишася, се, четыредесять лет.Select Deuteronomy 8:4

5И уразумееши сердцем твоим, яко имже образом аще кий человек накажет сына своего, тако Господь Бог твой накажет тя.Select Deuteronomy 8:5

6И сохраниши заповеди Господа Бога твоего ходити в путех Его и боятися Его.Select Deuteronomy 8:6

7Господь бо Бог твой введет тя в землю благую и многу, идеже водотечи водныя и источники бездны исходящыя по полям и горам,Select Deuteronomy 8:7

8в землю пшеницы и ячменя, (идеже) виногради, смокви и щипцы, в землю масличия елеа и меда:Select Deuteronomy 8:8

9в землю на нейже не с нищетою снеси хлеб твой, и ничесого востребуеши на ней: в землю в нейже камение железно, и от гор ея ископаеши медь:Select Deuteronomy 8:9

10и ясти будеши, и насытишися, и благословиши Господа Бога твоего на земли блазей, юже даде тебе.Select Deuteronomy 8:10

11Вонми себе, не забуди Господа Бога твоего, еже не сохранити заповеди Его и судбы и оправдания Его, елика аз заповедаю тебе днесь:Select Deuteronomy 8:11

12да не когда ядый и насытився, и домы добры соградив и вселився в ня,Select Deuteronomy 8:12

13и волом твоим и овцам твоим умножившымся тебе, сребру и злату умножившымся тебе, и всем, елика тебе будут, умножившымся тебе,Select Deuteronomy 8:13

14вознесешися сердцем твоим, и забудеши Господа Бога твоего, изведшаго тя из земли Египетския, из дому работы:Select Deuteronomy 8:14

15проведшаго тя сквозе пустыню великую и страшную ону, в нейже змии угрызающыя, и скорпии, и жажда, в нейже не бяше воды: изведшаго тебе из камене несекома источник водный:Select Deuteronomy 8:15

16питавшаго тя манною в пустыни, еяже не ведел еси ты, ниже ведяху отцы твои, да озлобит тя и да искусит тя, и благо тебе сотворит на последок твой:Select Deuteronomy 8:16

17да не речеши в сердцы твоем: крепость моя и сила руки моея сотвори мне силу великую сию,Select Deuteronomy 8:17

18и помянеши Господа Бога твоего, яко Той даде тебе крепость, еже сотворити силу, и да уставит завет Свой, имже клятся отцем твоим, якоже днесь.Select Deuteronomy 8:18

19И будет аще забвением забудеши Господа Бога твоего, и пойдеши вслед богов иных, и послужиши им, и поклонишися им, засвидетелствую вам днесь небесем и землею, яко пагубою погибнете:Select Deuteronomy 8:19

20якоже и прочии языцы, яже Господь Бог погубляет от лица вашего, тако погибнете, занеже не послушасте гласа Господа Бога вашего.Select Deuteronomy 8:20