4James 4

1Откуду брани и свары в вас? Не отсюду ли, от сластей ваших, воюющих во удех ваших?Select James 4:1

2Желаете, и не имате: убиваете и завидите, и не можете улучити: сваряетеся и борете, и не имате, зане не просите:Select James 4:2

3просите, и не приемлете, зане зле просите, да в сластех ваших иждивете.Select James 4:3

4Прелюбодее и прелюбодейцы, не весте ли, яко любы мира сего вражда Богу есть, иже бо восхощет друг быти миру, враг Божии бывает.Select James 4:4

5Или мните, яко всуе Писание глаголет: к зависти желает дух, иже вселися в ны?Select James 4:5

6Болшую же дает благодать: темже глаголет: Господь гордым противится, смиренным же дает благодать.Select James 4:6

7Повинитеся убо Богу, противитеся же диаволу, и бежит от вас.Select James 4:7

8Приближитеся Богу, и приближится вам: очистите руце, грешницы, исправите сердца ваша, двоедушнии:Select James 4:8

9постраждите и слезите и плачитеся: смех ваш в плачь да обратится, и радость в сетование:Select James 4:9

10смиритеся пред Господем, и вознесет вы.Select James 4:10

11Не оклеветайте друг друга, братие: оклеветаяй бо брата, или осуждаяй брата своего, оклеветает закон и осуждает закон: аще же закон осуждаеши, неси творец закона, но судия.Select James 4:11

12Един есть Законоположник и Судия, могий спасти и погубити: ты же кто еси осуждаяй друга?Select James 4:12

13Слышите ныне, глаголющии: днесь или утре пойдем во он град, и сотворим ту лето едино, и куплю деем и приобретение:Select James 4:13

14иже не весте, что утре случится: кая бо жизнь ваша, пара бо есть, яже вмале является, потом же исчезает.Select James 4:14

15Вместо еже бы глаголати вам: аще Господь восхощет, и живи будем, и сотворим сие или оно:Select James 4:15

16ныне же хвалитеся в гордынех ваших: всяка хвала такова зла есть.Select James 4:16

17Ведущему убо добро творити, и не творящему, грех ему есть.Select James 4:17