5James 5

1Приидите ныне, богатии, плачитеся и рыдайте о лютых скорбех ваших грядущих на вы.Select James 5:1

2Богатство ваше изгни, и ризы вашя молие поядоша.Select James 5:2

3Злато ваше и сребро изоржаве, и ржа их в послушество на вас будет, и снесть плоти вашя аки огнь: егоже снискасте в последния дни.Select James 5:3

4Се, мзда делателей делавших нивы вашя, удержаная от вас, вопиет, и вопиения жавших во ушы Господа Саваофа внидоша.Select James 5:4

5Возвеселистеся на земли, и насладистеся: упитасте сердца ваша аки в день заколения.Select James 5:5

6Осудисте, убисте Праведнаго: не противится вам.Select James 5:6

7Долготерпите убо, братие моя, до пришествия Господня. Се земледелец ждет честнаго плода от земли, долготерпя о нем, дондеже приимет дождь ран и позден:Select James 5:7

8долготерпите убо и вы, утвердите сердца ваша, яко пришествие Господне приближися.Select James 5:8

9Не воздыхайте друг на друга, братие, да не осуждени будете: се, Судия пред дверьми стоит.Select James 5:9

10Образ приимите, братие моя, злострадания и долготерпения пророки, иже глаголаша именем Господним.Select James 5:10

11Се, блажим терпящыя. Терпение Иовле слышасте, и кончину Господню видесте, яко многомилостив есть Господь и щедр.Select James 5:11

12Прежде же всех, братие моя, не кленитеся ни небом, ни землею, ни иною коею клятвою: буди же вам еже ей, ей, и еже ни, ни: да не в лицемерие впадете.Select James 5:12

13Злостраждет ли кто в вас? Да молитву деет: благодушствует ли кто? Да поет.Select James 5:13

14Болит ли кто в вас, да призовет пресвитеры Церковныя, и да молитву сотворят над ним, помазавше его елеем во имя Господне:Select James 5:14

15и молитва веры спасет болящаго, и воздвигнет его Господь: и аще грехи сотворил есть, отпустятся ему.Select James 5:15

16Исповедайте убо друг другу согрешения и молитеся друг за друга, яко да исцелеете: много бо может молитва праведнаго поспешествуема.Select James 5:16

17Илиа человек бе подобострастен нам, и молитвою помолися, да не будет дождь, и не одожди по земли лета три и месяц шесть:Select James 5:17

18и паки помолися, и небо дождь даде, и земля прозябе плод свой.Select James 5:18

19Братие, аще кто в вас заблудит от пути истины, и обратит кто его,Select James 5:19

20да весть, яко обративый грешника от заблуждения пути его спасет душу от смерти и покрыет множество грехов.Select James 5:20