2Ephesians 2

1И вас сущих прегрешеньми мертвых и грехи вашими,Select Ephesians 2:1

2в нихже иногда ходисте по веку мира сего, по князю власти воздушныя, духа, иже ныне действует в сынех противления,Select Ephesians 2:2

3в нихже и мы вси жихом иногда в похотех плоти нашея, творяще волю плоти и помышлений, и бехом естеством чада гнева, якоже и прочии:Select Ephesians 2:3

4Бог же, богат сый в милости, за премногую любовь Свою, еюже возлюби нас,Select Ephesians 2:4

5и сущих нас мертвых прегрешеньми, сооживи Христом: благодатию есте спасени:Select Ephesians 2:5

6и с Ним воскреси, и спосади на небесных во Христе Иисусе,Select Ephesians 2:6

7да явит в вецех грядущих презелное богатство благодати Своея благостынею на нас о Христе Иисусе.Select Ephesians 2:7

8Благодатию бо есте спасени чрез веру: и сие не от вас, Божии дар:Select Ephesians 2:8

9не от дел, да никтоже похвалится.Select Ephesians 2:9

10Того бо есмы творение, создани во Христе Иисусе на дела благая, яже прежде уготова Бог, да в них ходим.Select Ephesians 2:10

11Темже поминайте, яко вы, иже иногда языцы во плоти, глаголемии необрезание от рекомаго обрезания во плоти, рукотвореннаго,Select Ephesians 2:11

12яко бесте во время оно без Христа, отчуждени жития Израилева и чужди от завет обетования, упования не имуще и безбожни в мире:Select Ephesians 2:12

13ныне же о Христе Иисусе вы, бывшии иногда далече, близ бысте Кровию Христовою.Select Ephesians 2:13

14Той бо есть мир наш, сотворивый обоя едино, и средостение ограды разоривый,Select Ephesians 2:14

15вражду Плотию Своею, закон заповедий ученьми упразднив, да оба созиждет Собою во единаго новаго человека, творя мир,Select Ephesians 2:15

16и примирит обоих во единем теле Богови крестом, убив вражду на нем:Select Ephesians 2:16

17и пришед благовести мир вам, дальним и ближним,Select Ephesians 2:17

18зане Тем имамы приведение обои во единем Дусе ко Отцу.Select Ephesians 2:18

19Темже убо ктому несте странни и пришелцы, но сожителе святым и приснии Богу,Select Ephesians 2:19

20наздани бывше на основании Апостол и пророк, сущу краеугольну Самому Иисусу Христу,Select Ephesians 2:20

21о немже всяко создание составляемо растет в церковь святую о Господе:Select Ephesians 2:21

22о немже и вы созидаетеся в жилище Божие Духом.Select Ephesians 2:22