4Ephesians 4

1Молю убо вас аз юзник о Господе, достойно ходити звания, в неже звани бысте,Select Ephesians 4:1

2со всяким смиреномудрием и кротостию, с долготерпением, терпяще друг другу любовию,Select Ephesians 4:2

3тщащеся блюсти единение духа в союзе мира.Select Ephesians 4:3

4Едино тело, един дух, якоже и звани бысте во единем уповании звания вашего:Select Ephesians 4:4

5един Господь, едина вера, едино крещение,Select Ephesians 4:5

6един Бог и Отец всех, Иже над всеми и чрез всех и во всех нас.Select Ephesians 4:6

7Единому же комуждо нас дадеся благодать по мере дарования Христова.Select Ephesians 4:7

8Темже глаголет: возшед на высоту, пленил еси плен, и даде даяния человеком.Select Ephesians 4:8

9А еже, взыде, что есть, точию яко и сниде прежде в долнейшыя страны земли?Select Ephesians 4:9

10Сшедый, Той есть и возшедый превыше всех небес, да исполнит всяческая.Select Ephesians 4:10

11И Той дал есть овы убо Апостолы, овы же пророки, овы же Благовестники, овы же пастыри и учители,Select Ephesians 4:11

12к совершению святых, в дело служения, в созидание Тела Христова,Select Ephesians 4:12

13дондеже достигнем вси в соединение веры и познания Сына Божия, в мужа совершенна, в меру возраста исполнения Христова:Select Ephesians 4:13

14да не бываем ктому младенцы, влающеся и скитающеся всяким ветром учения, во лжи человечестей, в коварстве козней льщения:Select Ephesians 4:14

15истинствующе же в любви, да возрастим в Него всяческая, Иже есть глава Христос,Select Ephesians 4:15

16из Негоже все тело, составляемо и счиневаемо приличне всяцем осязанием подаяния, по действу в мере единыя коеяждо части, возращение тела творит в создание самаго себе любовию.Select Ephesians 4:16

17Сие убо глаголю и послушествую о Господе, ктому не ходити вам, якоже и прочии языцы ходят в суете ума их,Select Ephesians 4:17

18помрачени смыслом, суще отчуждени от жизни Божия, за невежество сущее в них, за окаменение сердец их:Select Ephesians 4:18

19иже в нечаяние вложшеся, предаша себе студодеянию, в делание всякия нечистоты в лихоимании.Select Ephesians 4:19

20Вы же не тако познасте Христа:Select Ephesians 4:20

21аще убо слышасте Его и о Нем научистеся, якоже есть истина о Иисусе:Select Ephesians 4:21

22отложити вам, по первому житию, ветхаго человека, тлеющаго в похотех прелестных,Select Ephesians 4:22

23обновлятися же духом ума вашего,Select Ephesians 4:23

24и облещися в новаго человека, созданнаго по Богу в правде и в преподобии истины.Select Ephesians 4:24

25Темже отложше лжу, глаголите истину кийждо ко искреннему своему. Зане есмы друг другу удове.Select Ephesians 4:25

26Гневайтеся и не согрешайте: солнце да не зайдет в гневе вашем:Select Ephesians 4:26

27ниже дадите места диаволу.Select Ephesians 4:27

28Крадый ктому да не крадет, но паче да труждается, делая своима рукама благое, да имать подаяти требующему.Select Ephesians 4:28

29Всяко слово гнило да не исходит из уст ваших, но точию еже есть благо к созданию веры, да даст благодать слышащым.Select Ephesians 4:29

30И не оскорбляйте Духа Святаго Божия, Имже знаменастеся в день избавления.Select Ephesians 4:30

31Всяка горесть, и гнев, и ярость, и кличь, и хула да возмется от вас, со всякою злобою:Select Ephesians 4:31

32бывайте же друг ко другу блази, милосерди, прощающе друг другу, якоже и Бог во Христе простил есть вам.Select Ephesians 4:32