1Ezekiel 1

1И бысть в тридесятое лето, в четвертый месяц, в пятый день месяца, и аз бых посреде пленения при реце Ховар: и отверзошася небеса, и видех видения Божия.Select Ezekiel 1:1

2В пятый день месяца, сие лето пятое пленения царя Иоакима,Select Ezekiel 1:2

3и бысть слово Господне ко Иезекиилю сыну Вузиеву, священнику, в земли Халдейстей при реце Ховар. И бысть на мне рука Господня,Select Ezekiel 1:3

4и видех, и се, дух воздвизаяйся грядяше от севера, и облак великий в нем, и свет окрест его, и огнь блистаяйся:Select Ezekiel 1:4

5и посреде его яко видение илектра посреде огня, и свет в нем: и посреде яко подобие четырех животных. И сие видение их, яко подобие человека в них:Select Ezekiel 1:5

6и четыри лица единому, и четыри крила единому,Select Ezekiel 1:6

7и голени их правы, и пернаты ноги их, и искры яко блистающаяся медь, и легка крила их,Select Ezekiel 1:7

8и рука человеча под крилами их на четырех странах их:Select Ezekiel 1:8

9и лица их, и крила их четырех держащаяся друг друга, лица же их четырех не обращахуся внегда ходити им: коеждо прямо лица своего хождаху.Select Ezekiel 1:9

10И подобие лиц их, лице человечее и лице львово одесную четырем, и лице телчее ошуюю четырем, и лице орлее четырем:Select Ezekiel 1:10

11(и лица их) и крила их простерта свыше четырем, коемуждо два сопряжена друг ко другу, и два покрываху верху телесе их, и коеждо прямо лицу своему идяше:Select Ezekiel 1:11

12идеже аще бяше дух шествуяй, идяху и не обращахуся.Select Ezekiel 1:12

13И посреде животных видение, яко углия огня горящаго, яко видение свещ сообращающихся посреде животных, и свет огня, и от огня исхождаше яко молния:Select Ezekiel 1:13

14и животная течаху и обращахуся, яко видение везеково.Select Ezekiel 1:14

15И видех, и се, коло едино на земли держащееся животных четырех:Select Ezekiel 1:15

16и видение колес и сотворение их, яко видение Фарсиса, и подобие едино четырем: и дело их бяше, якоже аще бы было коло в колеси:Select Ezekiel 1:16

17на четыри страны их шествоваху: не обращахуся, внегда шествовати им,Select Ezekiel 1:17

18ниже хребты их, и высота бяше им. И видех та, и плеща их исполнена очес окрест четырем:Select Ezekiel 1:18

19и внегда шествовати животным, шествоваху и колеса держащеся их: и внегда воздвизатися животным от земли, воздвизахуся и колеса.Select Ezekiel 1:19

20Идеже аще бяше облак, тамо бяше и дух, еже шествовати: шествоваху и животная, и колеса воздвизахуся с ними, зане дух жизни бяше в колесех.Select Ezekiel 1:20

21Внегда идяху сия, идяху (и колеса), и внегда стояти им, стояху (и колеса с ними), и егда воздвизахуся от земли, воздвизахуся с ними (и колеса), яко дух жизни бяше в колесех.Select Ezekiel 1:21

22И подобие над главою животных яко твердь, яко видение кристалла, простертое над крилами их свыше:Select Ezekiel 1:22

23и под твердию крила их простерта, паряще друг ко другу, комуждо два спряжена, прикрывающе телеса их.Select Ezekiel 1:23

24И слышах глас крил их, внегда паряху, яко глас вод многих, яко глас Бога Саддаи: и внегда ходити им, глас слова яко глас полка: и внегда стояти им, почиваху крила их.Select Ezekiel 1:24

25И се, глас превыше тверди сущия над главою их: внегда стояти им, низпускахуся крила их.Select Ezekiel 1:25

26И над твердию, яже над главою их, яко видение камене сапфира, подобие престола на нем, и на подобии престола подобие якоже вид человечь сверху.Select Ezekiel 1:26

27И видех яко видение илектра, яко видение огня внутрь его окрест: от видения чресл и выше и от видения чресл даже до долу видех видение огня, и свет его окрест:Select Ezekiel 1:27

28яко видение дуги, егда есть на облацех в день дождя, тако стояние света окрест.Select Ezekiel 1:28