11Ezekiel 11

1И воздвиже мя дух и возведе мя ко вратом дому Господня, яже прямо зрят на восток: и се, пред преддверием врат яко двадесять и пять мужей: и видех среде их Иехонию сына Иазерова и Фалтию Ванеова, старейшины людския.Select Ezekiel 11:1

2И рече Господь ко мне: сыне человечь, сии мужие помышляющии суетная и совет творящии лукав во граде сем,Select Ezekiel 11:2

3глаголющии: не в нове ли соградишася домове? Сей есть коноб, мы же мяса.Select Ezekiel 11:3

4Сего ради прорцы на ня, прорцы, сыне человечь.Select Ezekiel 11:4

5И нападе на мя Дух Господень и рече ко мне: глаголи, сия глаголет Господь: тако рекосте, доме Израилев, и умышления духа вашего Аз вем:Select Ezekiel 11:5

6умножисте мертвецы вашя во граде сем и наполнисте пути его язвенных.Select Ezekiel 11:6

7Того ради тако глаголет Адонаи Господь: мертвецы ваши, яже избисте среде его, тии суть мяса, а сей коноб есть, и вас изведу от среды его.Select Ezekiel 11:7

8Меча боитеся, и мечь наведу на вас, глаголет Адонаи Господь:Select Ezekiel 11:8

9и изведу вас от среды его и предам вас в руце чуждих и сотворю в вас суд:Select Ezekiel 11:9

10мечем падете, на горах Израилевых сужду вам, и увесте, яко Аз Господь:Select Ezekiel 11:10

11той не будет вам в коноб, и вы не будете посреде его в мяса: на горах Израилевых сужду вам,Select Ezekiel 11:11

12и увесте, яко Аз Господь, яко по заповедем Моим не ходисте и судов Моих не сотвористе, но по обычаем языков сущих окрест вас сотвористе.Select Ezekiel 11:12

13И бысть внегда прорицати ми, и Фалтиа сын Ванеов умре: и падох ниц и возопих гласом великим, глаголя: горе мне, люте мне, Адонаю Господи! На скончание ли твориши Ты останки Израилевы?Select Ezekiel 11:13

14И бысть слово Господне ко мне глаголя:Select Ezekiel 11:14

15сыне человечь, братия твоя и мужие плена твоего и весь дом Израилев скончася, имже рекоша живущии во Иерусалиме: далече удалитеся от Господа, нам дана есть земля в наследие.Select Ezekiel 11:15

16Сего ради рекох: сия глаголет Адонаи Господь: яко отрину я во языки и разсею я по всей земли, и буду им во освящение мало во странах, аможе внидут тамо.Select Ezekiel 11:16

17Сего ради рцы: сия глаголет Адонаи Господь: и прииму я от язык и соберу я от стран, идеже разсеях я в них, и дам им землю Израилеву:Select Ezekiel 11:17

18и внидут тамо и отвергут вся мерзости ея и вся беззакония ея от нея:Select Ezekiel 11:18

19и дам им сердце ино и дух нов дам им, и исторгну каменное сердце от плоти их и дам им сердце плотяно,Select Ezekiel 11:19

20яко да в заповедех Моих ходят и оправдания Моя сохранят и сотворят я: и будут Ми в люди, и Аз им буду в Бога.Select Ezekiel 11:20

21А ихже сердце по гнусностем их и по беззаконием их ходит, пути тех на главы их положу, глаголет Адонаи Господь.Select Ezekiel 11:21

22И воздвигоша Херувими крила своя, и колеса держащаяся их: слава же Бога Израилева бе на них свыше их.Select Ezekiel 11:22

23И взыде слава Господня от среды града и ста на горе, яже бяше прямо града на восток.Select Ezekiel 11:23

24И дух взя мя и принесе мя на землю Халдейску в пленники, в видении, Духом Божиим.Select Ezekiel 11:24

25И взыдох от видения, еже видех, и глаголах ко пленником вся словеса Господня, яже показа мне.Select Ezekiel 11:25