20Ezekiel 20

1И бысть в лето седмое, в пятый месяц, в десятый день месяца, приидоша мужие от старейшин дому Израилева вопросити Господа и седоша пред лицем моим.Select Ezekiel 20:1

2И бысть слово Господне ко мне глаголя:Select Ezekiel 20:2

3сыне человечь, глаголи ко старейшинам дому Израилева и речеши к ним: тако глаголет Адонаи Господь: еда вопросити Мене вы приходите? Живу Аз, аще отвещаю вам, глаголет Адонаи Господь.Select Ezekiel 20:3

4Аще отмщением отмщу им: сыне человечь, беззакония отец их засвидетелствуй им,Select Ezekiel 20:4

5и речеши к ним: сия глаголет Адонаи Господь: от негоже дне избрах дом Израилев, и уведен бых племени дому Иаковля и познан бых им во земли Египетстей, и приях я рукою Моею глаголя: Аз Господь Бог ваш:Select Ezekiel 20:5

6в той день подях я рукою Моею, еже извести я из земли Египетския в землю, юже уготовах им, землю кипящую млеком и медом, сот есть паче всех земель,Select Ezekiel 20:6

7и рекох к ним: кийждо мерзости от очес своих отвержите и во творениих Египетских не оскверняйтеся, Аз Господь Бог ваш.Select Ezekiel 20:7

8И отвергошася Мене и не хотеша послушати Мя: кийждо мерзостей от очес своих не отвергоша и творений Египетских не оставиша. И рекох, еже излияти ярость Мою на ня и скончати гнев Мой на них среде земли Египетския.Select Ezekiel 20:8

9И сотворих, яко да имя Мое весьма не осквернится пред языки, в нихже суть тии среде их, в нихже познан бых им пред лицем их, еже извести я из земли Египетския.Select Ezekiel 20:9

10И изведох я из земли Египетския и введох я в пустыню,Select Ezekiel 20:10

11и дах им заповеди Моя, и оправдания Моя явих им, яже аще сотворит человек, жив будет в них:Select Ezekiel 20:11

12и субботы Моя дах им, еже быти в знамение между Мною и между ими, еже разумети им, яко Аз Господь освящаяй их.Select Ezekiel 20:12

13И глаголах ко дому Израилеву в пустыни: в заповедех Моих ходите и оправдания Моя сохраните, еже творити я, яже сотворит человек и жив будет в них. И разгнева Мя дом Израилев в пустыни: в заповедех бо Моих не ходиша и оправдания Моя отвергоша, яже сотворит человек и жив будет в них: и субботы Моя оскверниша зело. И рекох, еже излияти ярость Мою на ня в пустыни, еже потребити их.Select Ezekiel 20:13

14И сотворих, яко да весьма имя Мое не осквернится пред языки, из нихже изведох я пред очима их.Select Ezekiel 20:14

15И Аз воздвигох руку Мою на ня в пустыни весьма, еже не ввести их в землю, юже дах им, в землю текущую млеком и медом, сот есть паче всея земли:Select Ezekiel 20:15

16понеже судбы Моя отвергоша и в заповедех Моих не ходиша, и субботы Моя оскверниша и вслед помышлений сердца своего хождаху.Select Ezekiel 20:16

17И пощаде я око Мое, еже потребити их, и не сотворих им скончания в пустыни.Select Ezekiel 20:17

18И рекох ко чадом их в пустыни: в законех отец ваших не ходите и оправданий их не храните, и ко творением Египетским не примешайтеся и не оскверняйтеся:Select Ezekiel 20:18

19Аз Господь Бог ваш: в заповедех Моих ходите, и оправдания Моя снабдите и творите я,Select Ezekiel 20:19

20и субботы Моя освящайте и будет в знамение между Мною и между вами, еже ведети вам, яко Аз Господь Бог ваш.Select Ezekiel 20:20

21И разгневаша Мя, и чада их в заповедех Моих не ходиша и оправданий Моих не снабдеша, еже творити я: сия бо сотворив человек жив будет в них: и субботы Моя оскверниша зело. И рекох: излию ярость Мою на ня, еже скончати гнев Мой на них в пустыни.Select Ezekiel 20:21

22И сотворих, яко да имя Мое весьма не осквернавится пред языки, от нихже изведох я пред очима их.Select Ezekiel 20:22

23И Аз воздвигох руку Мою на ня в пустыни, еже расточити я во языцех и разсеяти я во странах,Select Ezekiel 20:23

24понеже оправданий Моих не сотвориша и заповеди Моя отринуша и субботы Моя оскверниша, и вслед кумиров отец их быша очеса их.Select Ezekiel 20:24

25И дах им заповеди не добры и оправдания, в нихже не будут живи:Select Ezekiel 20:25

26и оскверню я в даяниих их, внегда проводити (им) всякое разверзающее ложесна, да погублю их, да уразумеют, яко Аз Господь.Select Ezekiel 20:26

27Сего ради глаголи к дому Израилеву, сыне человечь, и речеши к ним: сия глаголет Адонаи Господь: даже до сего разгневаша Мя отцы ваши во гресех своих, имиже согрешиша ко Мне:Select Ezekiel 20:27

28и введох я в землю, в нюже воздвигох руку Мою, еже дати ю им: и видеша всяк холм высок и всяко древо присенное, и пожроша тамо богом своим и учиниша тамо ярость даров своих, и положиша тамо воню благовония своего и возлияша тамо возлияния своя.Select Ezekiel 20:28

29И рекох к ним: что суть Аввама, яко вы входите тамо? И прозваша имя ему Аввама даже до днешняго дне.Select Ezekiel 20:29

30Сего ради рцы к дому Израилеву: сия глаголет Адонаи Господь: аще во беззакониих отец ваших вы оскверняетеся и вслед мерзостей их вы соблуждаете,Select Ezekiel 20:30

31и в приношении даров ваших и в нароцех ваших, егда проходят чада ваша сквозе огнь: вы оскверняетеся во всех кумирех ваших даже до днешняго дне, и Аз отвещаю ли вам, доме Израилев? Живу Аз, глаголет Адонаи Господь, аще отвещаю вам и аще взыдет на дух ваш сие.Select Ezekiel 20:31

32И не будет, якоже вы глаголете: будем, якоже языцы и якоже племена земная, служити древу и камению.Select Ezekiel 20:32

33Сего ради живу Аз, глаголет Адонаи Господь, аще не рукою крепкою и мышцею высокою и в ярости излиянней царствовати буду над вами:Select Ezekiel 20:33

34и изведу вы от людий и прииму вы от стран, в нихже бесте разсеяни, рукою крепкою и мышцею высокою и яростию излиянною,Select Ezekiel 20:34

35и приведу вас в пустыню людскую и разсуждуся с вами тамо лицем к лицу:Select Ezekiel 20:35

36якоже судихся со отцы вашими в пустыни земли Египетския, тако сужду и вам, глаголет Адонаи Господь:Select Ezekiel 20:36

37и проведу вы под жезлом моим и введу вы в числе завета,Select Ezekiel 20:37

38и изберу от вас нечестивыя и отвергшыяся: из земли бо обитания их изведу я, и в землю Израилеву не внидут, и познаете, яко Аз Господь Бог.Select Ezekiel 20:38

39Вы же, доме Израилев, сице глаголет Адонаи Господь: кийждо кумиры своя отимите, и потом аще послушаете Мене, и имене Моего святаго не осквернавите ксему в дарех ваших и рукотворениих ваших:Select Ezekiel 20:39

40понеже на горе Моей святей, на горе высоце Израилеве, глаголет Адонаи Господь, тамо послужат Ми весь дом Израилев до конца на земли, и тамо прииму я и тамо присещу на приношения ваша и начатки обетов ваших во всех освященных ваших.Select Ezekiel 20:40

41В воню благовония прииму вы, егда изведу вы из людий и прииму вы от стран, в няже расточени бысте, и освящуся в вас пред очима людскима:Select Ezekiel 20:41

42и увесте, яко Аз Господь, егда введу вы в землю Израилеву, в землю, на нюже воздвигох руку Мою дати ю отцем вашым:Select Ezekiel 20:42

43и помянете тамо пути вашя и вся мерзкия грехи вашя, в нихже осквернистеся, и посрамите лица ваша во всех злобах ваших, яже сотвористе:Select Ezekiel 20:43

44и познаете, яко Аз Господь, егда сотворю вам тако, яко да имя Мое не осквернится по путем вашым злым и по рукотворением вашым растленным, доме Израилев, глаголет Адонаи Господь.Select Ezekiel 20:44

45И бысть слово Господне ко мне глаголя:Select Ezekiel 20:45

46сыне человечь, утверди лице твое на юг и воззри на дарома, и прорцы на дубраву старейшину нагеваSelect Ezekiel 20:46

47и речеши дубраве нагевове: слыши слово Господне, сия глаголет Адонаи Господь: се, Аз возгнещу в тебе огнь, и пожжет в тебе всяко древо зеленое и всяко древо сухое, не угаснет пламень разжженый, и изгорит в нем всяко лице от полудне до севера,Select Ezekiel 20:47

48и увесть всяка плоть, яко Аз Господь разжегох его, и не угаснет.Select Ezekiel 20:48

49И рекох: никакоже, Господи, Господи! Сии глаголют ко мне: не притча ли есть сия глаголема?Select Ezekiel 20:49