26Ezekiel 26

1И бысть во единонадесятое лето, в первый день месяца, бысть слово Господне ко мне глаголя:Select Ezekiel 26:1

2сыне человечь, понеже рече Сор на Иерусалима: благоже, сокрушися, погибоша языцы, обратися ко мне, иже бе исполненый, опусте:Select Ezekiel 26:2

3того ради сия глаголет Адонаи Господь: се, Аз на тя, Сор, и приведу на тя языки многи, якоже восходит море волнами своими.Select Ezekiel 26:3

4И обвалят стены Сора и разорят столпы твоя, и развею прах его из него и дам его во гладок камень.Select Ezekiel 26:4

5Сушение мрежей будет среде моря, яко Аз глаголах, глаголет Адонаи Господь: и будет на пленение языком,Select Ezekiel 26:5

6и дщери его, яже на поли, мечем убиены будут, и уведят, яко Аз Господь.Select Ezekiel 26:6

7Яко сия глаголет Адонаи Господь: се, Аз наведу на тя, Сор, Навуходоносора царя Вавилонска от севера, царь царем есть, с коньми и колесницами и с конниками и собранием многих языков зело:Select Ezekiel 26:7

8сей дщери твоя на поли мечем избиет, и приставит на тя стражбу и оградит тя, и окопает тя ровом и сотворит окрест тебе острог, и обставит оружием и копия своя прямо тебе поставит,Select Ezekiel 26:8

9стены твоя и пирги твоя разорит оружием своим:Select Ezekiel 26:9

10от множества коней его покрыет тя прах их, и от ржания коней его и от колес колесниц его потрясутся стены твоя, входящу ему во врата твоя, аки входящу во град с поля:Select Ezekiel 26:10

11копытами коней своих поперут вся стогны твоя: люди твоя мечем изсечет, и состав крепости твоея на земли повержет,Select Ezekiel 26:11

12и пленит силу твою, и возмет имения твоя, и разсыплет стены твоя, и домы твоя вожделенныя разорит, и древа твоя и камение твое и персть твою среде моря ввержет,Select Ezekiel 26:12

13и упразднит множество мусикий твоих, и глас певниц твоих не услышится в тебе ктому.Select Ezekiel 26:13

14И дам тя во камень гладок, сушение мрежное будеши, не соградишися ктому, яко Аз глаголах, глаголет Адонаи Господь.Select Ezekiel 26:14

15Яко сия глаголет Адонаи Господь Сору: не от гласа ли падения твоего, егда возстенут язвении твои, егда извлечется мечь посреде тебе, потрясутся острови?Select Ezekiel 26:15

16И снидут со престол своих вси князи язык морских, и свергут венцы со глав своих, и ризы своя испещренныя совлекут с себе, ужасом ужаснутся: на земли сядут, и убоятся погибели своея, и возстенут о тебе,Select Ezekiel 26:16

17и приимут о тебе плачь, глаголюще: како погибл и разсыпался еси от моря, граде хвалимый, иже был еси крепок на мори, ты и живущии в тебе, иже даял еси страх твой всем живущым в тебе?Select Ezekiel 26:17

18И убоятся (вси) острови от дне падения твоего, и смятутся острови в мори от исхода твоего.Select Ezekiel 26:18

19Яко сия глаголет Адонаи Господь: егда дам тя град опустевшь, якоже грады ненаселены никогдаже, внегда возведу на тя бездну, и покрыет тя вода многа:Select Ezekiel 26:19

20и сведу тя к низходящым в пропасть к людем века, и вселю тя во глубинах земных, яко пустыню вечную с низходящими в пропасть, яко да не населишися, ниже востанеши на земли живота:Select Ezekiel 26:20

21на пагубу тя отдам, и не будеши ктому, и взыщешися и не обрящешися во век, глаголет Адонаи Господь.Select Ezekiel 26:21