3Ezekiel 3

1И рече ко мне: сыне человечь, снеждь свиток сей, и иди и рцы сыном Израилевым.Select Ezekiel 3:1

2И отверзох уста моя, и напита мя свитком симSelect Ezekiel 3:2

3и рече ко мне: сыне человечь, уста твоя снедят, и чрево твое насытится свитка сего даннаго тебе. И снедох его, и бысть во устех моих яко мед сладок.Select Ezekiel 3:3

4И рече ко мне: сыне человечь иди и вниди в дом Израилев, и глаголи словеса Моя к ним:Select Ezekiel 3:4

5яко не к людем глубокоречивым и косноязычным посылаемь еси, к дому Израилеву,Select Ezekiel 3:5

6ниже к людем многим иноязычным, иноречивым, ни тяжким языком сущым, ихже не разумел бы еси словес: аще же и к тацем послал бых тя, то и тии послушали быша тебе:Select Ezekiel 3:6

7а дом Израилев не восхощет послушати тебе, понеже не хотят слушати Мене, яко весь дом Израилев непокориви суть и жестокосерди:Select Ezekiel 3:7

8и се, дах лице твое сильно противу лица их, и прю твою укреплю противу при их:Select Ezekiel 3:8

9и будет, всегда крепчае камене дах прю твою: не убойся их, ни ужасайся лица их, зане дом разгневаяй есть.Select Ezekiel 3:9

10И рече ко мне: сыне человечь, вся словеса, яже глаголах с тобою, возми в сердце твое и ушима твоима послушай:Select Ezekiel 3:10

11и шед вниди в плен к сыном людий твоих, и речеши к ним и возглаголеши к ним: тако глаголет Адонаи Господь: аще убо послушают и аще убо повинутся.Select Ezekiel 3:11

12И взя мя дух, и слышах глас за собою труса велика, глаголющих: благословена слава Господня от места Его.Select Ezekiel 3:12

13И видех глас крил животных скриляющихся друг ко другу, и глас колес держащься их, и глас труса велика.Select Ezekiel 3:13

14И дух воздвиже мя и взя мя, и поидох вознесен во устремлении духа моего, и рука Господня бысть на мне крепкая.Select Ezekiel 3:14

15И внидох в пленники вознесен, и обыдох живущыя на реце Ховар, и седох ту седмь дний, ходя посреде их.Select Ezekiel 3:15

16И бысть по седмих днех слово Господне ко мне глаголя:Select Ezekiel 3:16

17сыне человечь стража дах тя дому Израилеву, да слышиши слово от уст Моих и воспретиши им от Мене.Select Ezekiel 3:17

18Внегда глаголати Ми беззаконнику: смертию умреши: и не возвестиши ему, ни соглаголеши, еже остатися беззаконнику и обратитися от пути своего, еже живу быти ему: беззаконник той в беззаконии своем умрет, крове же его от руки твоея взыщу.Select Ezekiel 3:18

19И ты аще возвестиши беззаконнику, и не обратится от беззакония своего и от пути своего (беззаконна): той беззаконник во беззаконии своем умрет, а ты душу твою избавиши.Select Ezekiel 3:19

20И егда совратится праведник от правд своих и сотворит согрешение: и дам муку пред ним, той умрет, яко ты не воспретил еси ему, и во гресех своих умрет, зане не помянутся правды его, яже сотвори: крове же его от руки твоея взыщу.Select Ezekiel 3:20

21Ты же аще возвестиши праведному, еже не согрешити, и той не согрешит: праведный жизнию поживет, яко воспретил еси ему, и ты твою душу избавиши.Select Ezekiel 3:21

22И бысть на мне рука Господня, и рече ко мне: востани и изыди на поле, и тамо возглаголется к тебе.Select Ezekiel 3:22

23И востах и изыдох на поле: и се, тамо слава Господня стояше, якоже видение и якоже слава Господня, юже видех на реце Ховар, и падох на лицы моем.Select Ezekiel 3:23

24И прииде на мя дух и постави мя на ногу моею: и глагола ко мне и рече ми: вниди и затворися среде дому твоего.Select Ezekiel 3:24

25И ты, сыне человечь, се, дашася на тя узы, и свяжут тя ими, и не изыдеши от среды их:Select Ezekiel 3:25

26и язык твой привяжу к гортани твоему, и онемееши и не будеши им в мужа обличения, понеже дом разгневаяй есть:Select Ezekiel 3:26

27и внегда глаголати Ми к тебе, отверзу уста твоя, и речеши к ним: сия глаголет Адонаи Господь: слышай да слышит, и не покаряяйся да не покаряется, зане дом преогорчеваяй есть.Select Ezekiel 3:27