31Ezekiel 31

1И бысть во единонадесятое лето, в третий месяц, во един день месяца, бысть слово Господне ко мне глаголя:Select Ezekiel 31:1

2сыне человечь, рцы фараону царю Египетску и множеству его: кому уподобил еси себе в высоте твоей?Select Ezekiel 31:2

3Се, Ассур кипарис в Ливане, добр отрасльми и высок величеством и част покровом, и среде облак бысть власть его:Select Ezekiel 31:3

4вода воспита его, бездна вознесе его, реки своя приведе окрест садов своих, и составы своя испусти во вся древеса полевая.Select Ezekiel 31:4

5Сего ради вознесеся величество его паче всех древес польных, разширишася ветвие его, и вознесошася отрасли его от воды многи, егда протяжеся.Select Ezekiel 31:5

6Во отраслех его возгнездишася вся птицы небесныя, и под ветвьми его раждахуся вси зверие польнии, под сению его вселися все множество языков.Select Ezekiel 31:6

7И бысть добр в высоте своей множества ради ветвий своих, яко беша корение его в воде мнозе.Select Ezekiel 31:7

8И кипариси не таковы в раи Божии, и сосны неподобны отраслем его, и елие не бысть подобно ветвиям его: всякое древо, еже в раи Божии, не бысть подобно ему в доброте его, множества ради ветвий его.Select Ezekiel 31:8

9Добра сотворих его во множестве ветвий его, и возревноваша ему древеса райская Сладости Божия.Select Ezekiel 31:9

10Того ради сия глаголет Адонаи Господь: понеже был еси велик величеством и дал еси власть свою во средину облак, и вознесеся сердце его в высоте его, и видех, егда вознесеся:Select Ezekiel 31:10

11и предах его в руце князя языческа, и сотвори пагубу его, по нечестию его.Select Ezekiel 31:11

12И изгнах его Аз, и потребиша его чуждии губителие от язык, и повергоша его на горах: и во всех дебрех падоша ветви его, и сотрошася отрасли его на всяцем поли земнем, и снидоша от покрова его вси людие языков и разориша его.Select Ezekiel 31:12

13Во падении его почиша вся птицы небесныя, и на стеблиех его быша вси зверие селнии,Select Ezekiel 31:13

14яко да не возносятся величеством своим вся древеса, яже в воде, и не дадят власти своея среде облак, и не станут в высоте их к нему вси пиющии воду, вси отдани быша во смерть во глубину земли, среде сынов человеческих к низходящым в пропасть.Select Ezekiel 31:14

15Сия глаголет Адонаи Господь: в оньже день сведеся во ад, плакася о нем бездна: и удержах реки ея и возбраних множеству вод, и померче о нем Ливан, и вся древеса полевая о нем разслабишася:Select Ezekiel 31:15

16от гласа падения его потрясошася языцы, егда свождах его во ад со снизходящими в ров, и утешаху его в земли долнейшей вся древеса Сладости, и избранная и добрая Ливанова, вся пиющая воду:Select Ezekiel 31:16

17и та бо сведошася с ним во ад со язвеными от меча, и семя его, и живущии под покровом его среде жизни своея погибоша.Select Ezekiel 31:17

18Кому уподобился еси силою и славою и величеством во древесех Сладости? Слези и сниди со древесами Сладости во глубину земную: среде необрезаных успнеши со язвеными мечем: тако фараон и все множество крепости его, глаголет Адонаи Господь.Select Ezekiel 31:18