34Ezekiel 34

1И бысть слово Господне ко мне глаголя:Select Ezekiel 34:1

2сыне человечь, прорцы на пастыри Израилевы, прорцы и рцы пастырем: сия глаголет Адонаи Господь:Select Ezekiel 34:2

3оле, пастырие Израилевы! Еда пасут пастырие самих себе? Не овец ли пасут пастырие? Се, млеко ядите и волною одеваетеся и тучное закалаете, а овец Моих не пасете:Select Ezekiel 34:3

4изнемогшаго не подясте и болящаго не уврачевасте, и сокрушеннаго не обязасте и заблуждающаго не обратисте, и погибшаго не взыскасте и крепкое оскорбисте трудом и властию наказасте я и наруганием.Select Ezekiel 34:4

5И разсыпашася овцы Моя, понеже не имеяху пастырей, и быша на изядение всем зверем селным.Select Ezekiel 34:5

6И расточишася овцы Моя по всем горам и (заблудиша) по всем холмом высоким, и на лицы всея земли разсыпашася овцы Моя, и не бе взыскающаго, ни обращающаго.Select Ezekiel 34:6

7Того ради, о, пастырие, слышите слово Господне:Select Ezekiel 34:7

8живу Аз, глаголет Адонаи Господь, понеже учинена суть стада Моя в расхищение, и овцы Моя быша во снедение всем зверем селным, занеже несть пастырей, и не поискаша пастырие овец Моих, но пасоша пастырие самих себе, а овец Моих не пасоша:Select Ezekiel 34:8

9сего ради, пастырие, слышите слово Господне,Select Ezekiel 34:9

10сия глаголет Адонаи Господь: се, Аз на пастыри, и взыщу овец Моих от рук их, и отставлю я от паствы овец Моих, и не будут пасти их пастырие: ниже самих себе имут пасти, и отиму овцы Моя из уст их, и ктому не будут им на изядение.Select Ezekiel 34:10

11Сего ради сия глаголет Адонаи Господь: се, Аз взыщу овец Моих и присещу их:Select Ezekiel 34:11

12якоже присещает пастух паству свою в день, егда есть облачен и мглян, среде овец своих разлученых, тако взыщу овец Моих и избавлю я от всякаго места, аможе суть разсыпаны в день облачен и примрачен.Select Ezekiel 34:12

13И изведу я от язык и соберу и от стран, и введу я в землю их и упасу я на горах Израилевых и в дебрех и во всем селении земли,Select Ezekiel 34:13

14на пажити блазе упасу я, на горе высоце Израилеве: и будут ограды их тамо, и успнут и почиют тамо в пищи блазе, и на пажити тучне упасутся на горах Израилевых.Select Ezekiel 34:14

15Аз упасу овцы Моя и Аз упокою я, и уразумеют, яко Аз есмь Господь.Select Ezekiel 34:15

16Сия глаголет Адонаи Господь: погибшее взыщу и заблудившее обращу, и сокрушенное обяжу и немощное укреплю, и крепкое снабдю и упасу я с судом.Select Ezekiel 34:16

17И вы, овцы Моя, сия глаголет Адонаи Господь: се, Аз разсужду между овцею и овцею, и овном и козлом.Select Ezekiel 34:17

18Не доволно ли вам, яко на блазей пажити пасостеся, и останок пажити вашея ногами вашими попирасте, и устоявшуюся воду пивасте, и останок ногами вашими возмущасте,Select Ezekiel 34:18

19и овцы Моя попранием ног ваших живяху, и возмущенную воду ногами вашими пияху?Select Ezekiel 34:19

20Того ради сия глаголет Адонаи Господь: се, Аз разсужду между овчатем сильным и между овчатем немощным.Select Ezekiel 34:20

21Ребрами и плещами вашими реясте и рогами вашими бодосте, и всякое немощное пхасте, дондеже изгнасте я вон:Select Ezekiel 34:21

22и спасу овцы Моя, и ктому не будут на разграбление, и разсужду между овчатем и овчатем, и между овном и овном:Select Ezekiel 34:22

23и возставлю им пастыря единаго, и упасет я, раба Моего Давида, той упасет я, (и той упокоит я,) и будет им пастырь,Select Ezekiel 34:23

24Аз же Господь буду им в Бога, и раб Мой Давид князь среде их: Аз Господь глаголах.Select Ezekiel 34:24

25И завещаю Давидови завет мирный, и потреблю звери злы от земли, и вселятся в пустыни, уповающе успнут в дубравах.Select Ezekiel 34:25

26И дам им окрест горы Моея благословение, и испущу дождь вам во время свое, дождь благословения.Select Ezekiel 34:26

27И древеса на поли дадят плод свой, и земля даст силу свою, и вселятся на земли своей с надеждею мира, и уведят, яко Аз есмь Господь, егда сокрушу узы ига их: и избавлю я из руки поработивших я,Select Ezekiel 34:27

28и не будут ктому во пленение языком, и зверие земнии не поядят их ктому: и вселятся с надеждею, и не будет устрашаяй их.Select Ezekiel 34:28

29И возставлю им сад мирен, и не будут ктому малы числом на земли, и не будут погублени гладом на земли, и не приимут ктому укорения от язык:Select Ezekiel 34:29

30и уведят, яко Аз есмь Господь Бог их с ними, а тии людие Мои дом Израилев, глаголет Адонаи Господь:Select Ezekiel 34:30

31вы же овцы Моя и овцы паствы Моея есте, и Аз Господь Бог ваш, глаголет Адонаи Господь.Select Ezekiel 34:31