36Ezekiel 36

1И ты, сыне человечь, прорцы на горы Израилевы и рцы:Select Ezekiel 36:1

2горы Израилевы, слышите слово Господне, сия глаголет Адонаи Господь: понеже рече враг на вы: благоже, пустыня вечная во одержание нам бысть:Select Ezekiel 36:2

3того ради прорцы и рцы: тако глаголет Адонаи Господь: зане быти вам погубленым и безчестным и возненавиденым от язык окрестных вам, еже быти вам во одержание прочым языком, и взыдосте и бысте в поношение устен и во укоризну странам:Select Ezekiel 36:3

4сего ради, горы Израилевы, слышите слово Господне, сия глаголет Адонаи Господь горам и холмом, и потоком и дебрем, и полянам и опустошеным, и разореным и градом оставленым, иже быша в пленение и в попрание оставшым языком окрестным.Select Ezekiel 36:4

5Того ради сия глаголет Адонаи Господь: аще не во огни рвения Моего глаголах на прочыя языки и на Идумею всю, яко даша землю Мою себе во одержание со веселием (от всего сердца), обезчестивше душы, еже потребити повоеванием:Select Ezekiel 36:5

6того ради прорцы на землю Израилеву и рцы горам и холмом, и полянам и дебрем: сия глаголет Адонаи Господь: се, Аз во рвении Моем и в ярости Моей глаголах, за укоризну, юже приясте от язык.Select Ezekiel 36:6

7Того ради сия глаголет Адонаи Господь: се, Аз воздвигну руку Мою на языки, иже окрест вас, тии безчестие свое приимут.Select Ezekiel 36:7

8Ваше же гроздие и плод ваш, горы Израилевы, поядят людие Мои, яко надеются приити.Select Ezekiel 36:8

9Яко се, Аз к вам, и призрю на вы, и возделаете и насеете:Select Ezekiel 36:9

10и умножу в вас человеки, весь дом Израилев до конца, и населятся гради, и пустыни оградятся:Select Ezekiel 36:10

11и умножу вас людьми и скотом, и умножатся и возрастут, и вселю вас якоже прежде, и благо сотворю вам якоже бывшым прежде вас, и уразумеете, яко Аз есмь Господь:Select Ezekiel 36:11

12и нарожду в вас человеки люди Моя Израиля, и наследят вас, и будете им во одержание, и не приложите ктому безчадни быти от них.Select Ezekiel 36:12

13Сия глаголет Адонаи Господь: понеже глаголаша тебе: земля поядающая человеки ты еси, и безчадная от языка твоего была еси:Select Ezekiel 36:13

14того ради человеков ктому не пояси и языка твоего не обезчадиши ктому, глаголет Адонаи Господь.Select Ezekiel 36:14

15И не услышится в вас ктому безчестие языков, и укоризны людий не приимете ктому, и язык твой не будет без чад ктому, глаголет Адонаи Господь.Select Ezekiel 36:15

16И бысть слово Господне ко мне глаголя:Select Ezekiel 36:16

17сыне человечь, дом Израилев вселися на земли своей, и оскверниша ю путем своим и кумирми своими и нечистотами своими, и по нечистоте месячная имущия бысть путь их пред лицем Моим:Select Ezekiel 36:17

18и излиях ярость Мою на ня, крови ради, юже пролияша на землю, и кумирми своими оскверниша ю,Select Ezekiel 36:18

19и разсыпах я во языки и развеях я во страны: по пути их и по начинанию их судих им.Select Ezekiel 36:19

20И внидоша во языки, в няже внидоша тамо, и оскверниша имя Мое святое, внегда глаголатися им: людие Господни сии и от земли своея изыдоша.Select Ezekiel 36:20

21И пощадих я имене ради Моего святаго еже оскверниша дом Израилев во языцех, аможе внидоша.Select Ezekiel 36:21

22Того ради рцы дому Израилеву: сия глаголет Адонаи Господь: не вам Аз творю, доме Израилев, но имене Моего ради святаго, еже осквернисте во языцех, тамо аможе внидосте.Select Ezekiel 36:22

23И освящу имя Мое великое, оскверненное во языцех, еже осквернисте среде их, и уразумеют языцы, яко Аз есмь Господь, глаголет Адонаи Господь, внегда освящуся в вас пред очима их.Select Ezekiel 36:23

24И возму вы от язык и соберу вы от всех земель, и введу вы в землю вашу,Select Ezekiel 36:24

25и воскроплю на вы воду чисту, и очиститеся от всех нечистот ваших и от всех кумиров ваших, и очищу вас.Select Ezekiel 36:25

26И дам вам сердце ново и дух нов дам вам, и отиму сердце каменное от плоти вашея и дам вам сердце плотяно, и дух Мой дам в вас:Select Ezekiel 36:26

27и сотворю, да в заповедех Моих ходите, и суды Моя сохраните и сотворите я.Select Ezekiel 36:27

28И вселитеся на земли, юже дах отцем вашым, и будете Ми в люди, Аз же буду вам в Бога.Select Ezekiel 36:28

29И спасу вы от всех нечистот ваших (и очищу вы от грех ваших всех), и призову пшеницу и умножу ю, и не дам на вы глада:Select Ezekiel 36:29

30и распложу плод древесный и плоды селныя, яко да не приимете ктому гладныя укоризны во языцех.Select Ezekiel 36:30

31И помянете пути своя злыя и начинания ваша не благая, и вознегодуете пред лицем их о беззакониих ваших и о мерзостех ваших.Select Ezekiel 36:31

32Не вас ради Аз творю, доме Израилев, глаголет Адонаи Господь, вестно да будет вам, (доме Израилев:) постыдитеся и усрамитеся от путий ваших, доме Израилев.Select Ezekiel 36:32

33Сия глаголет Адонаи Господь: во оньже день очищу вы от всех беззаконий ваших и населю грады, и соградятся пустыни,Select Ezekiel 36:33

34и земля погибшая возделается вместо того, яко погублена бысть пред очима всякаго мимоходящаго:Select Ezekiel 36:34

35и рекут: земля оная погибшая бысть яко вертоград Сладости, и гради опустевшии и разореннии и раскопаннии, забралы утвержденни сташа:Select Ezekiel 36:35

36и уразумеют языцы, елицы останутся окрест вас, яко Аз Господь возградих разоренныя и насадих погубленныя: Аз Господь глаголах и сотворю.Select Ezekiel 36:36

37Сия глаголет Адонаи Господь: се, еще обрящуся дому Израилеву, еже сотворити им: умножу их яко овцы, человеки яко овцы святыя,Select Ezekiel 36:37

38яко овцы Иерусалимли во праздниках его, тако будут гради опустевшии полни стад человеческих: и уразумеют, яко Аз Господь.Select Ezekiel 36:38