41Ezekiel 41

1И введе мя во храм, и размери аилам, шести лактей широта о сию страну и шести лактей широта аилам об ону,Select Ezekiel 41:1

2и широта врат десять лактей, и бока врат пяти лактей о сию страну и пяти об ону: и измери долготу их четыредесять лактей, а широту двадесять лактей.Select Ezekiel 41:2

3И вниде во двор внутренний, и размери аилам дверий двух лактей, и двери шести лактей, бока же дверная седми лактей о сию страну и седми об ону.Select Ezekiel 41:3

4И размери долготу дверий четыредесять лактей, а широту двадесять лактей пред лицем храма, и рече ко мне: сие Святое Святых.Select Ezekiel 41:4

5И размери стену храма шести лактей и широту страны четырех лактей окрест,Select Ezekiel 41:5

6страны же страна до страны тридесять и три дващи: и разстояние в стене храма во странах окрест, еже на прозрак быти входящым, да отнюд не прикасаются ко стенам храма.Select Ezekiel 41:6

7Широта же вышния страны по приложению от стены к вышней окрест храма, яко да разширяется свыше, и да от долних восходят на горняя, а от средних на трекровная.Select Ezekiel 41:7

8И видех храма высоту окрест разстояние стран равно трости шести лактей разстояния,Select Ezekiel 41:8

9широта же стены страны внеуду пяти лактей, и прочая между странами храма,Select Ezekiel 41:9

10и между преградами широта двадесяти лактей, окружность окрест храма.Select Ezekiel 41:10

11Двери же преград ко прочему дверий единых яже к северу: и дверь едина к югу, широта же света прочаго пяти лактей широта окрест.Select Ezekiel 41:11

12Раздел же противу прочему аки к морю седмьдесят лактей, широта стены разделяющия, широта окрест пять лактей, и долгота ея девятьдесят лактей.Select Ezekiel 41:12

13И размери противу храма долготу сто лактей, и прочая и разделяющая, и стены их в долготу сто лактей.Select Ezekiel 41:13

14И широта противу храма, и прочая противу ста лактей.Select Ezekiel 41:14

15И размери долготу разделу противу лицу прочему созади храму тому, и прочая о сию страну и об ону ста лактей долготу: храм же и углы, и елам внешний, доски постланы.Select Ezekiel 41:15

16И окна решетчатая свещения окрест трием (странам) еже приницати: храм же и яже близ его устлана древом окрест, и помост, и от помоста до окон: окна же отворяема трояко на приницание,Select Ezekiel 41:16

17и даже до дому внутренняго и до внешняго, и на всей стене окрест внутренней и внешней меры,Select Ezekiel 41:17

18и изваяннии херувими и финики: финик посреде херувима и херувима: два лица херувиму:Select Ezekiel 41:18

19лице человеческо к финику сюду и сюду, и лице львово к финику сюду и сюду, изваян весь храм окрест.Select Ezekiel 41:19

20От помоста даже до свода херувими и финики изваяни.Select Ezekiel 41:20

21Святое же и храм отверзаемь на четыри страны, пред лицем святых видение яко зрак требника древяна,Select Ezekiel 41:21

22три лакти высота его, а долгота дву лактей, и широта такожде: имеяше же роги, и основание его и стены его древяны. И рече ко мне: сия трапеза, яже пред лицем Господним:Select Ezekiel 41:22

23двои же двери храму и двои двери святому,Select Ezekiel 41:23

24двоим дверем вращающымся: две вереи единым, и две вереи вторым дверем.Select Ezekiel 41:24

25И ваяния над ними и над дверьми храма херувим и финики, по ваянию святых, и древеса потребна пред лицем елама от внеуду,Select Ezekiel 41:25

26и окна сокровена. И размери сюду и сюду в покровех елама, и страны храма древами сопряжены.Select Ezekiel 41:26