44Ezekiel 44

1И обрати мя на путь врат святых внешних, зрящих на востоки: и сия бяху затворенна.Select Ezekiel 44:1

2И рече Господь ко мне: сия врата заключенна будут и не отверзутся, и никтоже пройдет ими: яко Господь Бог Израилев внидет ими, и будут заключенна.Select Ezekiel 44:2

3Зане старейшина сей сядет в них ясти хлеб пред Господем: по пути елама врат внидет и по пути его изыдет.Select Ezekiel 44:3

4И введе мя по пути врат яже к северу, прямо храму: и видех, и се, полн славы дом Господень. И падох ниц на лицы моем.Select Ezekiel 44:4

5И рече Господь ко мне: сыне человечь, сложи в сердцы твоем, и виждь очима твоима и ушима твоима слыши вся, елика Аз глаголю с тобою, по всем повелением храма Господня и по всем узаконением его: и устроиши сердце твое на вход храма по всем исходам его во всех святых.Select Ezekiel 44:5

6И речеши к дому прогневляющему мя, к дому Израилеву: сия глаголет Господь Бог: да довлеет вам от всех беззаконий ваших, доме Израилев,Select Ezekiel 44:6

7еже вводити вам сыны иноплеменничы необрезаны сердцем и необрезаны плотию, еже бывати им во святых Моих, и оскверняху я, егда приносите вы хлебы, тук и мяса и кровь: и преступасте завет Мой во всех беззакониих ваших,Select Ezekiel 44:7

8и не снабдесте хранити стражбы во святых Моих, и постависте стражей стрещи стражбы святых Моих себе.Select Ezekiel 44:8

9Того ради сице глаголет Адонаи Господь: всяк сын иноплеменничь необрезан сердцем и необрезан плотию да не внидет во святая Моя во всех сынех иноплеменничих, иже суть среде дому Израилева:Select Ezekiel 44:9

10но и левити, иже отвергошася Мене, егда заблуждаше Израиль, иже заблудиша от Мене вслед помыслов своих, и возмут неправду своюSelect Ezekiel 44:10

11и будут служаще во святых Моих, вратари у дверий храма и служащии храму: тии да закалают жертвы и всесожжения людем и тии да станут пред людьми, еже служити им.Select Ezekiel 44:11

12Понеже служиша им пред лицем кумиров своих, и бысть дому Израилеву в мучение неправды: того ради воздвигох на ня руку Мою, глаголет Господь Бог (Израилев), и возмут беззаконие свое,Select Ezekiel 44:12

13и не приступят ко Мне служити Мне, ни приносити ко святым сынов Израилевых, ниже ко Святым Святынь Моих, и возмут безчестие свое в заблуждении, в немже прельстишася:Select Ezekiel 44:13

14и учинят я стрещи стражбы храма на вся дела егоSelect Ezekiel 44:14

15и на вся, елика сотворят жерцы и левити, сынове Садуковы, иже сохраниша стражбы святынь Моих (и пути Моя), егда заблуждаше дом Израилев от Мене: сии приступят ко Мне, еже служити Мне, и станут пред лицем Моим, еже приносити Мне жертву, тук и кровь, глаголет Адонаи Господь.Select Ezekiel 44:15

16Сии внидут во святая Моя и сии приступят ко трапезе Моей, еже служити Мне, и сохранят стражбы Моя.Select Ezekiel 44:16

17И будет внегда входити им во врата двора внутренняго, в ризы льняны да облекутся, а да не облекутся в волняны, внегда служити им от врат двора внутренняго.Select Ezekiel 44:17

18И клобуки льняны да имут на главах своих, и опоясания льняна да имут о чреслех своих, и да не препоясуются крепко:Select Ezekiel 44:18

19и егда исходят к людем во внешний двор, да совлекутся риз своих, в нихже тии служат, и да положат я в преградах святых, и облекутся в ризы ины, и да не освятят людий в ризах своих:Select Ezekiel 44:19

20и глав своих да не обриют, и влас своих да не растят, покрывающе покрыют главы своя.Select Ezekiel 44:20

21И вина да не пиет всяк жрец, егда входит во внутренний двор.Select Ezekiel 44:21

22И вдовицы и пущеницы да не поемлют себе в жену, но токмо девицу от племене дому Израилева: и аще будет вдова жерча, да оную поймут.Select Ezekiel 44:22

23И люди Моя да научат разлучати между святым и сквернавым, и между чистым и нечистым возвестят им.Select Ezekiel 44:23

24И на суде крове тии да стоят, еже разсуждати: оправдания Моя да оправдят и суды Моя да судят, и законы Моя и повеления Моя во всех праздницех Моих сохранят, и субботы Моя освятят.Select Ezekiel 44:24

25И над душу человека не приидут осквернитися, но точию над отцем и материю, и сыном и дщерию, и братом и сестрою своею, яже не посягла за мужа, осквернится.Select Ezekiel 44:25

26И по очищении своем седмь дний да сочтет себе.Select Ezekiel 44:26

27И во оньже день входят во двор внутренний, еже служити во святилищи, да принесут очищение, глаголет Господь Бог.Select Ezekiel 44:27

28И будет им в наследие: Аз им наследие, и одержание им не дастся в сынех Израилевых, яко Аз одержание их.Select Ezekiel 44:28

29Жертвы же и яже за грехи и за неведение сии да ядят: и всякое отлученное во Израили тем да будет:Select Ezekiel 44:29

30начатки всех и первенцы всех и участия вся, от всех начатков ваших жерцем да будут: и начатки жит ваших да дасте жерцу, еже положити благословения в домех ваших.Select Ezekiel 44:30

31И всякия мертвечины и звероядины, от птиц и от скот да не ядят жерцы.Select Ezekiel 44:31