47Ezekiel 47

1И введе мя ко преддверию храма, и се, вода исхождаше из под непокровеннаго храма на восток, яко лице храма зряше на восток, и исхождаше вода от страны десныя, от юга к жертвеннику.Select Ezekiel 47:1

2И изведе мя по пути врат яже на север и обведе мя путем вратным внеуду ко вратом двора, зрящаго на восток, и се, вода исхождаше от страны десныя,Select Ezekiel 47:2

3якоже исход мужа противу: и мера в руце его: и измери тысящу мерою, и прейде водою воду оставления.Select Ezekiel 47:3

4И (паки) измери тысящу, и преведе мя чрез воду, и взыде вода до колен: и размери тысящу, и взыде вода даже до чресл.Select Ezekiel 47:4

5И размери тысящу, поток, и не возможе прейти, яко кипяше вода, аки шум поточный, егоже не прейдут.Select Ezekiel 47:5

6И рече ко мне: видел ли еси, сыне человечь? И веде мя и обрати мя на брег речный, во обращении моем:Select Ezekiel 47:6

7и се, на брезе речнем древеса многа зело сюду и сюду.Select Ezekiel 47:7

8И рече ко мне: вода сия текущая в Галилею, яже на восток, и низхождаше ко Аравии, и грядяше до моря к воде исхода, и изцелит воды:Select Ezekiel 47:8

9и будет всяка душа животных вреющих, на вся, на няже найдет тамо река, жива будут: и будут тамо рыбы многи зело, яко приидет тамо вода сия и изцелит, и живо будет всякое, на неже аще приидет река, тамо живо будет.Select Ezekiel 47:9

10И станут тамо рыбарие от Ингадда до Ингалима: сушило мрежам будет, о себе будет: и рыбы ея яко рыбы моря великаго, множество много зело.Select Ezekiel 47:10

11И во исходе ея и во обращении ея и в возвышении ея мелины ея не изцелятся, в соль вдадутся:Select Ezekiel 47:11

12и над реку взыдет, и на брезе ея оба полы, всякое древо ядомое не обетшает у нея, ни оскудеет плод его, новости своея первый плод принесет, ибо воды их сия от святых исходят, и будет плод их в снедь и прозябение их во здравие.Select Ezekiel 47:12

13Сице глаголет Господь Бог: сия пределы наследите земли, двунадесяти племеном сынов Израилевых приложение ужа.Select Ezekiel 47:13

14И наследите ю кийждо, якоже брат его, на нюже воздвигох руку Мою, еже дати ю отцем их, и падет земля сия вам в наследие.Select Ezekiel 47:14

15И сии пределы земли на север, от моря великаго сходящаго и отделяющаго вход Имаселдам,Select Ezekiel 47:15

16Маавфирас, Еврамилиам среде предел Дамасковых и среде предел Имафовых, дворы Савнани, иже суть выше предел Авранитидских.Select Ezekiel 47:16

17Сии пределы от моря: от двора Енанова, пределы Дамасковы, и яже к северу, и предел Емафов, и предел северск.Select Ezekiel 47:17

18И яже на востоки: между Авранитидою и между Дамаском, и между Галаадитидою и между землею Израилевою, Иордан делит к морю, еже на востоки фиников: сия на востоки.Select Ezekiel 47:18

19И яже к югу и ливу: от Фемана и фиников даже до воды Маримоф-Кадим, продолжающееся к морю великому.Select Ezekiel 47:19

20Сия страна юга и лива, сия страна моря великаго разделяет даже прямо входу Имаф, даже до входа его: сия суть яже к морю Имаф.Select Ezekiel 47:20

21И разделите землю вам, племеном Израилевым.Select Ezekiel 47:21

22Расположите ю жребием вам и пришелцем обитающым среде вас, иже родиша сыны посреде вас, и будут вам яко туземцы в сынех Израилевых: с вами да ядят во участии среде племен Израилевых,Select Ezekiel 47:22

23и будут в племени пришелцев, в пришелцех иже с ними: тамо дадите участие им,, глаголет Господь.Select Ezekiel 47:23