10Joshua 10

1Егда же услыша Адонивезек царь Иерусалимский, яко взя Иисус Гай и потреби его, якоже сотвори Иерихону и царю его, тако сотвори и Гаю и царю его, и яко сами вдашася живущии в Гаваоне ко Иисусу и ко Израилю, и быша в них,Select Joshua 10:1

2и убояшася сами в себе зело: ведяху бо, яко град бяше велик Гаваон, яко един от великих градов, и вси мужие иже в нем крепцы.Select Joshua 10:2

3И посла Адонивезек царь Иерусалимский к Еламу царю Хевронску и Фераану царю Иеримуфску, и ко Афию царю Лахисску, и к Давиру царю Одолламску, глаголя:Select Joshua 10:3

4приидите, взыдите ко мне и помозите ми, да повоюем Гаваона: вдашася бо сами ко Иисусу и к сыном Израилевым.Select Joshua 10:4

5И собрашася и взыдоша пять царей Иевусейских: царь Иерусалимский и царь Хевронский, и царь Иеримуфский и царь Лахисский и царь Одолламский, сами и вси людие их, и обседоша Гаваона и воеваша на него.Select Joshua 10:5

6И послаша живущии в Гаваоне ко Иисусу в полк Израилев в Галгалы, глаголюще: не отрешай руки твоея от раб твоих: взыди к нам скоро и помози нам, и изми нас: яко собрани суть на ны вси царие Аморрейстии, живущии в горней.Select Joshua 10:6

7И взыде Иисус от Галгал, сам и вси людие воинстии с ним, всяк сильный крепостию.Select Joshua 10:7

8И рече Господь ко Иисусу: не убойся их, яко в руце твои предах я: не останет от них ни един пред вами.Select Joshua 10:8

9И прииде на них Иисус внезапу: всю бо нощь иде от Галгал.Select Joshua 10:9

10И ужаси я Господь от лица сынов Израилевых: и сокруши я Господь сокрушением великим в Гаваоне: и погнаша я путем восхода Вифоронска, и сечаху их даже до Азика и до Макида.Select Joshua 10:10

11Внегда же бежати им от лица сынов Израилевых до восхода Вифоронска, и Господь верже на ня камение великое града с небесе даже до Азика, и бысть множае умерших от града каменна, неже убиенных от сынов Израилевых мечем на брани.Select Joshua 10:11

12Тогда глагола Иисус ко Господу, в оньже день предаде Господь Бог Аморреа под руку Израилеву, егда сокруши их в Гаваоне, и сокрушишася от лица Израилева: и рече Иисус: да станет солнце прямо Гаваону, и луна прямо дебри Елон.Select Joshua 10:12

13И ста солнце и луна в стоянии, дондеже отмсти Бог врагом их. Не сие ли есть писано в книгах Праведнаго: и ста солнце посреде небесе и не идяше на запад в совершение дне единаго?Select Joshua 10:13

14И не бысть день таковый ниже прежде, ниже последи, еже послушати Богу тако гласа человеча, яко Господь споборствова Израилю.Select Joshua 10:14

15И возвратися Иисус и весь Израиль с ним в полк в Галгалы.Select Joshua 10:15

16И убегоша пять царие сии и скрышася в пещере яже в Макиде.Select Joshua 10:16

17И поведаша Иисусу, глаголюще: обретошася пять царие скрывшиися в пещере яже в Макиде.Select Joshua 10:17

18И рече Иисус: привалите камение велие ко устию пещеры и приставите над ними мужы стрещи их:Select Joshua 10:18

19вы же не стойте зде, гоняще вслед врагов ваших, и постигните останок их, и не дадите внити им во грады их, предаде бо я Господь Бог наш в руце наши.Select Joshua 10:19

20И бысть егда преста Иисус и вси сынове Израилевы секуще их сечением великим зело даже до конца, и уцелевшии от них внидоша во грады тверды.Select Joshua 10:20

21И возвратишася вси людие в полк ко Иисусу в Макиду здрави, и не возскомле никтоже от сынов Израилевых языком своим.Select Joshua 10:21

22И рече Иисус: отверзите устие пещеры и изведите ко мне пять царей сих из пещеры.Select Joshua 10:22

23И сотвориша тако, и изведоша к нему пять царей из пещеры: царя Иерусалимска и царя Хевронска, и царя Иеримуфска и царя Лахисска и царя Одолламска.Select Joshua 10:23

24И егда изведоша их ко Иисусу, и созва Иисус всего Израиля и началники воинския ходящыя с ним, глаголя к ним: приступите и наступите ногами вашими на выи царей сих. И приступивше наступиша ногами своими на выи их.Select Joshua 10:24

25И рече к ним Иисус: не бойтеся их, ни ужасайтеся: мужайтеся и крепитеся, яко сице сотворит Господь всем врагом вашым, ихже вы повоюете.Select Joshua 10:25

26И уби я Иисус, и повеси я на пяти древесех: и быша висяще на древах даже до вечера.Select Joshua 10:26

27И бысть при захождении солнца, повеле Иисус, и сняша я с древес, и ввергоша я в пещеру, в нюже вбегоша тамо: и завалиша камением великим пещеру до днешняго дне.Select Joshua 10:27

28Взяша же и Макиду в той день, и избиша ю острием меча и царя ея, и потребиша их и все дышущее еже бяше в ней: и не остася никтоже в ней цел и избегший. И сотвориша царю Макидску, якоже сотвориша царю Иерихонску.Select Joshua 10:28

29И отиде Иисус и весь Израиль с ним от Макиды в Левну, и облеже Левну.Select Joshua 10:29

30И предаде ю Господь в руце Израилю: и взяша ю и царя ея, и избиша ю острием меча, и все дышущее в ней: и не остася в ней ни един цел и избегший. И сотвориша царю ея, якоже сотвориша царю Иерихонску.Select Joshua 10:30

31И отиде Иисус и весь Израиль с ним от Левны в Лахис, и облеже его, и воеваше нань.Select Joshua 10:31

32И предаде Господь Лахис в руце Израилевы: и взя его в день вторый, и избиша его острием меча (и все дышущее в нем), и потребиша его, якоже сотвориша Левне.Select Joshua 10:32

33Тогда взыде Орам царь Газерск, помогаяй Лахису: и порази его Иисус острием меча, и люди его, дондеже не остася от них ни един цел и избегший.Select Joshua 10:33

34И отиде Иисус и весь Израиль с ним от Лахиса во Аглон, и облеже и, и воева на него.Select Joshua 10:34

35И предаде и Господь в руце Израилю: и взя и в той день, и изби и острием меча, и все дышущее в нем уби, и сотвори ему якоже и Лахису.Select Joshua 10:35

36И отиде Иисус и весь Израиль с ним в Хеврон, и обсяде и:Select Joshua 10:36

37и взя его, и порази его острием меча, и царя его, и вся веси его, и вся дышущая елика бяху в нем: не бе уцелевый: якоже сотвориша Аглону, потребиша и и все дышущее, елика в нем бяху.Select Joshua 10:37

38И обратися Иисус и весь Израиль с ним в Давир: и обседше и,Select Joshua 10:38

39взяша его и царя его и вся веси его, и поразиша и мечем, и потребиша и и все дышущее в нем, и не оставиша в нем ни единаго уцелевша: якоже сотвориша Хеврону и царю его, тако сотвориша Давиру и царю его, и якоже сотвориша Левне и царю ея.Select Joshua 10:39

40И порази Иисус всю землю горную и Нагев, и равную и Асидоф, и вся цари его: не оставиша в нем ни единаго уцелевша: и все дышущее потребиша, якоже заповеда Господь Бог Израилю.Select Joshua 10:40

41И изби их Иисус от Кадис-Варни даже до Газы, и всю землю Госом даже до Гаваона:Select Joshua 10:41

42и вся цари сия и землю их взя Иисус единою: яко Господь Бог Израилев помогаше Израилю.Select Joshua 10:42

43И возвратися Иисус и весь Израиль с ним в полк в Галгалы.Select Joshua 10:43