11 Kings 1

1И царь Давид бысть стар прешед дни, и одеваху его ризами (многими), и не согревашеся.Select 1 Kings 1:1

2И реша отроцы его ему: да поищут господину нашему царю девицы юныя, и предстоит цареви, и будет греющи его, и да лежит с ним, и согреется господин наш царь.Select 1 Kings 1:2

3И искаша отроковицы добрыя от всего предела Израилева, и обретоша Ависагу Сумантяныню, и приведоша ю ко царю.Select 1 Kings 1:3

4И бе отроковица добра видением зело: и бысть греющи царя и служаше ему: царь же не позна ея.Select 1 Kings 1:4

5И Адониа сын Аггифин вознесеся, глаголя: аз имам царствовати. И сотвори себе колесницы и конники, и пятьдесят мужей еже ходити пред ним.Select 1 Kings 1:5

6И не возбрани ему отец его никогда, глаголя: почто сие ты сотворил еси? И бе той красен зраком зело, и того роди по Авессаломе.Select 1 Kings 1:6

7И беша совети его со Иоавом сыном Саруиным и со Авиафаром иереом, и помогаху вслед Адонии.Select 1 Kings 1:7

8Садок же иерей и Ванеа сын Иодаев, и Нафан пророк и Семей, и Рисий и сынове сильнии Давидовы не быша по Адонии.Select 1 Kings 1:8

9И пожре Адониа овцы и телцы и агнцы при камени Зоелефе, иже бе близ источника Рогиля: и призва всю братию свою, сыны царевы, и вся мужы Иудовы, отроки царевы:Select 1 Kings 1:9

10Нафана же пророка и Ванеа и сильных и Соломона брата своего не зва.Select 1 Kings 1:10

11И рече Нафан ко Вирсавии матери Соломони, глаголя: не слышала ли еси, яко воцарися Адониа сын Аггифин, господин же наш Давид не весть:Select 1 Kings 1:11

12ныне убо совещаю ти совет, и избавиши душу свою и душу сына твоего Соломона:Select 1 Kings 1:12

13гряди, вниди к царю Давиду и речеши к нему, глаголющи: не ты ли, господи мой царю, клялся еси рабе твоей, глаголя: яко Соломон сын твой имать царствовати по мне, и той сядет на престоле моем? И что яко воцарися Адониа?Select 1 Kings 1:13

14И се, еще глаголющей тебе тамо со царем, и аз вниду вслед тебе и дополню словеса твоя.Select 1 Kings 1:14

15И вниде Вирсавиа ко царю в ложницу. И царь стар зело, и Ависаг Сумантяныня бяше служащи царю.Select 1 Kings 1:15

16И приклонися Вирсавиа и поклонися цареви. И рече царь: что ти есть?Select 1 Kings 1:16

17Она же рече: господи мой царю, ты клялся еси пред Господем Богом твоим рабе твоей, глаголя: яко сын твой Соломон имать царствовати по мне, и той сядет на престоле моем:Select 1 Kings 1:17

18и се, ныне Адониа царствует, ты же, господи мой царю, не веси:Select 1 Kings 1:18

19и пожре телцы и агнцы и овцы во множестве, и созва вся сыны царевы, и Авиафара жерца и Иоава князя силы, Соломона же раба твоего не призва:Select 1 Kings 1:19

20ты же, господи мой царю, очи всего Израиля к тебе: да возвестиши им, кто сядет на престоле господина моего царя по нем:Select 1 Kings 1:20

21и будет егда уснет господин мой царь со отцы своими, и буду аз и сын мой Соломон грешни.Select 1 Kings 1:21

22И се, еще ей глаголющей с царем, и Нафан пророк прииде.Select 1 Kings 1:22

23И возвестиша царю, глаголюще се, Нафан пророк. И вниде пред лице царево, и поклонися царю пред лицем его до земли,Select 1 Kings 1:23

24и рече Нафан: господи мой царю, ты ли рекл еси: Адониа да царствует по мне, и той да сядет на престоле моем?Select 1 Kings 1:24

25Яко сниде днесь и закла телцы и агнцы и овцы во множестве, и созва вся сыны царевы и князи сильных, и Авиафара иереа: и се, суть ядуще и пиюще пред ним, и реша: да живет царь Адониа:Select 1 Kings 1:25

26и мене самаго раба твоего, и Садока иереа, и Ванеа сына Иодаева, и Соломона раба твоего не зва:Select 1 Kings 1:26

27от господина ли царя моего бысть глагол сей? И не сказал еси рабу твоему, кто сядет на престоле господина моего царя по нем?Select 1 Kings 1:27

28И отвеща царь Давид и рече: призовите ми Вирсавию. И вниде (Вирсавиа) пред царя и ста пред лицем его.Select 1 Kings 1:28

29И клятся царь и рече: жив Господь, иже избави душу мою от всея печали:Select 1 Kings 1:29

30якоже бо кляхтися пред Господем Богом Израилевым, глаголя: яко Соломон сын твой воцарится по мне, и той сядет на престоле моем вместо мене, яко тако сотворю ему в днешний день.Select 1 Kings 1:30

31И преклонися Вирсавиа лицем на землю, и поклонися царю и рече: да живет господин мой царь Давид во веки.Select 1 Kings 1:31

32И рече царь Давид: призовите мне Садока жерца и Нафана пророка, и Ванеа сына Иодаева. И внидоша пред царя.Select 1 Kings 1:32

33И рече им царь: поимите с собою рабы господина вашего, и всадите сына моего Соломона на мска моего, и ведите его к Гиону,Select 1 Kings 1:33

34и да помажет его тамо Садок иерей и Нафан пророк в царя над Израилем, и вострубите трубою рожаною и речете: да живет царь Соломон:Select 1 Kings 1:34

35и изыдите вслед его, и внидет, и сядет на престоле моем, и той воцарится вместо мене: и аз заповедах, да будет властелин над Израилем и Иудою.Select 1 Kings 1:35

36И отвеща Ванеа сын Иодаев царю и рече: буди тако: да утвердит Господь Бог глагол сей господина моего царя:Select 1 Kings 1:36

37якоже бе Господь со господином моим царем, тако да будет и с Соломоном, и да возвеличит престол его паче престола господина моего царя Давида.Select 1 Kings 1:37

38И сниде Садок иерей и Нафан пророк, и Ванеа сын Иодаев, и Хереффи и Фелеффи, и всадиша Соломона на мска царя Давида, и возведоша его к Гиону:Select 1 Kings 1:38

39и взя Садок иерей рог с елеем от скинии, и помаза Соломона, и воструби трубою рожаною, и реша вси людие: да живет царь Соломон.Select 1 Kings 1:39

40И взыдоша вси людие вслед его и ликоваша в лицех, и веселяхуся веселием великим, и разседеся земля от гласа их.Select 1 Kings 1:40

41И слыша Адониа и вси званнии его, и тии скончаша уже ядуще. И слыша Иоав глас трубы рожаны и рече: кий глас есть града шумяща?Select 1 Kings 1:41

42И еще Ему глаголющу, и се, Ионафан сын Авиафара иереа прииде. И рече Адониа: вниди, яко муж силы ты еси, и благая возвести.Select 1 Kings 1:42

43И отвеща Ионафан и рече: известно, господин наш царь Давид постави Соломона царем:Select 1 Kings 1:43

44и посла с ним царь Садока иереа и Нафана пророка, и Ванеа сына Иодаева, и Хереффи и Фелеффи, и всадиша его на мска царева:Select 1 Kings 1:44

45и помазаша его Садок иерей и Нафан пророк на царство в Гионе, и взыдоша оттуду веселящеся, и возшуме град: сей глас, егоже слышасте:Select 1 Kings 1:45

46и седе Соломон на престоле царстем:Select 1 Kings 1:46

47и внидоша раби царевы благословити господина нашего царя Давида, глаголюще: да ублажит Бог имя Соломона сына твоего паче имене твоего, и да возвеличит престол его паче престола твоего: и поклонися царь на одре своем,Select 1 Kings 1:47

48и сице рече царь: благословен Господь Бог Израилев, Иже даде днесь от семене моего седяща на престоле моем, и очи мои видят.Select 1 Kings 1:48

49И ужасошася ужасом, и восташа вси званнии Адониевы, и отиде кийждо путем своим.Select 1 Kings 1:49

50И Адониа убояся от лица Соломоня, и воста и отиде, и ятся за рог олтаря.Select 1 Kings 1:50

51И возвестиша Соломону, глаголюще: се, Адониа убояся царя Соломона, и держится за рог олтаря, глаголя: да кленетмися днесь царь Соломон, яко не убиет раба своего оружием.Select 1 Kings 1:51

52И рече Соломон: аще будет сын силы, ни влас главы его упадет на землю: аще же злоба обрящется в нем, умрет.Select 1 Kings 1:52

53И посла царь Соломон, и сведоша его со олтаря. И вниде, и поклонися царю Соломону. И рече ему Соломон: иди в дом свой.Select 1 Kings 1:53