101 Kings 10

1И царица Савска услыша имя Соломоне и имя Господне, и прииде искусити его притчами:Select 1 Kings 10:1

2и прииде во Иерусалим с силою тяжкою зело: и на велблюдех привезоша ароматы и злата много зело, и камение драгое: и вниде к Соломону и глагола ему вся, елика име на сердцы своем.Select 1 Kings 10:2

3И возвести ей Соломон вся глаголы ея: и не бе слово презрено от царя, егоже не возвести ей.Select 1 Kings 10:3

4И виде царица Савска весь смысл Соломонь и дом егоже созда,Select 1 Kings 10:4

5и снеди Соломони, и жилища отроков его, и предстояние служащих ему, и облачение его, и виночерпцы его, и всесожжения его, яже приношаше во храме Господни, и вне себе бысть,Select 1 Kings 10:5

6и рече к Соломону царю: истинна суть словеса, яже слышах в земли моей,Select 1 Kings 10:6

7о словесех твоих и о смысле твоем: и не ях веры глаголющым ми, дондеже приидох семо, и видеста очи мои: и се, несть ни пол того, якоже ми поведаша: приложил еси премудрость и благая к сим паче всякаго слуха, егоже слышах в земли моей:Select 1 Kings 10:7

8блаженны жены твоя, блажени отроцы твои сии, иже предстоят пред тобою всегда, слышаще всякий смысл твой:Select 1 Kings 10:8

9буди Господь Бог твой благословен, иже восхоте тя дати на престол Израилев, понеже возлюби Господь Израиля утвердити во веки и постави тя царя над ними творити суд в правде и в судбах их.Select 1 Kings 10:9

10И даде Соломону сто и двадесять талант злата, и ароматы многи зело, и камение драгое: не приидоша еще таковыя ароматы во множестве, яже даде царица Савска царю Соломону.Select 1 Kings 10:10

11И корабль Хирамль приносящь злато из Софира, (и) принесе древа нетесана многа зело, и камение драгое.Select 1 Kings 10:11

12И сотвори царь древом нетесаным подпоры храму Господню и дому цареву, и сопели и гусли певцем: не приидоша по сем таковая древеса нетесаная на земли, ниже видена быша где даже до дне сего.Select 1 Kings 10:12

13И царь Соломон даде царице Савстей вся, елика восхоте и елики проси у него, кроме всех, яже даде ей рукама своима Соломон царь, и возвратися, и отиде в землю свою, сама и вси отроцы ея.Select 1 Kings 10:13

14И бе вес принесеннаго злата Соломону во едино лето шесть сот и шестьдесят и шесть талант злата,Select 1 Kings 10:14

15кроме даней от подданных и от купцов и от всех царей странных и от воевод земных.Select 1 Kings 10:15

16И сотвори царь Соломон триста копий златых кованных, по триста златых во едино копие вдела:Select 1 Kings 10:16

17и триста щитов кованных златых, по три литры злата бяше на коемждо щите: и даде я царь во храм дубравы Ливанския.Select 1 Kings 10:17

18И сотвори царь престол от костей слоновых велий и позлати его златом искушеным:Select 1 Kings 10:18

19шесть степеней престолу, и образы телцов престолу созади, и верх престола кругл бе созади его, и руце сюду и сюду на престоле седалища, и два льва стояща при руках,Select 1 Kings 10:19

20и дванадесять львы стояще ту на шести степенех сюду и сюду: не бяше тако во всяком царстве.Select 1 Kings 10:20

21И вси сосуди, иже бяху при царе Соломоне, злати беша, и умывалницы златы и вси сосуди в храме дубравы Ливанския златокованны: не бяше сребра, понеже за ничто бе сребро во дни Соломони:Select 1 Kings 10:21

22корабль бо Фарсийский царю Соломону на мори с корабли Хирамлими, единою во триех летех прихождаше цареви корабль из Фарсиса и приношаше злато и сребро, и зубы слоновы, и пифики и павы, и камение точеное и тесаное.Select 1 Kings 10:22

23И возвеличися Соломон паче всех царей земных и богатством и смыслом.Select 1 Kings 10:23

24И вси царие земстии искаху видети лице Соломона, еже бы услышати смысла его, егоже даде ему Господь в сердцы его:Select 1 Kings 10:24

25и тии приношаху кийждо дары своя, и сосуды златы и сребряны, и ризы, стакти и сладкости, и кони и мски на всякое лето.Select 1 Kings 10:25

26И собра Соломон колесницы и кони, и бяху Соломону четыредесять тысящ кобылиц в колесницы, и дванадесять тысящ конных: и постави я во градех колесниц, а (друзии бяху) у царя во Иерусалиме: и бе властелин всем царем от реки и до земли иноплеменник и до предел Египта.Select 1 Kings 10:26

27И сложи царь злато и сребро во Иерусалиме якоже камение, и кедры сложи якоже черничие, еже на поли во множестве.Select 1 Kings 10:27

28И привождаху Соломону кони от Египта и от Фекуя купцы царстии и куповаху от Фекуя променою.Select 1 Kings 10:28

29И прихождаху колесницы из Египта за шесть сот сребреник, и конь за сто пятьдесят сребреник: такожде и ко всем царем Хеттимским и Сирийским по морю исхождаху.Select 1 Kings 10:29