111 Kings 11

1И царь Соломон бе женолюбив, и поя жены чуждыя, и дщерь фараоню, Моавитяныни, Амманитяныни, и Аморреаныни,Select 1 Kings 11:1

2от язык, ихже отрече Господь сыном Израилевым: не входите в ня, и тии да не входят в вас, да не отвратят душ ваших вслед идол своих: к тем прилепися Соломон любити,Select 1 Kings 11:2

3и быша ему жен началных седмь сот, и подложниц триста.Select 1 Kings 11:3

4И бысть в время старости Соломони, и совратиша жены чуждия сердце его вслед богов иных, и не бе сердце его совершенно с Господем Богом его, якоже сердце Давида отца его,Select 1 Kings 11:4

5и хождаше Соломон вслед Астарта мерзости Сидонския и вслед царя их, идола сынов Аммоних.Select 1 Kings 11:5

6И сотвори Соломон лукавое пред Господем: и не хождаше вслед Господа, якоже Давид отец его.Select 1 Kings 11:6

7Тогда созда Соломон высоко (капище) Хамосу, идолу Моавлю, и царю их, идолу сынов Аммоних, и Астарте, мерзости Сидонстей, на горе яже пред Иерусалимом:Select 1 Kings 11:7

8и тако сотвори всем женам своим чуждим, яже кадяху и жряху идолом своим.Select 1 Kings 11:8

9И разгневася Господь на Соломона, яко уклони сердце свое от Господа Бога Израилева, и явльшагося ему дваждыSelect 1 Kings 11:9

10и заповедавшаго ему дважды о словеси сем, весма не ходити ему вслед богов инех, но хранити и творити яже заповеда ему Господь Бог,Select 1 Kings 11:10

11и рече Господь к Соломону: понеже быша сия с тобою, и не сохранил еси заповедий Моих и повелений Моих, яже заповедах тебе, раздирая раздеру царство твое из руку твоею и дам е рабу твоему:Select 1 Kings 11:11

12обаче во дни твоя не сотворю сих Давида ради отца твоего: от руки же сына твоего отиму е:Select 1 Kings 11:12

13токмо всего царства не возму, скипетр един дам сыну твоему Давида ради раба Моего и Иерусалима ради града, егоже избрах.Select 1 Kings 11:13

14И воздвиже Господь противника на Соломона Адера Идумеанина от семене царска во Идумеи.Select 1 Kings 11:14

15И бысть егда искорени Давид Едома, егда иде Иоав воевода вой погребати побиенныя, изсече всяк мужеск пол во Идумеи:Select 1 Kings 11:15

16яко шесть месяц седяше тамо Иоав и весь Израиль во Идумеи, дондеже изби всяк мужеск пол в Идумеи:Select 1 Kings 11:16

17и избеже Адер сам и вси мужие Идумейстии от отроков отца его с ним, и внидоша во Египет: Адер же бяше отрочищь мал.Select 1 Kings 11:17

18И восташа мужие из града Мадиамска, и приидоша в Фаран, и взяша мужей с собою и приидоша к фараону царю Египетскому. И вниде Адер к фараону, и даде ему (царь) дом, и пищу определи ему, и землю даде ему.Select 1 Kings 11:18

19И обрете Адер благодать пред очима фараонима зело, и даде ему в жену сестру жены своея, сестру Фекемины болшую.Select 1 Kings 11:19

20И роди ему сестра Фекемины Адеру Ганивафа сына своего, и воскорми его Фекемина посреде сынов фараоних, и бе Ганиваф посреде сынов фараоних.Select 1 Kings 11:20

21И Адер услыша бо Египте, яко успе Давид со отцы своими, и яко умре Иоав воевода воинству, и рече Адер к фараону: отпусти мя, да возвращуся в землю мою.Select 1 Kings 11:21

22И рече фараон Адеру: чим ты не доволен еси у мене? И се, ты просишися отити в землю свою? И рече ему Адер: яко отпущая да отпустиши мя. И возвратися Адер в землю свою.Select 1 Kings 11:22

23И воздвиже Господь противника Соломону Разона, сына Елиадаева, иже убеже от Ададезера царя Сувска, господина своего.Select 1 Kings 11:23

24И собрашася к нему мужие, и бе воевода полка мятежнаго, егда убиваше я Давид: и идоша в Дамаск, и седоша в нем, и воцаришася в Дамасце.Select 1 Kings 11:24

25И бе стужая Израилеви во вся дни Соломони: сия злоба Адера: и отягчи Израиля и воцарися в земли Едомстей.Select 1 Kings 11:25

26И Иеровоам сын Наватов, Ефрафянин от Сариры, сын жены вдовицы, раб Соломонов, и воздвиже руце на царя Соломона.Select 1 Kings 11:26

27И сия вина, яко воздвиже руце на царя Соломона: царь Соломон созидаше Краеградие и ограждаше стеною град Давида отца своего:Select 1 Kings 11:27

28Иеровоам же человек крепок силою. И виде Соломон отрока, яко муж дел есть, и постави его над бременами дому Иосифова.Select 1 Kings 11:28

29И бысть во время оно, и Иеровоам изыде из Иерусалима, и обрете его Ахиа Силонитянин пророк на пути, и соврати его с пути: и бе Ахиа облечен в ризу нову: и (беста) оба едины на поли.Select 1 Kings 11:29

30И взя Ахиа за ризу свою новую, яже бе на нем, и раздра ю на дванадесять жребий,Select 1 Kings 11:30

31и рече Иеровоаму: приими себе десять жребий, яко тако глаголет Господь Бог Израилев: се, Аз отторгаю царство из руки Соломони, и дам ти хоругвий десять:Select 1 Kings 11:31

32и две хоругви будут ему, раба ради Моего Давида и Иерусалима ради града, егоже избрах Себе от всех колен Израилевых,Select 1 Kings 11:32

33занеже остави Мя и поклонися Астарте мерзости Сидонстей и Хамосу и кумиром Моавлим и царю их претыканию сынов Аммоних, и не пойде по путем Моим, еже творити угодная предо Мною, якоже Давид отец его:Select 1 Kings 11:33

34и не отиму царства всего от руку его, понеже защищая защищу его во вся дни живота его, Давида ради раба Моего, егоже избрах, иже сохрани заповеди Моя и оправдания:Select 1 Kings 11:34

35и отиму царство от руки сына его, и дам ти десять хоругвий,Select 1 Kings 11:35

36сыну же его дам две хоругви, яко да будет престол рабу Моему Давиду во вся дни предо Мною во Иерусалиме граде, егоже избрах Себе на положение имени Моему тамо:Select 1 Kings 11:36

37и прииму тя, и воцаришися, в нихже желает душа твоя, и ты будеши царь над Израилем:Select 1 Kings 11:37

38и будет аще сохраниши вся, елика заповедаю ти, и пойдеши по путем Моим, и сотвориши угодная предо Мною, хранити заповеди Моя и повеления Моя, якоже сотвори Давид раб Мой, и буду с тобою, и созижду ти дом верен, якоже создах Давиду, и дам ти Израиля:Select 1 Kings 11:38

39и озлоблю род Давидов за сия, но не во вся дни.Select 1 Kings 11:39

40И искаше Соломон убити Иеровоама. И воста Иеровоам, и убежа во Египет к Сусакиму царю Египетску, и бе во Египте, дондеже Соломон умре.Select 1 Kings 11:40

41И прочая словес Соломоних, и вся елика сотвори, и весь смысл его, не се ли, сия писана быша в книзе словес Соломоних?Select 1 Kings 11:41

42И дние, в няже царствова Соломон во Иерусалиме над всем Израилем, четыредесять лет.Select 1 Kings 11:42

43И успе Соломон со отцы своими: и погребоша его во граде Давида отца его, и воцарися Ровоам сын его вместо его.Select 1 Kings 11:43