151 Kings 15

1И во осмоенадесять лето царства Иеровоама сына Наватова, воцарися Авиа сын Ровоамль над Иудою,Select 1 Kings 15:1

2и три лета царствова во Иерусалиме. Имя же матере его Мааха, дщи Авессаломля.Select 1 Kings 15:2

3И хождаше во всех гресех отца своего, яже сотвори пред ним, и не бе сердце его совершено с Господем Богом его, якоже сердце Давида отца его:Select 1 Kings 15:3

4яко Давида ради остави ему Господь Бог его останок во Иерусалиме, да возставит по нем чада его и утвердит Иерусалим,Select 1 Kings 15:4

5понеже сотвори Давид правое пред Господем и не уклонися от всех, яже заповеда ему вся дни живота его, кроме слова Урии Хеттеанина.Select 1 Kings 15:5

6И брань бе между Ровоамом и между Иеровоамом во вся дни живота их.Select 1 Kings 15:6

7И прочая словес Авииных, и вся яже сотвори, не се ли, сия написана в книзе слов дний царей Иудиных? И брань бе между Авиею и между Иеровоамом.Select 1 Kings 15:7

8И успе Авиа со отцы своими в двадесятое лето Иеровоама, и погребоша его со отцы его во граде Давидове. И воцарися Аса сын его вместо его.Select 1 Kings 15:8

9И в лето двадесятое Иеровоама царя Израилева, царствоваше Аса над Иудою,Select 1 Kings 15:9

10и четыредесять и едино лето царствова во Иерусалиме. Имя же матере его Ана, дщи Авессаломля.Select 1 Kings 15:10

11И сотвори Аса правое пред Господем, якоже Давид отец его,Select 1 Kings 15:11

12и отя скверная от земли, и искорени вся изваянная, яже сотвориша отцы его,Select 1 Kings 15:12

13и Ану матерь свою отстави еже не владети ей, понеже сотвори сонмище в Дубраве своей: и изсече Аса Гай ея и сожже огнем в потоце Кедрстем:Select 1 Kings 15:13

14высоких же не искорени, обаче сердце Асы бе совершенно пред Господем во вся дни его:Select 1 Kings 15:14

15и внесе столпы отца своего, и столпы своя внесе во храм Господень сребряны и златы, и сосуды.Select 1 Kings 15:15

16И брань бе между Асою и между Ваасом царем Израилевым во вся дни их.Select 1 Kings 15:16

17И взыде Вааса царь Израилев на Иуду и созда Раму, яко не быти на исхождение и вхождение Асе царю Иудину.Select 1 Kings 15:17

18И взя Аса все сребро и злато обретшееся в сокровищах дому Господня и в сокровищах дому царева и даде я в руце отрок своих: и посла их царь Аса ко сыну Адерову сыну Таверема во Рамман, ко сыну Азаила, царя Сирскаго, живущаго в Дамасце, глаголя:Select 1 Kings 15:18

19положи завет между мною и тобою, и между отцем моим и отцем твоим: се, послах ти дары, сребро и злато: прииди, разруши завет твой, иже со Ваасою царем Израилевым, да отидет от мене.Select 1 Kings 15:19

20И послуша сын Адеров царя Асы, и посла воеводы сил своих на грады Израилевы, и поразиша Аина и Дана, и Авеля, Дому Маахиина, и весь Хеннереф, даже до всея земли Неффалимли.Select 1 Kings 15:20

21И бысть яко услыша Вааса, и остави созидати Раму, и возвратися во Ферсу.Select 1 Kings 15:21

22Царь же Аса заповеда всему Иуде во енакиме, и взяша камение из Рамы и древа ея, имиже основа Вааса, и созда в них царь Аса всяк Холм Вениаминь и Стражбища.Select 1 Kings 15:22

23Прочая же словес Асиных, и вся сила его, и вся яже сотвори, и грады яже созда, не се ли, сия писана суть в книзе словес дний царей Иудиных? Обаче во время старости своея начат болети ногама своима:Select 1 Kings 15:23

24и успе Аса со отцы своими, и погребен бысть во граде Давида отца своего. И воцарися Иосафат сын его вместо его.Select 1 Kings 15:24

25Нават же сын Иеровоамль нача царствовати над Израилем во второе лето Асы царя Иудина, и царствова над Израилем два лета,Select 1 Kings 15:25

26и сотвори лукавое пред Господем, и хождаше путем отца своего и во гресех его, имиже согрешити сотвори Израилю.Select 1 Kings 15:26

27И обседе его Вааса сын Ахиин в дому Велаана сына Ахиина, и уби его во Гавафоне иноплеменничи: Нават же и весь Израиль обседоша Гавафон.Select 1 Kings 15:27

28И умертви его Вааса в лето третие Асы царя Иудина, и воцарися вместо его.Select 1 Kings 15:28

29И бысть егда воцарися, изби весь дом Иеровоамль и не остави ничтоже от всего дыхания Иеровоамля, дондеже искорени их по глаголу Господню, егоже глагола рукою раба Своего Ахии Силонитскаго,Select 1 Kings 15:29

30грех ради Иеровоамлих, иже согреши, иже введе во грех Израиля, и в прогневании его, имже прогнева Господа Бога Израилева.Select 1 Kings 15:30

31И прочая словеса Навата, и вся яже сотвори, не се ли, сия писана суть в книзе словес дний царей Израилевых?Select 1 Kings 15:31

32И бяше брань между Асою (царем Иудиным) и Ваасою царем Израилевым во вся дни их.Select 1 Kings 15:32

33И в третие лето Асы царя Иудина царствова Вааса сын Ахиин над всем Израилем во Ферсе двадесять и четыре лета,Select 1 Kings 15:33

34и сотвори лукавое пред Господем, и иде путем Иеровоама сына Наватова, и во гресех его, имиже в согрешение приведе Израиля.Select 1 Kings 15:34