31 Kings 3

1Егда же царство утвердися в руце Соломона, сватовство сотвори Соломон с фараоном царем Египетским: и поят дщерь фараоню и введе ю во град Давидов, дондеже сконча здати дом свой и дом Господень и стену Иерусалима окрест.Select 1 Kings 3:1

2Обаче людие тогда бяху жруще на высоких, яко не бе создан дом Господеви даже до дне онаго.Select 1 Kings 3:2

3И возлюби Соломон Господа, ходити в заповеданиих Давида отца своего, токмо на холмех жряше и кадяше.Select 1 Kings 3:3

4И воста Соломон, и иде в Гаваон пожрети тамо, яко тамо бе высота велия: тысящу всесожжения вознесе на жертвеннице в Гаваоне.Select 1 Kings 3:4

5И явися Господь Соломону во сне нощию и рече ему: проси что хощеши себе.Select 1 Kings 3:5

6И рече Соломон: Ты сотворил еси с рабом Твоим Давидом отцем моим милость велию, якоже ходи пред Тобою истиною и правдою и правым сердцем с Тобою, и сохранил еси ему милость великую сию, еже дати сыну его седети на престоле его, якоже днесь:Select 1 Kings 3:6

7и ныне, Господи Боже мой, Ты дал еси раба Твоего вместо Давида отца моего: и аз есмь отрочищь мал, и не вем исхода моего и входа моего:Select 1 Kings 3:7

8раб же Твой посреде людий Твоих, ихже избрал еси людий многих, иже не изочтутся от множества:Select 1 Kings 3:8

9и даси рабу Твоему сердце смыслено слышати и судити люди Твоя в правде, еже разумевати посреде добра и зла: яко кто может судити людем Твоим тяжким сим?Select 1 Kings 3:9

10И угодно бысть слово сие пред Господем, яко испроси Соломон глагол сей.Select 1 Kings 3:10

11И рече Господь к нему: занеже просил еси от мене глагола сего, и не просил еси от мене дний многих, и не просил еси богатства, ниже просил еси душ враг твоих, но испросил еси себе разума, еже слышати суд:Select 1 Kings 3:11

12се, сотворих по глаголу твоему, се, дах ти сердце смыслено и мудро: якоже ты, не бысть муж прежде тебе и по тебе не востанет подобен тебе:Select 1 Kings 3:12

13и яже не просил еси, дах тебе, и богатство и славу, якоже ты, не бысть муж подобен тебе в царех во вся дни твоя:Select 1 Kings 3:13

14и аще пойдеши путем Моим сохранити заповеди Моя и повеления Моя, якоже хождаше Давид отец твой, и умножу дни твоя.Select 1 Kings 3:14

15И возбудися Соломон, и се, сновидение. И воста, и иде во Иерусалим, и ста пред лицем жертвенника, пред лицем кивота завета Господня в Сионе, и вознесе всесожжения и сотвори мирная, и сотвори пир велий себе и всем отроком своим.Select 1 Kings 3:15

16Тогда явистеся две жене блуднице пред царем и стасте пред ним.Select 1 Kings 3:16

17И рече жена едина: во мне, господи мой: аз и жена сия жихоме в дому единем и родихоме в дому:Select 1 Kings 3:17

18и бысть по третием дни рождения моего, и роди и жена сия: и бехом купно, и не бе никтоже с нами, кроме обоих нас в дому:Select 1 Kings 3:18

19и умре сын жены сея в нощи, яко лежа на нем:Select 1 Kings 3:19

20и воста в полунощи, и взя отроча мое от объятий моих, и успи е на лоне своем, а отроча свое умершее положи на лоне моем:Select 1 Kings 3:20

21и востах заутра накормити отроча мое, и обретох и мертво: и се, разсмотрих его рано, и се, не бе сын мой, егоже родих:Select 1 Kings 3:21

22и рече другая жена: ни, но се есть сын мой живый, се же есть сын твой умерый. И прястеся пред царем.Select 1 Kings 3:22

23И рече има царь: ты глаголеши, яко сей сын мой живый, сын же сея мертвый: и ты глаголеши: ни, но живый есть сын мой, твой же сын умерший.Select 1 Kings 3:23

24И рече царь: принесите ми мечь. И принесоша мечь пред царя.Select 1 Kings 3:24

25И рече царь: разсецыте отроча ссущее живое на двое, и дадите половину его сей, и другую половину оней.Select 1 Kings 3:25

26И отвеща жена, еяже бе сын живый, и рече ко царю, понеже смятеся утроба ея о сыне ея, и рече: во мне, господи мой, дадите ей отроча живое, смертию же не умертвите его. И та рече: да не будет ни мне, ни тебе, но пресецыте е.Select 1 Kings 3:26

27И отвеща царь и рече: дадите детище живо жене рекшей: дадите сей е, смертию же не умертвите его: сия мати его.Select 1 Kings 3:27

28И слыша весь Израиль суд сей, имже суди царь, и убояшася от лица царева, разумеша бо, яко разум Божий в нем еже творити оправдания.Select 1 Kings 3:28